Josué 7:26 - Bible in Tzeltal Bachajón

²⁶ La sbusambeyic bayel tonetic ta sba te chican c'alal ora. Hich lahmaj te yilimba Jehová. Ha scuentahil te spamlej yu'un Acor sbihil te lugar c'alal ora.

Bible in Tzeltal de Oxchuc y Tenejapa

²⁶ muc' la sbusanbeyic tonetic ta sba, te chican ta ora yo'tic. Ja' swentail Acor, xi' sbiil te stenlej xatal q'uinale. Jich a lamaj yilimba Cajwaltic ta stojol Israel.

Josué 7:26 ပူးပေါင်းရင်းမြစ်များ

2 Samuel 18:17

La yich'beyic bahel te sbaq'uetal Absalón, la sch'ojbeyic cohel ta muc'ul hotol ch'en ta tohyem te'etic. La sbusanic bayel ton ta sba. Spisil Israel ahnic bahel ta snahic.

2 Samuel 21:14

La smucbeyic te sbaquelic Saúl soc Jonatán ta smuquenal Cis te stat Saúl ta Zela, ta sq'uinal Benjamín. La spasic spisil te bin pasotic ta mandar yu'un te ajwalil. Ta patil te Dios la sna'be yo'bolil sba te q'uinale.

2 Crónicas 29:10

Ha yu'un yo'tic ho'on jnopoj te ya jchap jc'op soc Jehová te Dios yu'un Israel scuenta yu'un hich ya xloc' bahel a te yilimba ta jtojoltic.

Esdras 10:14

Ac'a hiluc te príncipaletic cu'uncotic scuenta sjelol spisil te pueblo. Spisil mach'atic te ayic ta pueblohetic cu'uncotic te yic'oj yihnaminic jyanlum-antsetic ya me xtalic soc te mamaletic soc te juecetic yu'un te jujuntic pueblo te bin c'ahc'alil ya xhalbotic, ha to c'alal ya xlahmaj te tulan yilimba te Dios cu'untic ta scaj te c'op ini, xchihic.

Salmos 85:4

Cha'lecubtesawotcotic, Diosat yu'un te jcolelcotic, ac'a lahmajuc awilimba ta jtojolcotic.

Éxodo 32:12

¿Bin yu'un te hich ya yalic ta patil te egipciohetic: Yu'un ay bin chopol la snop ta yo'tan te la sloq'ueslan bahel, yu'un ya smilticlan ta witsiltic, yu'un ya slajinlan ta jc'axel ta q'uinal, xchihic? Ihquitaya te tulan awilimba, suhtesa awo'tan yu'un te bin chopol anopoj yac apasbe te pueblo awu'une.

Isaías 40:2

C'oponahic soc yutsil awo'tanic te Jerusalén, halbeyahic te ts'acayix te yorahil yu'une, te pasbotix perdón yu'un te smule, te cheb buelta stojol spisil smul la yich' ta sc'ab Jehová.

Isaías 65:10

Te Sarón ha yawil tuminchijetic ya xc'oht, soc te sjuclej yu'un Acor ha yawil wacaxetic ya xc'oht yu'un te pueblo cu'un te ya slehonique.

Lamentaciones 3:53

cuxulon to a la yotsesonic ta hotbil ch'en, la smaquic hilel ta ton te sti'ile;

Oseas 2:15

Tey ya jsutbe a te ts'usubiletic yu'un, soc ya cac' te ha yochibal smuc'ul-o'tanil ya xc'oht te spamlej Acor. Tey ya xc'ayojin a hich te bin ut'il c'alal ach'ix to a, hich te bin ut'il te bin c'ahc'alil loc' tal ta Egipto.

Oseas 2:17

Como ya jloq'uesbe ta ye te sbihilic te baaletic, mayuquix bin ora ya yalbe te sbihilique.

Joel 2:13

Jata awo'tanic, ma ha'uc xach'i' te ac'u'ique, suhtanic tal ta stojol Jehová te Dios awu'unique, como ay sc'uxul yo'tan, soc ya sna' yo'bolil jbahtic, ma orahuc ya x'ilin soc ay bayel sc'uxul yo'tan, c'ux ya ya'iy te ya yac' castigo.

Joel 2:18

Te Jehová, te bin ut'il xut'et yo'tan ta scuenta te q'uinal yu'un, ya me sna'be yo'bolil sba te pueblo yu'une.

Jonás 1:15

Hich la stsaquic te Jonás, la sch'ojic ochel ta mar; hich lahmaj te tulan sbahq'uel mar.

Zacarías 6:8

Patil la yic'on tal, hich la yalbon: Ilawil, te cawuhetic te bahtic ta q'uinal ta stojol norte la ya'beyic scux yo'tan te espíritu cu'un ta q'uinal ta norte, xchi.

Números 25:8

och bahel ta spat te israel-winic ta snahilpac', la slow ta sch'uht schebalic, ha te israel-winic soc te madianita-ants. Hich quehchaj te jmilawal-chamel ta yohlil te snich'nab Israel.

Deuteronomio 13:17

Ma me xatsac te bin ac'bil ta scuenta lajel, scuenta yu'un te Jehová ya sloq'ues ta atojol te sc'ahc'al yilimba, ya sc'uxultayat soc ya sna'bat yo'bolil aba, ya yac' p'ohlucat, hich te bin ut'il jc'axel yalbeyej ta jamal te ame'atatic,

Deuteronomio 13:18

te c'alal yac ach'uhumbe sc'op te Jehová te Dios awu'un, te yac ach'uhun spasel spisil te mandariletic yu'un te ya jpasat ta mandar ta ora ini, yu'un yac apas te bin stojil ta pasel ta stojol Jehová te Dios awu'une.

Josué 10:27

C'alal mahlix bahel c'ahc'al a, te Josué la yal mandar te ya scohtesic ta te' soc ya sch'ojic ta ch'en ta banti la snac' sbahic. La smaquic hilel te ch'en ta muc'ul tonetic, tey ayic c'alal ora.

Josué 7:24

Hich te Josué soc spisil Israel la stsaquic te Acán snich'an Zera, soc te plata, nahtil-c'u'ul, jpehch oro, te snich'nab queremetic soc ach'ixetic, te wacaxetic, burrohetic soc tuminchijetic yu'un, te snahilpac' soc spisil bintic ay yu'un, la yiq'uic bahel ta spamlej yu'un Acor.

Josué 8:29

La sjohc'an ta te' te ajwalil yu'un Hai ha to c'alal ta yihc'ubel q'uinal. C'alal mahlix bahel c'ahc'al a, la yal mandar te Josué te ya scohtesbeyic sbaq'uetal ta te' soc ya sch'ojic bahel ta yochibal te pueblo. La sbusambeyic bayel ton ta sba te chican c'alal ora.