Josué 7:25 - Bible in Tzeltal Bachajón

²⁵ Te Josué hich la yalbe: ¿Bin yu'un la awac' jwocolcotic? Te Jehová ac'a ya'bat awocol yo'tic, xchi. Hich spisil te snich'nab Israel la sch'ojic ta ton soc la schiq'uic te c'alal laj sch'ojbelic ta ton.

Bible in Tzeltal de Oxchuc y Tenejapa

²⁵ Te Josué la yalbey: —¿Bi yu'un te la awich'botic tel woclajel ta jtojoltic? Ta ora yo'tic te Cajwaltic ja' me ya yac' c'otuc ta awenta te woclajel te la awich'botic tele —xi'. C'alal laj yo'tan ta yalel, spisil te israeletic la smilic ta ch'ojel ta ton te Acán soc te mach'atic ay yu'une. Ta patil la xchiq'uic,

Josué 7:25 ပူးပေါင်းရင်းမြစ်များ

Génesis 34:30

Ha yu'un te Jacob hich la yalbe te Simeón soc Leví: Ha'ex ta acuentahic te ay jwocol yu'un te la awaq'uic te ihlaybil c'ohon ta stojol te cananeohetic soc te ferezeohetic te nahinemic li' ta q'uinal ini. Te bin ut'il mayuc tsobol winiquetic cu'un, ya me stsob tal sbahic yu'un ya scontrahinonic, ya me slajinonic soc spisil mach'atic ay cu'un ta jna, xchi.

Génesis 38:24

Oxeb wan u ta patil c'oht ta halbeyel te Judá: La yac' sba ta antsinel te awalib Tamar; hahchemix yal, xchi sc'oblal. Hich la yal te Judá: ¡Tsacahic loq'uel tal, ac'a yich' chiq'uel! xchi.

1 Crónicas 2:7

Te snich'an Carmi: ha te Acar, ha te la ya'be swocol te Israel como la stsac te bin parte ac'bil scuenta lajel.

Proverbios 1:19

Hich ya xc'ohtic te jbic'tal-o'tanetic, ha nix ya xlajinotic yu'un.

Proverbios 15:27

Te mach'a ay sbic'tal yo'tan ha nix ya sjin sna, yan te mach'a ya sp'aj te ya schon sba, ya me xcuxaj.

Levítico 20:14

Te winic te ya yic' yihnamin jtuhl ants soc snan, mero chopol bin ya spas; ya me yich'ic chiq'uel te winic soc te antsetic, scuenta yu'un mayuc hich schopolil ta awohlilic a.

Levítico 20:2

Halbeya te snich'nab Israel: Mach'ayuc winiquil ta Israel, o jyanlum te nahinem ta Israel, teme ya ya'be smahtanin Moloc jtuhluc snich'an, ya me xlaj; ya yich' ch'ojel ta ton yu'un te slumale.

Levítico 21:9

Te yantsil-nich'an sacerdote teme ya sbohlobtes sba yu'un te ya xhahch yac' sba ta antsinel, ya sbohlobtesbe sc'oblal te state, ya me yich' chiq'uel.

Levítico 24:14

Ic'a loq'uel ta campamento te jbohlc'optaywanej. Spisil te mach'atic la ya'iyic bin la yal ac'a scajan sc'abic ta sjol soc ac'a sch'ojic ta ton spisil te pueblo.

Gálatas 5:12

¡Ayuc ya yehchentes sbahic ta c'axel te mach'atic yac sjimbelex awo'tanique!

Deuteronomio 13:10

Ya me ach'oj ta ton ha to teme laj, yu'un ya c'an ya'bat awihquitay te Jehová te Dios awu'un te la sloq'uesat tal ta sq'uinal Egipto ta mosohil,

Deuteronomio 13:11

scuenta yu'un spisil Israel ya ya'iyic soc ya xiwic, scuenta yu'un ma ba hich ya xc'oht ta pasel yan buelta ta awohlilic.

Deuteronomio 17:5

ya me aloq'ues bahel ta yochibal te pueblo awu'un te winic o ants te la spas te bin chopol ini, ya me ach'oj ta ton ha to ya xlaj.

Deuteronomio 21:21

Ha yu'un spisil te winiquetic yu'un te pueblo ya me sch'ojic ta ton, hich ya xlaj. Hich yac aloq'ues a te bin chopol ta awohlil, soc spisil Israel ya me ya'iyic soc ya me xi'ic.

2 Tesalonicenses 1:6

Ha stojil ta stojol Dios te ya ya'be stoj ta wocol te mach'atic ya ya'beyex awocolic,

Hebreos 12:15

Tsahtayahic te mayuc mach'a ma ba ya sta te yutsil yo'tan te Diose, soc te ma ba ya xpuhlin slohp' te bin ch'a te ya ya'beyex wocol soc te ya sbohlobtes tsobolex.

Josué 6:18

Pero te ha'exe tsahtayahic me yu'un te bin parte ac'bil scuenta lajel; ma me xapic soc ma me xawich'ic te bin parte ac'bil scuenta lajel; ma me xawaq'uic te ya xc'oht chopol c'oblalil ta stojol te campamento yu'un Israel, te hich yac awa'be sta swocol a.

Josué 7:15

Te mach'a yich'oj te bin parte ac'bil ta scuenta lajel ya me yich' chiq'uel soc spisil bintic ay yu'un, ta scaj te la sc'axuntay te chapbil-c'op yu'un Jehová soc la spas te bin c'ax chopol ta yohlil Israel, xchi te Jehová.

1 Samuel 14:29

La sjac' te Jonatán: Te jtat la ya'be swocol te jlumaltique. Ilawil bin ut'il lecub jsit yu'un te la jwe' jxuht' te chabe.