Josué 7:24 - Bible in Tzeltal Bachajón

²⁴ Hich te Josué soc spisil Israel la stsaquic te Acán snich'an Zera, soc te plata, nahtil-c'u'ul, jpehch oro, te snich'nab queremetic soc ach'ixetic, te wacaxetic, burrohetic soc tuminchijetic yu'un, te snahilpac' soc spisil bintic ay yu'un, la yiq'uic bahel ta spamlej yu'un Acor.

Bible in Tzeltal de Oxchuc y Tenejapa

²⁴ Ta patil la yiq'uic bael te Acán ta stenlej xatal q'uinal yu'un Acor, soc te plata, c'u'il, te jpejch' oro, te snich'nab queremetic soc ach'ixetic, te wacaxetic soc te chijetic yu'une, te snailpac' soc spisil te bitic ay yu'une.

Josué 7:24 ပူးပေါင်းရင်းမြစ်များ

Génesis 18:25

Ma hichuc ay ta pasel awu'un te pajal yac awac' lajuc soc te mach'a chopol yo'tan te mach'a toj yo'tan, te pajal bin ya xc'oht ta stojol te mach'a toj yo'tan soc te mach'a chopol yo'tan. ¡Mayuc bin ora te hich yac apas! Te Jchahpanwanej yu'un swohlol te bahlumilal ¿ma bal ha'uc ya spas te bin toj ta pasele? xchi.

Job 20:15

La sbic' c'ulejalil, pero ya me xehtay; Dios me ya sloq'uesbe ta sch'uht.

Éxodo 20:5

Ma me xaquejan aba ta stojolic soc ma me xawich' ta muc', como ho'on Jehovahon te Dioson awu'un, xut'et co'tan, ya ca'be castigo yu'un smul sme'static te yal-snich'nabic ta yoxcajal soc ta schancajal te mach'atic ya yil-o'tantayonic,

Proverbios 15:27

Te mach'a ay sbic'tal yo'tan ha nix ya sjin sna, yan te mach'a ya sp'aj te ya schon sba, ya me xcuxaj.

Eclesiastés 5:13

Quiloj ta bahlumilal te bin c'ax chopol: ha te ay c'ulejalil te q'uejbil yu'un te yajwal te ha nix ya xjihnot yu'une,

Isaías 65:10

Te Sarón ha yawil tuminchijetic ya xc'oht, soc te sjuclej yu'un Acor ha yawil wacaxetic ya xc'oht yu'un te pueblo cu'un te ya slehonique.

Oseas 2:15

Tey ya jsutbe a te ts'usubiletic yu'un, soc ya cac' te ha yochibal smuc'ul-o'tanil ya xc'oht te spamlej Acor. Tey ya xc'ayojin a hich te bin ut'il c'alal ach'ix to a, hich te bin ut'il te bin c'ahc'alil loc' tal ta Egipto.

Josué 15:7

ya xmo xan bahel ta spamlej yu'un Acor c'alal ta Debir soc ya yac' buelta ta stojol Gilgal te snuhp'usitayej sba soc te mohel yu'un Adumín, te ay ta stojol sur yu'un te uc'um; ya xc'ax bahel ta ha'etic yu'un En-semes, ya xc'oht ta loq'uel ta sloq'uib-ha' Rogel;

Josué 22:20

¿Ma bal lajuc sta smul te Acán snich'an Zera yu'un te la stsac te bintic ac'bil ta scuenta lajel, te hich tal yilimba ta stojol spisil te pueblo Israel? Te winique ma ha'uc stuquel te laj yu'un te smule, xchihic.

Josué 6:18

Pero te ha'exe tsahtayahic me yu'un te bin parte ac'bil scuenta lajel; ma me xapic soc ma me xawich'ic te bin parte ac'bil scuenta lajel; ma me xawaq'uic te ya xc'oht chopol c'oblalil ta stojol te campamento yu'un Israel, te hich yac awa'be sta swocol a.

Josué 6:21

La smilic ta espada spisil bintic ay ta pueblo: winiquetic, antsetic, alaletic soc me'el mamaletic, soc wacaxetic, tuminchijetic, tentsunetic soc burrohetic.

Josué 7:1

Pero te snich'nab Israel la sta smulic yu'un te bintic parte ac'bil scuenta lajel, como te Acán snich'an Carmi, snich'an Zabdi, snich'an Zera, te ha sts'umbal Judá, la stsac te bin parte ac'bil scuenta lajel; hich tihl yilimba Jehová ta stojol te snich'nab Israel.

Josué 7:23

La stsaquic loq'uel ta snahilpac', la yich'ic tal ta stojol Josué soc spisil te snich'nab Israel, la yaq'uic ta stojol Jehová.

Josué 7:26

La sbusambeyic bayel tonetic ta sba te chican c'alal ora. Hich lahmaj te yilimba Jehová. Ha scuentahil te spamlej yu'un Acor sbihil te lugar c'alal ora.