Josué 7:2 - Bible in Tzeltal Bachajón

² Patil te Josué la sticon hahchel winiquetic ta Jericó, bahtic ta Hai te nopol yiloj sba soc te Bet-avén, ta stojol sloq'uib c'ahc'al yu'un Bet-el, hich la yalbe: Mohanic bahel ta stsahtayel te q'uinale, xchi. Hich bahtic ta stsahtayel tal te Hai.

Bible in Tzeltal de Oxchuc y Tenejapa

² Te Josué ay la sticun bael winiquetic ta Jericó te bajt'ic ta Hai te ay ta stojol sloq'uib c'aal yu'un Betel, te nopol yiloj sba soc te Bet-avén. Yich'ojic mandal te ba stsajtayic te q'uinale. Jich a bajt'ic, ba stsajtayic tel.

Josué 7:2 ပူးပေါင်းရင်းမြစ်များ

Génesis 12:8

C'ax xan bahel tey a te Abram, c'oht ta jun wits ay ta stojol banti ya xloc' tal c'ahc'al yu'un Bet-el, la stehc'an snahilpac' tey a; ay ta stojol smahlib c'ahc'al te Bet-el, ay ta stojol banti ya xloc' tal c'ahc'al te Hai. Tey la spasbe scajtajib ta chiq'uel mahtanil a te Jehová soc la sc'opon te Jehová.

Génesis 28:19

Bet-el sbihil c'oht yu'un te lugar, aunque Luz sbihil ta nahil to te pueblo.

1 Reyes 12:29

Jun la yac' ta Bet-el, yan la yac' ta Dan.

Nehemías 11:31

Te sts'umbal Benjamín nahinic ta Geba, Micmas, Aía, Bet-el soc ta tut pueblohetic yu'unic ta sjoyobal;

Proverbios 20:18

Te bintic ya yich' chapel, tulan ya xc'oht yu'un lequil j'ac'-o'tanil; ya yich' pasel guerra ta scuenta lequil tojobtesel.

Proverbios 24:6

como ta scuenta lequil j'ac'-o'tanil yac apas guerra, soc ta scuenta tsobol j'ac'-o'taniletic ya xhu' te tsalawe.

Isaías 10:28

Te jcontra c'oht c'alal ta Ajat, c'ax bahel ta Migrón, la yihquitay hilel ihcatsil ta Micmas.

Jeremías 49:3

¡Oc'an, Hesbón, como jihnemix te Hai! ¡awonanic, yantsil-nich'nab Rabá, lapahic ch'ixal-pac', oq'uetaya abahic, ahnimajanic ta jehch ta jehch ta yutil te ts'ahc, como te Milcom ic'ot bahel ta chuquel soc te sacerdotehetic soc príncipaletic yu'unique.

Oseas 4:15

Teme yac awa'iy antsiwej, ha'at Israel, manchuc me ya sle smul te Judá. ¡Ma me xbahex ta Gilgal, ma me xmohex bahel ta Bet-avén, ma me hichuc xawalic ta jamal: Yiloj Jehová, ma xchihuquex!

San Mateo 10:16

Ya jticonex bahel hich te bin ut'il tuminchijetic ta yohlil chojetic. Ha yu'un p'ijanic me hich te bin ut'il chan soc lamaluc me awo'tanic hich te bin ut'il stsuhmut.

Efesios 5:15

Ha yu'un tsahtaya me abahic ta lec bin ut'il ya x'ayinex ta q'uinal, p'ijanic me, ma me hichuquex te bin ut'il mach'atic ma sna'ic q'uinal,

Josué 12:9

ha te ajwaliletic yu'un Jericó, yu'un Hai te ay ta sts'ehl Bet-el,

Josué 18:12

Te smojonil ta stojol norte hahch bahel ta Jordán, mo bahel ta norte yu'un Jericó; mo xan bahel ta witsiltic ta stojol banti ya xmahl c'ahc'al, c'oht ta loq'uel ta jochol taquin q'uinal yu'un Bet-avén.

Josué 2:1

Te Josué snich'an Nun muquen la sticon hahchel ta Sitim cheb jtsahtaywanejetic, hich la yalbe: Bahan ilawilic te q'uinal soc te Jericó, xchi. Hich bahtic, ochic ta sna jtuhl j'antsinel-ants Rahab sbihil, tey c'ax ahc'abal yu'unic a.

Josué 7:3

Te c'alal suhtic tal hich la yalbeyic te Josué: Ma fuersahuc ya xmohic bahel spisil te pueblo; ta cha'mil o oxmiluc winiquetic ya xhu' ya stsalic te Hai; ma xawa'be swocol ta lubel spisil te pueblo te ya xbahtic tey a, como mayuc bayelic, xchihic.

1 Samuel 13:5

Hich te filisteohetic la stsob sbahic ta ya'beyel guerra te Israel: oxpic soc ho'lajunbahc' (30,000) carretahetic yu'un guerra, ho'lajunbahc' (6,000) ta tuhl winiquetic cajajtic ta caballo, soc hich yipal soldadohetic te bin ut'il shi'al sti'il mar. Mohic talel soc la spasic scampamentohic ta Micmas, ta stojol banti ya xloc' tal c'ahc'al yu'un Bet-avén.

1 Samuel 14:23

Baht c'alal ta Bet-avén te guerra. Hich coltayot yu'un Jehová te Israel ta hich ora.

1 Samuel 30:27

La sticombe bahel ta stojol te mach'atic ayic ta Bet-el, ta Ramot yu'un Neguev, ta Jatir,