Josué 7:1 - Bible in Tzeltal Bachajón

¹ Pero te snich'nab Israel la sta smulic yu'un te bintic parte ac'bil scuenta lajel, como te Acán snich'an Carmi, snich'an Zabdi, snich'an Zera, te ha sts'umbal Judá, la stsac te bin parte ac'bil scuenta lajel; hich tihl yilimba Jehová ta stojol te snich'nab Israel.

Bible in Tzeltal de Oxchuc y Tenejapa

¹ Ay jtul te ay ta swenta sts'umbal Judá, Acán sbiil. Ja' snich'an Carmi, smam Zabdi, soc ja' xcha'lamal smam te Zara. Ay biluc la stsac te albil sc'oplal te ya yich'ic jinel ta jc'axele. Ja'uc me to, spisil israeletic la smulinic ta stojol te Cajwaltique, melel Acán la stsac te biluquetic albil mandal yu'un te ya yich' jinel ta jc'axele. Ja' swentail te bayal ilin Cajwaltic ta stojolic.

Josué 7:1 ပူးပေါင်းရင်းမြစ်များ

Génesis 34:27

Te snich'nab Jacob c'axic ta yohlil te mach'atic lajemic, la spojbeyic bahel te biluquetic yu'un te pueblo, ta scaj te la sbohlobtesbeyic sc'oblal te yihts'inique.

2 Samuel 24:1

Te Jehová tihl xan yilimba ta stojol Israel. La shachbe yo'tan David ta scontrahinel Israel, hich la yal: Bahan, ahtaya te Israel soc Judá, xchi.

2 Reyes 5:24

C'alal c'ohtic ta wits, te Giezi la stsacbe ta sc'ab, la sq'uej ta sna, soc la sticonlan suhtel te winiquetique.

1 Crónicas 21:7

Ma lecuc yo'tan Dios yu'un, la ya'be castigo te Israel.

2 Crónicas 24:18

hich la yihquitayic te sna Jehová, te Dios yu'un te sme'static, la sch'uhuntayic te loc'ombahetic yu'un Asera soc te yantic loc'ombahetic. Ha yu'un tal yilimba Dios ta stojol Judá soc Jerusalén yu'un te smulique.

Esdras 9:6

hich la jcal: Dios cu'un, ma jna' bin ya jpas, soc ay q'uexlal ya ca'iy te ya jach mohel jsit ta atojol, Dios cu'un, como te jmulcotic sohlix mohel ta jolcotic, soc te faltahetic cu'uncotic c'ohemix c'alal ta ch'ulchan.

Job 35:8

Te bin chopol yac apas, ha nax yac awuts'in a te ants-winic te pajalat soque, soc te bin stojil yac apas, ha nax ay bin ya sta a te snich'nab winic.

Eclesiastés 9:18

Ha lec xan te p'ijil-o'tanil te bin ut'il te a'tejibaletic yu'un guerra; pero jtuhl jmulawil ya sjin bayel bintic lec.

Daniel 9:7

Ha'at awu'un, Jehová, te bin toj ta pasel, pero ho'otcotic ayotcotic ta q'uexlal c'alal ora yo'tic, spisil mach'atic yu'un Judá, te mach'atic nahihenic ta Jerusalén soc spisil Israel, te nopol ayic soc te namal ayic, ta spisil q'uinal ta banti la apucticlan bahel ta scaj stoybahilic ta atojol.

Levítico 10:6

Te Moisés hich la yalbe te Aarón soc te snich'nab, ha te Eleazar soc Itamar: Ma me xaloq'ues te smuhquil ajolic, soc ma me xach'i' ac'u'ic scuenta seña mel-o'tan, scuenta yu'un ma ba ya xchamex soc ma ba ya xtal ilimba ta stojol te pueblo. Yan te awermanotac, ta spisil sna Israel, ya xhu' ya smel yo'tanic stuquel yu'un te c'ahc' te la stihltes te Jehová.

Jonás 1:7

Talel c'axel hich la yalbe sbahic te j'a'teliletic ta barco: La', ya jpasbetic seña ta na'el yu'un hich ya jna'tic a mach'a ta scuenta te talem ta jtojoltic te wocole, xchihic. Hich la spasic seña ta na'el, ha c'oht ta scuenta Jonás.

Josué 22:16

Hich ya yal spisil te pueblo yu'un Jehová: ¿Bin a te chopol la apasic ini ta scontrahinel te Dios yu'un Israel, te la awihquitayiquix st'unel te Jehová, ha te la apasiquix scajtajib ta chiq'uel mahtanil scuenta atoybahilic ta stojol Jehová?

Josué 22:18

te yo'tic yac awihquitayic st'unel te Jehová? Teme yac atoy abahic yo'tic ta stojol Jehová, pajel ya me xtihl yilimba ta stojol spisil te pueblo Israel.

Josué 22:20

¿Ma bal lajuc sta smul te Acán snich'an Zera yu'un te la stsac te bintic ac'bil ta scuenta lajel, te hich tal yilimba ta stojol spisil te pueblo Israel? Te winique ma ha'uc stuquel te laj yu'un te smule, xchihic.