Josué 6:9 - Bible in Tzeltal Bachajón

⁹ Te winiquetic te yich'oj ya'tejibic yu'un guerra nahilijic bahel ta stojol te sacerdotehetic te yac yoq'uesimbelic te xulubiletic, soc te mach'atic patil ayic yaquic ta bahel ta spat te scaxahul te chapbil-c'op c'alal yacalic ta yoq'uesinel a te xulubiletique.

Bible in Tzeltal de Oxchuc y Tenejapa

⁹ Te winiquetic te yich'oj yat'ejibic yu'un guerra, neelajic c'axel ta stojol te sacerdoteetique. Ay xan beenic bael ta scanantayel ta spat te scajonil trato. Te sacerdoteetic tey yacalic ta yoq'uesinel xulubil yu'unic, mero ma scom sbaic ta yoq'uesinel.

Josué 6:9 ပူးပေါင်းရင်းမြစ်များ

Isaías 58:8

Hich me ya xtihl te sacal q'uinal awu'un te bin ut'il ya sacub tal te q'uinale, soc ora ya xchicnaj te lecubtesel awu'une; ya xnahilij bahel ta atojol te bin stojil ta pasel awu'un, soc te yutsilal te Jehová ya scanantayat ta apat.

Números 10:25

Patil hahch ta behel te bandera yu'un te snich'nab Dan, ta scuenta te jujutsohb yu'unic, ha te ayic ta slajibal ta behel yu'un spisil te campamentohetique. Te Ahiezer snich'an Amisadai, ha jtsobaw yu'un te jtsohb soldadohetic yu'unique.

Josué 6:10

Te Josué hich la spas ta mandar te pueblo: Ma me x'awonex, ma me xc'opojex, ma me xloc' jp'ahluc c'op ta awehic ha to bin ora hich ya calbeyex: awonanic, teme xchihone, ha to me ya x'awonex a, xchi.

Josué 6:13

Te huctuhl sacerdotehetic te yich'ojic te huqueb xulub tat tuminchij nahilijic bahel ta stojol te scaxahul te chapbil-c'op yu'un Jehová, yacalic ta behel soc ta yoq'uesinel a te xulubiletique. Te winiquetic te yich'oj ya'tejibic yu'un guerra nahilijic bahel yu'unic, soc te yantic talic ta spat te scaxahul te chapbil-c'op yu'un Jehová c'alal yac ta yoq'uesinel spisil ora te xulubiletique.

Josué 6:8

C'alal laj yo'tan ta sjuquel ta c'op te pueblo te Josué, te huctuhl sacerdotehetic te yich'ojic te huqueb xulub tat tuminchij nahilijic bahel yu'un te scaxahul te chapbil-c'op yu'un Jehová, yaquic ta yoq'uesinel a te xulubiletic, yac ta talel ta spatic te scaxahul te chapbil-c'op yu'un Jehová.