Josué 6:7 - Bible in Tzeltal Bachajón

⁷ Soc hich la yalbe te pueblo: Bahan, joyobtayahic te pueblo. Te mach'atic yich'oj ya'tejibic yu'un guerra ya me xnahilijic bahel yu'un te scaxahul te chapbil-c'op yu'un Jehová, xchi.

Bible in Tzeltal de Oxchuc y Tenejapa

⁷ Soc jich la yalbey te israeletique: —Baanic joyintayaic te lume. Te winiquetic te yich'oj yat'ejibic yu'un guerra, ac'a neelajuc bael yu'un a te cajón yu'un Cajwaltic —xi'.

Josué 6:7 ပူးပေါင်းရင်းမြစ်များ

Josué 1:14

Te awihnamic, anich'nabic soc awacaxic ya xhilic ta q'uinal la ya'beyex te Moisés li' ta jehch Jordán; yan te ha'exe, apisilic te ay yip awo'tanic soc te ay awipic, awich'oj awa'tejibic yu'un guerra a ya me xnahilijex bahel yu'un te awermanotac soc ya me acoltayic,

Josué 4:13

Ay wan ho'pic (40,000) winiquetic chapalic soc ya'tejibic ta yaq'uel guerra te c'axic bahel ta stojol Jehová ta spamlej yu'un Jericó.

Josué 6:3

Ha yu'un spisil te winiquetic yu'un guerra awu'unic ya me ajoyobtayic jun buelta te pueblo. Hich me yac apasulanic waqueb c'ahc'al.

Josué 6:6

Ha yu'un te Josué snich'an Nun la yic'ticlan tal te sacerdotehetic, hich la yalbe: Q'uechahic bahel te scaxahul te chapbil-c'op, soc ac'a yich'ic bahel huqueb xulub tat tuminchij huctuhl sacerdotehetic te ya xnahilijic bahel yu'un te scaxahul te chapbil-c'op yu'un Jehová, xchi.

Josué 6:8

C'alal laj yo'tan ta sjuquel ta c'op te pueblo te Josué, te huctuhl sacerdotehetic te yich'ojic te huqueb xulub tat tuminchij nahilijic bahel yu'un te scaxahul te chapbil-c'op yu'un Jehová, yaquic ta yoq'uesinel a te xulubiletic, yac ta talel ta spatic te scaxahul te chapbil-c'op yu'un Jehová.