Josué 6:1 - Bible in Tzeltal Bachajón

¹ Te Jericó buen macal ta scaj te la xi'ic te snich'nab Israel, mayuc mach'a ya x'och bahel o ya xloc' talel.

Bible in Tzeltal de Oxchuc y Tenejapa

¹ Ma'yuc jtuluc mach'a ya xju' ya x'och bael, soc ma'yuc mach'a ya xju' ya xloc' tel ta Jericó, melel la smacbeyic te yochibal sts'ajc'ul te lum ta sjoyobale. Yu'un jich ya scoltay sbaic ta sc'ab ta sc'opic a te israeletique.

Josué 6:1 ပူးပေါင်းရင်းမြစ်များ

2 Samuel 10:5

C'alal hich a'bot sna' te David, la sticon ta halbeyel, como ayic ta bayel q'uexlal. Hich la yal te ajwalil: Hilanic ta Jericó ha to c'alal ya xcha'col te awisimic, hich ya suhtex talel a, xchi.

2 Reyes 17:4

Pero te ajwalil yu'un Asiria la ya'iy te yac ta schapel sc'op Oseas ta scontrahinel, como sticonej bahel winiquetic ta stojol So ajwalil yu'un Egipto, soc te ma ba yaquix stojbel spatan ta stojol te ajwalil yu'un Asiria hich te bin ut'il ya spas jujun ha'bil. Ha yu'un te ajwalil yu'un Asira la stsac te Oseas soc la yotses ta cárcel.

2 Reyes 2:4

Te Elías la yalbe xan: Hilan li'i, Eliseo, yu'un ya sticonon ta Jericó te Jehová, xchi. ¡Yiloj Jehová, soc cuxulat! ma ba ya quihquitayat, xchi te Eliseo. Hich bahtic ta Jericó.

Salmos 127:1

Teme ma ha'uc te Jehová ya spas te nahe, tojol ya x'a'tejic te mach'atic ya spasique. Teme ma ha'uc te Jehová ya scanantay te pueblohe, tojol ya xcanantayot yu'un te jcananetique.

Josué 16:7

Ta Janoa ya xco bahel ta Atarot soc ta Naarat, ya sta Jericó soc ya xc'oht ta loq'uel ta muc'ul-ha' Jordán.

Josué 18:21

Te pueblohetic yu'un te sts'umbal Benjamín, ha chican te jaychahp ayic, ha te Jericó, Bet-hogla, Emec-quesis,

Josué 2:1

Te Josué snich'an Nun muquen la sticon hahchel ta Sitim cheb jtsahtaywanejetic, hich la yalbe: Bahan ilawilic te q'uinal soc te Jericó, xchi. Hich bahtic, ochic ta sna jtuhl j'antsinel-ants Rahab sbihil, tey c'ax ahc'abal yu'unic a.

Josué 2:24

Hich la yalbeyic te Josué: Te Jehová ya'beyejotiquix ta jc'abtic spisil te q'uinale; soc spisil te mach'a nahinemic tey a lajemiquix ya ya'iyic yu'un xi'belotic, xchihic.

Josué 2:7

Hich te winiquetic yu'un te ajwalil baht slehic te jtsahtaywanejetic ta sbehlal Jordán c'alal ta tec'o-ha'etic. C'alal loq'uiquix bahel a te jnutsawetic, la yich' maquel te yochibal te pueblo.

Josué 5:15

Te jtsobaw yu'un te soldadohetic yu'un Jehová hich la sjac'be sc'op te Josué: Loq'uesa atep, yu'un ch'ultesbil te banti ayat, xchi. Hich la spas te Josué.

Josué 6:2

Te Jehová la yalbe te Josué: Ilawil, la jca'batix ta ac'ab te Jericó, te ajwalil yu'un soc te swinic yu'un guerra.