Josué 5:6 - Bible in Tzeltal Bachajón

⁶ Como te snich'nab Israel behenic cha'winic (40) ha'bil ta jochol taq'uin q'uinal ha to c'alal cham spisil te winiquetic te ya xhu' ya yaq'uic guerra te loq'uic tal ta Egipto. Chamic ta scaj te ma ba la sch'uhumbeyic sc'op te Jehová. Ha yu'un la yal ta jamal te Jehová te ma ba ya ya'be yilic te q'uinal te la yalbe ta jamal te sme'static te ya ya'be, ha te q'uinal ta banti ya x'oquin leche soc chab.

Bible in Tzeltal de Oxchuc y Tenejapa

⁶ Melel te israeletic beenic cha'winic (40) ja'wil ta muc'ul jochol taquin q'uinal. Lajemiquix jilel stuquelic a te mach'atic staojiquix lec ya'wilalic te loq'uic tel ta Egipto, ja' te winiquetic te ma la xch'uunbeyic smandal te Cajwaltique. Ja' swentail te la yal ta jamal te ma xyac'bey yilic te q'uinal te albil yaiy te antiguo sme'-statique, ja' te q'uinal ta bay ya x'oquin leche soc chab c'oeme.

Josué 5:6 ပူးပေါင်းရင်းမြစ်များ

Salmos 107:4

Ay howiyic ta behel ta jochol taquin q'uinal, ma ba la stahbeyic sbehlal junuc pueblo te banti ya xhu' ya xnahinic.

Éxodo 3:17

Soc la jcalix te ho'on ya jcoltayex ta libre yu'un te wocol ta Egipto, ya quiq'uex bahel ta sq'uinal te cananeo, heteo, amorreo, ferezeo, heveo, soc te jebuseo, ta q'uinal te banti ya x'oquin leche soc chab, xchihat.

Éxodo 3:8

Ha yu'un cohonix tal ta scoltayel loq'uel ta sc'ab te egipciohetic soc ta sloq'uesel bahel tey ta q'uinal; ya quic' bahel ta q'uinal te buen lec soc buen jamal, te q'uinal te banti ya x'oquin leche soc chab, ta banti ay te cananeo, heteo, amorreo, ferezeo, heveo soc te jebuseo.

Jeremías 2:2

Bahan, halbeya te Jerusalén te hich ya yal te Jehová: Ya jna' te c'alal ach'ixat to a jun awo'tan ta jtojol, te c'uxon ta awo'tan te c'alal jmacojat a, te la at'unon bahel ta jochol taquin q'uinal, ta q'uinal te mayuc bin ts'umbil tey a.

Ezequiel 20:15

Ha nix hich la jach jc'ab ta jochol taquin q'uinal, la jcalbe ta jamal te ma ba ya cac'ticlan ochel ta q'uinal te ca'beyejic, ha te q'uinal banti ya x'oquin leche soc chab soc c'ax hich t'ujbil a te bin ut'il spisil q'uinaletic,

Ezequiel 20:6

Te bin ora la jach jc'ab, te la jcal jba ta jamal te ya quic'ticlan loq'uel tal ta sq'uinal Egipto yu'un ya xbahtic ta q'uinal te tsahbil cu'un, ha te q'uinal banti ya x'oquin leche soc chab soc c'ax hich t'ujbil a te bin ut'il spisil q'uinaletic,

Joel 3:18

Ya xc'oht ta pasel ta hich ora, te witsiltic ya xt'uhlajic ya'lel ts'usub, ya x'oquin leche ta tsehletic, soc ta spisil te uc'umetic yu'un Judá ya x'oquin ha'. Ya xloc' tal sloq'uib-ha' ta sna Jehová te ya yahts'es te spamlej yu'un Sitim.

Números 14:23

ma ba ya yilic te q'uinal te jc'axel la jcal ta jamal ya ca'be te sme'statique. Ma me ayuc jtuhluc te mach'a la yac' ilinucon te ya xbaht yile.

Números 26:63

Ha'ic ini te la yich'ic ahtayel yu'un Moisés soc te sacerdote Eleazar, te c'alal la yahtayic te snich'nab Israel ta spamlej Moab, nopol ta muc'ul-ha' Jordán, te snuhp'usitayej sba soc Jericó.

Deuteronomio 1:3

Ta cha'winic (40) ha'bil, ta sba c'ahc'alil yu'un te sbuluchebal (11) u, te Moisés la yalbe ya'iyic te snich'nab Israel spisil te bintic halbot yu'un Jehová;

Deuteronomio 2:14

Te jayeb ha'bil loc'otic hahchel ta Cades-barnea ha to c'alal sohlotic ta uc'um Zered, waxaclajuneb scha'winic (38) ha'bil, ha to c'alal chamic ta campamento spisil te winiquetic te ya yaq'uic guerra, hich te bin ut'il jc'axel halbotic ta jamal yu'un Jehová.

Deuteronomio 2:7

Como te Jehová te Dios awu'unic ya'beyejex bendición a ta spisil bintic apasojic; sna'oj te yaquex ta behel ta muc'ul jochol taquin q'uinal ini. Te cha'winic (40) ha'bil ini sjoquinejex te Jehová te Dios awu'unic, mayuc bin la spasex falta.

Deuteronomio 8:4

Ma ba laj ac'u' apac' soc ma ba siht' awoc te cha'winic (40) ha'bil ini.

Hebreos 3:11

Ha yu'un la jcal ta jamal ta scuenta quilimba: Mayuc bin ora ya x'ochic ta banti ay te cux-o'tanil cu'une, xchi.

Josué 1:6

Ac'a me fuersa soc ayuc me yip awo'tan, yu'un ha'at yac awa'be yich'ic te q'uinal te pueblo ini te la jcalbe ta jamal te sme'static te ya ca'beye.

Josué 24:7

Te c'alal tulan awonic ta stojol Jehová, ha la yac' tal yihc'al q'uinal ta ohlil yu'un te egipciohetic soc te ha'exe, soc la yac' tal te mar ta sbahic, te ha mucotic yu'un. Ha'ex la awilic te bin la jpas ta Egipto. Ta patil bayel c'ahc'al ayinex ta jochol taquin q'uinal.

Josué 5:5

Spisil te pueblo te loq'uic talel yich'ojic circuncisión stuquelic, yan te mach'atic ayinic ta be ta jochol taquin q'uinal te c'alal loq'uemiquix tal ta Egipto a ma ba yich'ojic circuncisión.

Josué 5:7

Ha a'bot yich'ic circuncisión yu'un Josué te yal-snich'nabic, ha te a'botic sjelolin yu'un Jehová; ma ba yich'ojic circuncisión ta scaj te ayic ta be a.