Josué 5:5 - Bible in Tzeltal Bachajón

⁵ Spisil te pueblo te loq'uic talel yich'ojic circuncisión stuquelic, yan te mach'atic ayinic ta be ta jochol taquin q'uinal te c'alal loq'uemiquix tal ta Egipto a ma ba yich'ojic circuncisión.

Bible in Tzeltal de Oxchuc y Tenejapa

⁵ Ja'ic ta spisilic te loq'uic tel ta Egipto yich'ojic circuncisión stuquelic; ja'uc me to, ay ayinic tel ta be ta jochol taquin q'uinal te mach'atic ma ba yich'ojic circuncisión.

Josué 5:5 ပူးပေါင်းရင်းမြစ်များ

San Mateo 12:7

Te ha'uc la ana'beyic scuentahil te hich ya yal: Ha ya jc'an te yac awa'iyic c'uxultaywanej, ma ha'uc ya jc'an milbil mahtaniletic, te xchihe, ma ba yac atojol-lehbeyic smul te mach'atic mayuc smulic te hichuque.

Romanos 2:26

Te mach'a ma ba yich'oj circuncisión, teme ya sch'uhun spasel te bin ya yal te Ley, ¿ma bal yich'ojuc circuncisión c'ohem abi?

1 Corintios 7:19

Mayuc sc'oblal teme yich'oj circuncisión o teme ma ba yich'oj circuncisión; ha tulan sc'oblal sch'uhumbeyel smandar te Diose.

Gálatas 5:6

como ta stojol Cristo Jesús ma ha'uc ay sc'oblal teme quich'ojtic circuncisión o teme ma ba quich'ojtic circuncisión, ha ay sc'oblal te ay sch'uhunel co'tantic te ya x'a'tej ta scuenta sc'uxul co'tantic.

Gálatas 6:15

Como ta scuenta Cristo Jesús mayuc sc'oblal teme quich'ojtic circuncisión o teme ma ba quich'ojtic circuncisión, ha nax ay sc'oblal te pasbilotic ta yach'il.

Josué 5:4

Hich ay scuentahil te la ya'be yich'ic circuncisión: como chamiquix ta be ta jochol taquin q'uinal spisil te winiquetic yu'un te pueblo te loq'uic tal ta Egipto, ha spisil te winiquetic te ya xhu' ya yaq'uic guerra.

Josué 5:6

Como te snich'nab Israel behenic cha'winic (40) ha'bil ta jochol taq'uin q'uinal ha to c'alal cham spisil te winiquetic te ya xhu' ya yaq'uic guerra te loq'uic tal ta Egipto. Chamic ta scaj te ma ba la sch'uhumbeyic sc'op te Jehová. Ha yu'un la yal ta jamal te Jehová te ma ba ya ya'be yilic te q'uinal te la yalbe ta jamal te sme'static te ya ya'be, ha te q'uinal ta banti ya x'oquin leche soc chab.