Josué 5:14 - Bible in Tzeltal Bachajón

¹⁴ La sjac': Ma'uc, ha talemon scuenta jtsobaw yu'un te soldadohetic yu'un Jehová, xchi. Ha yu'un te Josué la spahcan sba ta lum, la sch'uhuntay soc hich la yalbe: ¿Bin yac awalbe te a'bat awu'un, Cajwal? xchi.

Bible in Tzeltal de Oxchuc y Tenejapa

¹⁴ —Ni ya joinat, ni ya jcontroinat. Ja' nax talon ta jtsobwanej yu'un soldadoetic ta swenta te Cajwaltique —xi' te winique. Jich yu'un te Josué la stinan sba coel c'alal ta lum, la sjojc'obey: —¿Bi mandal ya awalbon, Cajwal, jo'on te awabatone? —xi'.

Josué 5:14 ပူးပေါင်းရင်းမြစ်များ

Génesis 17:17

Te Abraham la spahcan sba la ya'be sta lum yelaw ta stojol te Diose, hahch ta tse'ej, hich la yal ta yo'tan: ¿Ya to bal xhu' ya x'ayin snich'an te winic te ayix ho'winic (100) ya'bilal? Soc ¿bin ut'il c'an alajuc te Sara te ayix lajuneb yo'winic (90) ya'bilal? xchi ta yo'tan.

Génesis 17:3

Ha yu'un te Abram la spahcan sba la ya'be sta lum te yelaw, c'oponot yu'un Dios, hich halbot:

2 Samuel 7:19

Soc mayuc bayel sc'oblal c'ohem awu'un ini, Cajwal Jehová, la to awalbe sc'oblal te bin ya xc'oht ta pasel ta patil ta stojol te sts'umbal te a'bat awu'une. ¿Hich bal ay ta pasel awu'un ta stojol ants-winic, Cajwal?

2 Samuel 7:20

¿Bin xan c'an yalbat David ta atojol? Ha'at ana'beyej sba te a'bat awu'un, Cajwal Jehová.

Salmos 110:1

Te Jehová hich la yalbe te Cajwal: Huclan ta jwa'el-c'ab ha to c'alal ya ca'bat scuenta scajtajib awoc te acontratac, xchi.

Salmos 24:10

¿Mach'a a te Ajwalil te ay yutsilal? ¡Ha te Jehová te scuentahinej spisil, ha me te Ajwalil te ay yutsilale! Selah

Éxodo 4:10

Pero te Moisés la yalbe te Jehová: ¡Ay, Cajwal! Mayuc bin ora hu'em cu'un c'op ta lec, ni ta nahil to, ni ta ora ini te yacat ta c'op ta jtojol te awa'batone. Wocol ya xloc' jc'op soc ya schuc sba te cac', xchi.

Éxodo 4:13

Te Moisés hich la yal: ¡Ay, Cajwal! awocoluc, ticona bahel yan, xchi.

Isaías 55:4

Ilawil, la jcac' te ha testigo ya xc'oht ta stojol te pueblohetic, ha jtsobaw soc jp'ijubteswanej ta stojol te nacionetique.

Isaías 6:8

Patil la jca'iybe sc'op te Jehová, hich yac ta yalel: ¿Mach'a ya jticon bahel? ¿Mach'a ya xbaht cu'untic? xchi. La jac'be sc'op: Li' ayon, ticonawon bahel, xchihon.

Ezequiel 3:23

Hich hahchon bahel, loc'on bahel ta spamlej. Tey ay a te yutsilal te Jehová, hich te bin ut'il te yutsilal la jquil ta sti'il te muc'ul-ha' Quebar; la jpahcan jba c'alal ta lum, la jca'be sta lum te jti'bahe.

Daniel 10:13

Pero te príncipal yu'un ban c'alal scuentahinej Persia la scomon jun scha'winic (21) c'ahc'al. Pero te Miguel, jtuhl jtsobaw yu'un te príncipaletic, tal scoltayon, tey hilon soc a te ajwaliletic yu'un Persia.

Daniel 10:21

Pero ya calbat te bin ts'ihbabil ta libro yu'un te bin smelelile. Mayuc mach'a ya scoltayon ta ya'beyel guerra, ha nax te Miguel, te príncipal awu'une, xchi.

Daniel 12:1

Ta hich ora ya xhahch te Miguel, te muc'ul príncipal te ya scanantay te pueblo awu'une. Ha yorahil bayel wocol, mayuc hich c'ohem ta pasel c'alal hahchemic nacionetic c'alal ta hich ora. Pero ta hich ora ya x'ac'ot ta libre te pueblo awu'un, spisil te mach'atic ts'ihbabil sbihilic ta libro.

Daniel 8:11

Muc' la yac' sba ta scontrahinel te príncipe yu'un te tsobolic yu'un te ch'ulchan; la yac' quehchajuc yac'ulanel te milbil mahtaniletic yu'un, soc la sjin cohel c'alal lum te ch'ul awilal yu'une.

Levítico 9:24

Loc' tal c'ahc' ta stojol Jehová, la slajin te scohtol chic'bil mahtanil soc te sjuhp'el ayic ta scajtajib ta chiq'uel mahtanil. C'alal hich la yilic spisil te pueblo, awonic soc la squejan sbahic ta lum.

Números 16:22

Pero te Moisés soc Aarón la spahcan sbahic c'alal ta lum, hich la yalic: ¡Diosat, Diosat yu'un te scuxlejal spisil ch'ich'-baq'uet! ¿ma bal jtuhluc nax winic te la sta smul? ¿Bin yu'un ilinat ta stojol spisil te pueblo? xchihic.

Números 16:45

Loc'anic bahel ta stojol te pueblo ini, ya me jlajin ta ora, xchi. La spahcan sbahic ta lum yu'un.

Números 22:31

Hich te Jehová la sjambe sit te Balaam, la yil te ch'ul a'bat ay ta be te stsacoj ta sc'ab te espada yu'une. Te Balaam la squejan sba, la spahcan sba ta lum.

San Mateo 22:44

Te Cajwaltic Dios hich la yalbe te Cajwal: Huclan ta jwa'el-c'ab ha to c'alal ya cac' ta ye'tal awoc te acontratac, xchi?

San Mateo 8:2

Ay tal jtuhl winic te yich'oj c'a'elchamel, hul squejan sba ta stojol te Jesús, hich la yal: Cajwal, teme yac ac'an ya xhu' yac alecubteson, xchi.

San Lucas 1:43

¿Bin ut'il ay a te hich c'oht ta jtojol, te ha tal stahon te snan te Cajwal?

San Lucas 20:42

Como ha nix te David la yal ta libro yu'un Salmohetic: Te Cajwaltic la yalbe te Cajwal: Huclan ta jwa'el-c'ab,

San Lucas 5:12

C'alal ay ta jun pueblo a, tal jtuhl winic te scohtol yich'oj c'a'elchamel. C'alal la yil te Jesús, tal spahcan sba c'alal ta lum ta stojol, la yalbe bayel wocol: Cajwal, te yacuc ac'an, ya xhu' yac alecubteson, xchi.

San Juan 20:28

La sjac' te Tomás: ¡Cajwal, Dios cu'un! xchi.

Hechos 9:6

Hahch ta nihquel soc ta xiwel te Saulo, hich la yal: Cajwal, ¿bin yac ac'an ya jpas? xchi. Hahchan, ochan bahel ta pueblo, tey ya xc'ohat ta halbeyel a te bin ya sc'an yac apas, xchi te Cajwaltique.

Filipenses 3:8

Melel jc'axel lajem sc'oblal ta co'tan spisil ta scaj te c'ax t'ujbil te ya jna'be sba te Cristo Jesús, ha te Cajwal. Ha ta scuenta te la jch'ayix hilel spisil, hich c'oht cu'un te bin ut'il c'a'pal, scuenta yu'un ha cu'un ya xc'oht te Cristo

Hebreos 2:10

Te Dios te spasoj soc te scuentahinej spisil bintic ay, ha stojil te la yac' te ts'acal c'oht ta scuenta swocol te mach'a la swehtesbe scolelic, te hich ya xhu' ya yic' bahel ta utsilal tsobol al-nich'anetic.

Josué 20:1

Te Jehová la yalbe te Josué:

Apocalipsis 12:7

Hahch guerra ta ch'ulchan: te Miguel soc te ch'ul a'batetic yu'un la stsal sbahic soc te dragón. Te dragón soc te a'batetic yu'un la ya'beyic guerra,