Josué 5:1 - Bible in Tzeltal Bachajón

¹ Spisil te ajwaliletic yu'un te amorreohetic te ayic ta stojol smahlib c'ahc'al yu'un te muc'ul-ha' Jordán, soc te ajwaliletic yu'un te cananeohetic ta nopol mar, c'alal la ya'iyic bin ut'il Jehová la staquijtes te ya'lel Jordán ta stojol te snich'nab Israel ha to c'alal sohlic bahel, laj yip yo'tanic soc och bayel xiwel ta yo'tanic ta stojol te snich'nab Israel.

Bible in Tzeltal de Oxchuc y Tenejapa

¹ Spisil te muc' ajwaliletic yu'un te amorreoetic te ayic ta swenta smalib c'aal yu'un Jordán, soc te muc' ajwaliletic yu'un te cananeoetic te nopol ayic ta Mar Mediterráneo, la yaiyic stojol te taquinaj ya'lel te Jordán, te c'axic tel tey a te israeletique. Jich och bayal xiwel ta yo'tanic, jich ma'yuc bila la yalbeyic ta stojol te israeletique.

Josué 5:1 ပူးပေါင်းရင်းမြစ်များ

Génesis 12:6

te Abram c'ax bahel tey ta q'uinal, c'oht c'alal Siquem, ta banti ay te jihte' yu'un More. Ha yorahil te tey ayic a te cananeohetique.

Génesis 48:22

C'ax hich ay bin la jca'bat a te bin ut'il te abanquiltac, ha te bin la jpojbe te amorreohetic ta espada soc ta t'ihmalte' cu'un, xchi sc'oblal.

2 Samuel 21:2

Ha yu'un te ajwalil la yic' tal te gabaonetic, la sc'opon. (Te gabaonetic ma ha'uc snich'nab Israel, ha sts'umbal amorreohetic te ay to hilique. Te snich'nab Israel ay bin la yalbeyic ta jamal, pero te Saúl c'an smilticlan scaj xut'et yo'tan yu'un te snich'nab Israel soc Judá.)

1 Reyes 10:5

soc te we'elil ay ta mesa yu'un, te snahic te a'batetic yu'un, bin yilel ayic te j'a'teliletic yu'un soc te sc'u' spaq'uic, te jc'asesej-copahetic, soc te scohtol chic'bil mahtaniletic te ya yac' ta sna Jehová, mero xcham yo'tan yu'un.

Esdras 9:1

C'alal hu' ta pasel a ini, te príncipaletic talic ta jtojol, hich la yalbonic: Te pueblo Israel soc te sacerdotehetic soc levitahetic ma ba parte yac'oj sbahic ta stojol te yantic ants-winiquetic ta q'uinal, ha te cananeo, heteo, ferezeo, jebuseo, amonita, moab, egipcio soc te amorreohetic, hich yac spasbelic te bin ilobtic sba yu'unic.

Salmos 135:11

ha te Sehón, ajwalil yu'un te amorreohetic, te Og, ajwalil yu'un Basán, soc spisil te ajwaliletic ta Canaán.

Éxodo 23:28

Ya jnahiltes bahel xux ta atojolic te ya stenic loq'uel ta atojol te heveo, te cananeo soc te heteo.

Isaías 41:5

Te mach'atic ta ti'ti'mar la yilic soc xiwic; nihquic te sti'il te lumq'uinale; stsoboj sbahic, nohpojic talel.

Ezequiel 16:3

hich me xawalbe: Hich yaloj te Jehová, te Ajwalil, sc'oblal Jerusalén: Te banti hahchemat soc te banti ayinat, ha te sq'uinal Canaán; ha amorreo-winic te atat soc hitita-ants te anane.

Ezequiel 21:7

Te c'alal hich ya sjoc'obat: ¿Bin yu'un ya x'ahcanajat? te xchihique, hich yac awal: Ta scaj te c'op te ya xtale. C'alal ya xtal ya xlaj yip spisil yo'tanic soc ya xlaj yip spisil sc'abic, spisil ya me smel yo'tanic yu'un soc ya xlaj yip sjol yacanic hich te bin ut'il ha'. Ya xtalix, ya xc'ohtix ta pasel, xchi te Jehová, te Ajwalil.

Daniel 5:6

Sacalub yu'un soc och xiwel ta yo'tan, laj yip yacan soc la stahticlan sba sjol yacan yu'un.

Amós 2:9

La jlajin ta stojolic te amorreohetic te hich snahtilic te bin ut'il te cedro soc hich ay yipic te bin ut'il te jihte'; la jlajimbe te sit ta toyol soc te slohp' ta ye'tal.

Números 13:29

Te amalequetic nahinemic ta sq'uinal Neguev; te heteo, jebuseo soc amorreo nahinemic ta witsiltic; te cananeo nahinemic ta ti'mar soc ta ti'ti' muc'ul-ha' Jordán, xchihic hulel.

Josué 17:12

Pero te snich'nab Manasés ma ba hu' yu'unic yu'untayel te pueblohetic, como te cananeohetic la yaq'uic fuersa te ya xnahinic tey a.

Josué 17:18

ha awu'unic ya xc'oht te wits, aunque tohyemic ste'el ya me ats'eticlanic soc ya me awu'untayic c'alal ta mero sti'il te q'uinale; yu'un ha'at yac aten loq'uel te cananeohetic aunque ay scarretahic yu'un guerra pasbilic ta taq'uin soc te ay yipic, xchi.

Josué 24:15

Teme ma lecuc yac awa'iyic te yac awac' abahic ta a'batinel yu'un Jehová, tsaha mach'a yac awac' abahic ta a'batinel yu'un: teme ha te diosetic te la yac' sbahic ta a'batinel yu'un te ame'atatic ta jehch te muc'ul-ha', o ha te diosetic yu'un te amorreohetic te banti nahinemexix ta sq'uinalique; pero te ho'on soc te mach'atic ay cu'un ya cac' jbahcotic ta a'batinel yu'un te Jehová, xchi te Josué.

Josué 3:16

quehchaj te ha' te ya x'oquin tal ta ahc'ol, namal to la stsob hilel sba ta pueblo Adam nopol ta Saretán, yan te yoc te ya x'oquin bahel ta mar yu'un Arabá, ha te Mar Salado, taquij bahel. Hich sohlic bahel te pueblo ta stojol Jericó.

Josué 3:17

Yan te sacerdotehetic te sq'uechojic te scaxahul te chapbil-c'op yu'un Jehová, teq'uelic ta staquin lumil ta yohlil te Jordán ha to c'alal sohlic bahel ta Jordán spisil te pueblo. Spisil Israel sohlic bahel ta staquin lumil.

Apocalipsis 18:10

Namal to ya me stehc'an sbahic yu'un ya xi'beyic te swocole, soc hich me ya yalic: ¡Obol sba, obol sba te muc'ul Babilonia, te muc'ul pueblo te bayel yip! ¡Como ta junax ora c'oht te castigo ta atojol! xchihic.

Jueces 1:1

C'alal chamix a te Josué, te snich'nab Israel la sjoc'obeyic te Jehová: ¿Mach'a a te nahil ya xbaht cu'uncotic ta ya'beyel guerra te cananeohetic? xchihic.

Jueces 11:23

Ha yu'un ¿ya bal awich'botcotic te bin pojbot te amorreohetic yu'un Jehová te Dios yu'un Israel te la ya'be te Israel te pueblo yu'une?

Jueces 3:3

ha te ho'tuhl príncipaletic yu'un te filisteohetic, spisil te cananeo, sidón, soc te heveo te nahinemic ta wits Líbano, c'alal ta wits Baal-hermón ha to ya xc'oht ta Hamat.

Jueces 4:2

Ha yu'un te Jehová la ya'be ta sc'ab Jabín ajwalil yu'un Canaán te la ya'iy cuentahinwanej ta Hazor. Te jtsobaw yu'un te soldadohetic yu'un, Sísara sbihil, nahinem ta Haroset-goim.

1 Samuel 25:37

C'alal sacub q'uinal, te cuxix yo'tan ta yacubel a te Nabal, halbot ya'iy yu'un te yihnam spisil te bin c'oht ta pasel; tup' yic' yu'un te Nabal, cham schihal yoc sc'ab.