Josué 4:6 - Bible in Tzeltal Bachajón

⁶ scuenta yu'un ha seña awu'unic ya xc'oht. Teme ay hich ya sjoc'obeyex te awal-anich'nabic ta patil bahel: ¿Bin scuentahil te tonetic ini? teme xchihique,

Bible in Tzeltal de Oxchuc y Tenejapa

⁶ Ja' me ya xtuun cu'untic swenta prueba pajel cha'wej bael, melel teme ya sjojc'obeyex te awal-anich'anique: “¿Bi swentailuc te tonetic?” teme xiique,

Josué 4:6 ပူးပေါင်းရင်းမြစ်များ

Salmos 44:1

Dios cu'un, ca'iyej ta jchiquincotic, la yalbotcotic te me'iltatiletic cu'uncotic te bin la apas te c'alal cuxulic a, ha te bin la apas ta namey.

Salmos 71:18

Aunque mamalonix soc saquix jol, ma me xapihteson, Dios cu'un, ha to c'alal ya calbe sc'oblal awu'el te patil ts'umbalil, ya calbe sc'oblal awip ta stojol te mach'atic patil ya xtalic,

Éxodo 12:14

Te c'ahc'al ini ha sna'ojibal awu'unic ya xc'oht, ya me apasic scuenta q'uin ta stojol Jehová ta cajalcaj ats'umbalic bahel; ha mandaril te ma xlaj sc'oblal.

Éxodo 13:14

Te c'alal ya sjoc'obat te anich'an: ¿Bin scuentahil ini? teme xchihe, hich me xawalbe: Te Jehová, ta scuenta yu'el sc'ab la sloq'uesotic tal ta Egipto te banti ayotic ta mosohil;

Éxodo 13:9

Te q'uin hich ac'a c'ohtuc awu'un te bin ut'il jun seña ta ac'ab soc sna'ojibal ta ati'ba, scuenta yu'un yac awalulan te ley yu'un Jehová; como ta scuenta yu'el sc'ab la sloq'uesat tal ta Egipto te Jehová.

Éxodo 31:13

Ya me awalbe te snich'nab Israel: Ta mero melel ya me acanantayic te c'ahc'aletic yu'un cux-o'tan cu'un, como ha seña ya xc'oht ta jtojol soc ta atojolic soc te cajalcaj ats'umbalic, scuenta yu'un ya me ana'ic te ho'on Jehovahon te ya jch'ultesex.

Isaías 38:19

Te mach'a cuxul, te mach'a cuxul, ha ya yalbat lec ac'oblal, hich te bin ut'il yacon ta spasel ta ora ini. Te tatiletic ya yalbeyic te snich'nabic sc'oblal te stalel jun awo'tane.

Isaías 55:13

Ta banti ay jpeht ch'ix, ya xcol tal ciprés, ta banti ay ch'ixetic, ya xcol tal mirto-te'; ha ya ya'be bayel yutsil te sbihil Jehová, jun seña te sbahtel q'uinal ma xjihn.

Ezequiel 20:12

Soc la jca'be te sc'ahc'alel cux-o'tan cu'un scuenta seña ya xc'oht ta jtojol soc ta stojolic, scuenta yu'un ya sna'ic te ho'on Jehovahon ya jch'ultesic.

Ezequiel 20:20

Ch'ultesahic te sc'ahc'alel cux-o'tan cu'un, scuenta yu'un ha seña ya xc'oht ta jtojol soc ta atojolic, scuenta yu'un yac ana'ic te ho'on Jehovahon, Dioson awu'unic, xchihon.

Números 16:38

te schic'ojibal pometic yu'un te winiquetic lajemiquix ta scaj te smulique. Pasahic ta jayal lehchel taq'uin yu'un ya yich' potsel a te scajtajib ta chiq'uel mahtanil, como la stuhunic ta stojol Jehová, hich ch'ultesbil c'ohtic. Ha seña ya xc'oht ta stojol te snich'nab Israel, xchi.

Hechos 2:39

como te bin yaloj ta jamal te Diose, ha awu'unic soc ha yu'un te awal-anich'nabic soc spisil mach'atic namal ayic, ha te mach'atic ya x'ic'otic yu'un te Diose, xchi.

Deuteronomio 11:19

Ya me awa'beyic snopic te awal-anich'nabic, halbeya ya'iyic c'alal ayat ta ana, c'alal ya xbehenat ta be, c'alal ya xbahat ta wayel soc te c'alal ya xhahchat.

Josué 22:27

pero ha testigo cu'untic ya xc'oht soc ha'ex soc te patil jts'umbaltic te ya xhu' ya cac' jbahcotic ta a'batinel ta stojol Jehová soc scohtol chic'bil mahtaniletic, milbil mahtaniletic soc mahtaniletic scuenta lamal q'uinal cu'uncotic; scuenta yu'un te awal-anich'nabic ma ba hich ya yalbeyic ta patil bahel te cal-jnich'nabcotic: Te ha'exe ma awochelicuc te Jehová, ma me xchihuquic.

Josué 4:21

Hich la yalbe te snich'nab Israel: Teme ta patil bahel hich ya sjoc'obeyex awal-anich'nabic: ¿Bin scuentahil te tonetic ini? teme xchihique,

Josué 4:5

hich la yalbe: Nahilijanic bahel ta stojol te scaxahul te chapbil-c'op yu'un Jehová te Dios awu'unic ta yohlil te Jordán, ta jujutuhlex q'uechahic bahel jujupis ton, hich te bin ut'il jaychahp snich'nab Israel,