Josué 4:5 - Bible in Tzeltal Bachajón

⁵ hich la yalbe: Nahilijanic bahel ta stojol te scaxahul te chapbil-c'op yu'un Jehová te Dios awu'unic ta yohlil te Jordán, ta jujutuhlex q'uechahic bahel jujupis ton, hich te bin ut'il jaychahp snich'nab Israel,

Bible in Tzeltal de Oxchuc y Tenejapa

⁵ Jich la yalbey: —Ochanic bael ta yolil te taquin yoc Jordán, ta stojol te scajonil trato yu'un te Cajwaltic te Dios cu'untique. Ta juju-jtulex tsacaic juju-jp'ij ton, cajanaic tel ta anejq'uelic, juju-jp'ij me ta swenta juju-jchajp te jlumaltic Israel. Ts'acal me lajchayeb ya xc'ot ta spisil.

Josué 4:5 ပူးပေါင်းရင်းမြစ်များ

Génesis 31:46

Hich la yalbe te yermanotac: Tsobahic tal tonetic, xchi. Hich la stsobic tal tonetic, la sbusanic. Tey ochic ta we'el ta sba te busul tonetic.

Éxodo 24:4

Te Moisés la sts'ihbay spisil te bin la yal te Jehová. C'alal hahch ta sab, la spas scajtajib smahtan Dios ta ye'tal wits soc la stehc'an lahchayeb bahlal tonetic hich te bin ut'il te lahchaychahp sts'umbal Israel.

Deuteronomio 27:2

Te bin c'ahc'alil ya sohlex bahel ta muc'ul-ha' Jordán ta q'uinal ya ya'bat te Jehová te Dios awu'un, ya me atehc'an niwac tonetic soc ya me abonic ta tan;

Deuteronomio 9:1

A'iya me awa'iy, Israel: yo'tic ya sohlat bahel ta Jordán, yu'un ya x'och aten loq'uel nacionetic te c'ax hich yipalic soc c'ax hich yipic a te bin ut'il ha'ate, ha muc'ul pueblohetic te joytaybilic ta ts'ahc c'alal ta ch'ulchan;

Josué 22:10

C'alal c'ohtic ta sti'il Jordán te ay ta sq'uinal Canaán, te sts'umbal Rubén, Gad soc te j'ohlil sts'umbal Manasés tey la spasic scajtajib ta chiq'uel mahtanil ta sti'il Jordán, mero muc' la spasic.

Josué 4:4

Ha yu'un te Josué la yic' tal te lahchaytuhl winiquetic te stsahoj ta yohlil te snich'nab Israel, jujutuhl ta jujuchahp,

Josué 4:6

scuenta yu'un ha seña awu'unic ya xc'oht. Teme ay hich ya sjoc'obeyex te awal-anich'nabic ta patil bahel: ¿Bin scuentahil te tonetic ini? teme xchihique,