Josué 4:24 - Bible in Tzeltal Bachajón

²⁴ scuenta yu'un spisil te pueblohetic ta bahlumilal ya me sna'ic te ay bayel yu'el te sc'ab te Jehová, soc scuenta yu'un hich yac axi'ic spisil ora a te Jehová te Dios awu'unique, xchi.

Bible in Tzeltal de Oxchuc y Tenejapa

²⁴ Jich yu'un ya me sna'ic spisil lumetic ta balumilal te bayal yu'el te Cajwaltique, soc te ja'exe ya me awich'ic ta muc' te Cajwaltic te Dios cu'untic sbajt'el q'uinal”, utaic me —xi' te Josué.

Josué 4:24 ပူးပေါင်းရင်းမြစ်များ

1 Reyes 8:40

scuenta yu'un ya yich'at ta muc' te jayeb c'ahc'al cuxulic ta q'uinal te la awa'be te jme'jtatcotique.

1 Reyes 8:60

scuenta yu'un spisil te pueblohetic ta bahlumilal ya me sna'ic te ha Dios te Jehová, te mayuc yan.

2 Reyes 19:19

Ta ora ini, Jehová, Dios cu'untic, awocoluc, coltayawotcotic ta sc'abic scuenta yu'un spisil te nacionetic ta bahlumilal ya me sna'ic te ha'at, Jehová, te Diosat atuquel, xchi.

2 Reyes 5:15

Patil te Naamán soc spisil mach'atic sjoquinejic suhtic tal ta banti ay te winic yu'un Dios, la stehc'an sba ta stojol, hich la yal: Yo'tic la jna'ix te mayuc yan Dios ta spisil te q'uinal, ha nax stuquel ta Israel. Awocoluc, ich'a amahtan te ya ya'bat te a'bat awu'une, xchi.

1 Crónicas 29:12

Tey ya xtal ta atojol a te c'ulejalil soc te utsilal, ha'at yac acuentahin spisil. Ay ta ac'ab te awip soc awu'el, soc ay ta acuenta stoybeyel sc'oblal soc ya'beyel yip spisilic.

Job 40:9

¿Ay bal ac'ab hich te bin ut'il ay yu'un Dios? ¿Ya bal at'omtes ac'op hich te bin ut'il ya xc'opoje?

Salmos 106:8

Pero Dios la scoltay ta scuenta yich'el ta muc' te sbihile, scuenta yu'un ya yac' ta na'el te yu'ele.

Salmos 89:13

Ay yu'el te ac'ab; ay yip te ac'ab, toyol sc'oblal te awa'el-c'ab.

Salmos 89:7

Ay ta xi'el te Dios ta muc'ul tsoblej yu'un mach'atic ch'uhltesbilic; c'ax hich smuc'ul yu'el a te bin ut'il spisil te mach'atic ayic ta sjoyobal.

Éxodo 14:31

C'alal la yil te Israel te bin muc' la spas te Jehová ta scontrahinel te egipciohetic, la xi'ic te Jehová, la sch'uhunic te Jehová soc te Moisés, te ya'bate.

Éxodo 15:16

ya xc'oht nihquel soc xiwel ta stojolic. Ta stojol te smuc'ul yip ac'ab ya x'uma'ubic hich te bin ut'il ton, ha to c'alal c'axemix bahel a te pueblo awu'un, Jehová, ha to c'alal c'axemix bahel a te pueblo te la acoltay ta libre.

Éxodo 20:20

Te Moisés hich la yalbe te pueblo: Ma xiwex. Ha tal ya'iybeyex awo'tanic te Diose, scuenta yu'un ma sch'ay te xiwel yu'un ta atojolic soc te ma ba yac ale amulic a, xchi.

Éxodo 9:16

Pero ta smelelil la jcac' cuxajucat scuenta yu'un ya xchicnaj cu'el ta acuenta, soc scuenta yu'un ya yich' puquel bahel ta spahmal q'uinal te jbihile.

Isaías 52:10

Te Jehová la yac' ta ilel te sch'ul c'ab ta stojol sit spisil te nacionetique; spisil te mach'atic ayic ta sti'il te bahlumilal ya me yilic te colel yu'un te Dios cu'untique.

Jeremías 32:40

Ya jpas chapbil-c'op soc te sbahtel q'uinal ya xhalaj: Ha te ma ba ya xquehchajon ta spasbeyel te bintic lec, soc ya cac' te ya yich'onic ta muc' scuenta yu'un mayuc bin ora ya yihquitayonic.

Deuteronomio 28:10

Spisil te nacionetic ta bahlumilal ya me yilic te awich'ojbe sbihil te Jehová, soc ya me xi'at.

Deuteronomio 6:2

scuenta yu'un yac awich'ic ta muc' te Jehová te Dios awu'unic, te yac apasic spisil bintic chapal soc te mandariletic te ya calbat, ha'at soc awal-anich'nab soc amamatac, te jayeb c'ahc'al ya xcuxajat, scuenta yu'un naht ya xc'oht aworahil a.

1 Samuel 17:46

Te Jehová ya me yac'at ta jc'ab yo'tic, ya jtsalat soc ya jxot'bat anuc'. Yo'tic nix ya ca'be sti'ic abaq'uetal soc te sbaq'uetal filisteohetic te mutetic ya xwihlic ta toyol soc te chambahlametic ta q'uinal. Hich me ya sna' a swohlol bahlumilal te ay Dios ta Israel.