Josué 4:10 - Bible in Tzeltal Bachajón

¹⁰ Te sacerdotehetic te la sq'uechic bahel te scaxahul te chapbil-c'op, tey tec'ajtic ta yohlil a te Jordán ha to c'alal c'oht ta pasel spisil bintic halbot yu'un Jehová te Josué te ya yalbe te pueblo; hich te bin ut'il spasot ta mandar yu'un Moisés te Josué. La suj sbahic sohlel te pueblohe.

Bible in Tzeltal de Oxchuc y Tenejapa

¹⁰ Te sacerdoteetic te la sq'uechic bael te scajonil trato, tey teq'uelic a ta yolil Jordán te c'alal yacalic spasel spisil israeletic te bi albil mandal yu'un Cajwaltic te Josué. Spisil la yich' pasel jich nix bit'il yaloj mandal Moisés ta stojol te Josué. Te israeletic la yaq'uic puersa ta c'axel ta bay taquejeme.

Josué 4:10 ပူးပေါင်းရင်းမြစ်များ

Salmos 119:60

Ya jsuj jba, ora nax ya jpas te mandariletic awu'une.

Éxodo 12:39

Te wots'bil harina te la yich'ic loq'uel tal ta Egipto la spasic ta pan te ma ba yich'oj levadura. Ma ba yich'oj levadura como te c'alal tenotic loq'uel yu'un te egipciohetic mayuc tiempo yu'unic ta schahpanel te swe'elique.

Proverbios 27:1

Ma me xatoy aba ta scuenta pajel, como ma xana' te bin ya xc'oht ta pasel te pajele.

Eclesiastés 9:10

Spisil te bintic yac apas, pasa soc spisil awip, como ta stsobojibal mach'atic chamenic, te banti ya xbahat, mayuc a'tel, mayuc bin ay ta chahpanel, mayuc bin ay ta na'el soc mayuc p'ijil-o'tanil tey a.

Isaías 28:16

Ha yu'un hich ya yal te Cajwaltic Jehová: Ilawil, ho'on cac'oj yich'o-ip ton ta Sión, ha tsahbil ton, ha t'ujbil ton yu'un xuhc scuenta yich'o-ip te tulan aye. Te mach'a ya yac' smuc'ul yo'tan ta stojol ma ba ya xpehc'aj yo'tan.

2 Corintios 6:2

Como hich ya yal: Ta yorahil ich'tel ta cuenta la jca'iybat ac'op, soc ta sc'ahc'alel colel la jcoltayat, xchi. Ha yorahilix ini, ha'ix sc'ahc'alel colel.

Deuteronomio 31:9

Te Moisés la sts'ihbay te Ley ini soc la ya'be te sacerdotehetic, ha te snich'nab Leví, te la sq'uechic te scaxahul te chapbil-c'op yu'un Jehová, soc la ya'be spisil te mamaletic yu'un Israel.

Josué 24:11

Sohlex bahel ta muc'ul-ha' Jordán, c'ohex ta Jericó. Te mach'atic nahinemic ta Jericó la ya'beyex guerra, soc nix te amorreo, ferezeo, cananeo, heteo, gergeseo, heveo soc te jebuseo; ho'on la jca'beyex ta ac'abic spisilic.

Josué 3:13

Te c'alal ya stec' ochel te ya'lel Jordán te sacerdotehetic te sq'uechojic te scaxahul te chapbil-c'op yu'un Jehová, te Yajwal swohlol bahlumilal, ya me sjam sba te ha' yu'un Jordán, como te ha' te ya x'oquin tal ta ahc'ol ya xquehchaj ta oc, ya stsob hilel sba, xchi.

Josué 4:11

Te c'alal laj ta sohlel bahel spisil te pueblo, ha nix hich sohl bahel te scaxahul te chapbil-c'op yu'un Jehová, te sacerdotehetic nahilijic bahel yu'un te pueblo.

Josué 4:9

Te Josué la stehc'an te lahchayeb tonetic te loq'uemic tal ta yohlil te Jordán ta banti la stehc'an sbahic te sacerdotehetic te la sq'uechic te scaxahul te chapbil-c'op; tey ayic c'alal ora.