Josué 3:4 - Bible in Tzeltal Bachajón

⁴ scuenta yu'un yac ana'ic te banti behil ya xbahex, como te ha'ex mayuc c'axemex li' ta be ini. Pero ayuc me ho'bahc' (2,000) xuhc'ubil ma xatahic bahel te scaxahul te chapbil-c'op, ma me xalaq'uic bahel, xchihic.

Bible in Tzeltal de Oxchuc y Tenejapa

⁴ Jich me ya ana'ic te banti ya xbaexe, melel te ja'exe ma'yuc banti awilojic jtuluc te be. Ja'uc me to, ma me xalaq'uic te scajonil trato, najt' me xawac' abaic, ayuc me jmil (1,000) metro ma x'ataic —la yutic.

Josué 3:4 ပူးပေါင်းရင်းမြစ်များ

Génesis 31:2

Soc la yil te Jacob te yanijemix sit yelaw te Labán, te ma hichuquix yo'tan ta stojol te bin ut'il ay ta nahil to.

1 Crónicas 11:2

Ta nahil to, te c'alal ay ta ajwalil te Saúl, ha'at la awic' loq'uel ta guerra te Israel soc la awic' suhtel tal. Soc hich yalbeyejat te Jehová te Dios awu'un: Ha'at yac acanantay soc ha ajwalil ya xc'ohat ta stojol Israel, te pueblo cu'un, xchihic.

Salmos 25:12

¿Mach'a a te winic te ya yich' ta muc' te Jehová? Ha ya x'a'bot sna' yu'un te be te ya sc'an ya stsahe.

Salmos 89:7

Ay ta xi'el te Dios ta muc'ul tsoblej yu'un mach'atic ch'uhltesbilic; c'ax hich smuc'ul yu'el a te bin ut'il spisil te mach'atic ayic ta sjoyobal.

Éxodo 19:12

Ya me awa'be seña ta sjoyobal ta ban c'alal ya xc'oht te pueblo, soc hich me xawalbe: Tsahtaya me abahic, ma me xmohex bahel ta wits soc ma me xatsacbeyic te sti'ile; mach'ayuc a te ya spic te wits ya me xlaj.

Éxodo 3:5

Hich halbot yu'un Dios: Ma xnohpojat tal; chola atep, como te banti ayat, ha ch'ultesbil q'uinal, xchi sc'oblal.

Éxodo 4:10

Pero te Moisés la yalbe te Jehová: ¡Ay, Cajwal! Mayuc bin ora hu'em cu'un c'op ta lec, ni ta nahil to, ni ta ora ini te yacat ta c'op ta jtojol te awa'batone. Wocol ya xloc' jc'op soc ya schuc sba te cac', xchi.

Isaías 30:33

Como ayix c'ahc'al chapal te Tofet, chapalix yu'un te ajwalile. Jamal soc c'ubul la yich' pasel te yawil c'ahc' yu'un, soc bayel c'ahc' soc si'. Te yic'al Jehová ya schic' te si' hich te bin ut'il bayel azufre te ya xmal bahel.

Isaías 48:17

Hich yaloj te Jehová, te J'ac'aw ta libre awu'un, te Ch'ul Dios yu'un te Israel: Ho'on Jehovahon, te Dioson awu'un, te ya ca'bat anop te bin lec ya xc'ohat yu'un, te ya jtojobtesat ta be te banti ya sc'an yac at'un bahele.

Josué 3:3

hich la spasic ta mandar te pueblo: C'alal yac awilic te ya xc'ax te scaxahul te chapbil-c'op yu'un Jehová te Dios awu'unic soc te sacerdote-levitahetic te yac sq'uechbelic bahel, ya me xloq'uex hahchel ta banti ayex, ya me at'unic bahel

Josué 3:5

Te Josué la yalbe te pueblo: Ch'ultesa abahic, yu'un pajel ya me spas jchahp a'teliletic ta awohlilic te Jehová, xchi.