Josué 3:11 - Bible in Tzeltal Bachajón

¹¹ Ilawil, te scaxahul te chapbil-c'op yu'un te Yajwal swohlol bahlumilal nahil ya xc'ax bahel awu'unic ta Jordán.

Bible in Tzeltal de Oxchuc y Tenejapa

¹¹ Ya calbeyex awaiyic, te scajonil trato yu'un te Cajwaltic, te Yajwal spamal te balumilale, ya me xc'ax bael ta Jordán ta atojolic.

Josué 3:11 ပူးပေါင်းရင်းမြစ်များ

1 Crónicas 29:11

Ha'at, Jehová, t'ujbilat, ay awu'el, ay awutsilal, yac awa'iy tsalaw, ich'bilat ta muc'; como spisil bintic ay ta ch'ulchan soc ta bahlumilal, ha'at awu'un. Ha'at awu'un, Jehová, te pasaw ta mandar, soc ha'at toyolat yu'un spisil.

Job 41:11

¿Mach'a ay bin la ya'bon yu'un ya sc'an ya jsutbe sjelol? ¡Spisil bintic ay ta ye'tal ch'ulchan ho'on cu'un!

Salmos 24:1

Ha yu'un Jehová te q'uinal soc spisil bintic ay tey a, te bahlumilal soc spisil mach'atic nahinemic tey a;

Salmos 97:5

Te witsiltic hich ya x'uhlic te bin ut'il chabec' ta stojol Jehová, ta stojol te Ajwalil yu'un swohlol bahlumilal.

Isaías 3:12

Ha queremetic te ya yuts'inic te pueblo cu'un, ya xcuentahinotic yu'un antsetic. Pueblo cu'un, ya slo'loyex te mach'atic ya stojobtesex bahel, ya syanijtesbeyex te behetic awu'unique.

Isaías 54:5

Como ha amamalal te Jpaswanej awu'un, ha Jehová te scuentahinej spisil te sbihile; te J'ac'aw ta libre awu'un, ha te Ch'ul Dios yu'un Israel, te Dios yu'un spisil te q'uinal, xchi te sbihile.

Jeremías 10:7

¿Ay bal mach'a ma ba ya xi'at, ha'at te Ajwalilat yu'un te nacionetique? Ha'at awu'un te xi'ele, como ta yohlil spisil mach'atic p'ijic ta nacionetic soc ta spisil slumalic, mayuc mach'a pajalat soc.

Miqueas 4:13

¡Hahchan, wuya, yantsil-nich'anat Sión! yu'un ya cac' te ha taq'uin ya xc'oht axulub, soc te bronce ya xc'oht te awech'ac: yac asesen bayel pueblohetic, soc yac awac' ta stojol Jehová te sbiluquic te yelc'anejic, soc yac awa'be sc'ulejalic te Ajwalil yu'un swohlol bahlumilal.

Sofonías 2:11

Te Jehová xiweltic sba ya xc'oht ta stojolic, ya sjinticlan spisil te diosetic ta q'uinal; spisil te nacionetic ta sti'il te q'uinal ya me squejan sbahic ta stojol tey nix ta banti ayique.

Zacarías 14:9

Ha ajwalil ya xc'oht te Jehová ta swohlol bahlumilal. Ta hich ora stuquel ay te Jehová, soc stuquel ay te sbihile.

Zacarías 4:14

Hich la sjac'bon: Ha te cha'tuhlic ini te tsahbilic te ayic ta stojol te Ajwalil yu'un swohlol bahlumilal, xchi.

Zacarías 6:5

Hich la sjac'bon te ch'ul a'bat: Ha te chaneb iq'uetic yu'un te ch'ulchan, te yaquic ta loq'uel tal ta stojol te Ajwalil yu'un swohlol bahlumilal.

Deuteronomio 9:3

Na'a me yo'tic te ha te Jehová te Dios awu'un te ya xnahilij bahel awu'un hich te bin ut'il c'ahc' te ya xlajinwan, te ya slajinlan te nacionetic soc ya ya'be spehc'an sbahic ta atojol. Ya me atenticlan loq'uel soc ya me alajinlan ta ora nax, hich te bin ut'il la yalbatix te Jehová.

Josué 3:13

Te c'alal ya stec' ochel te ya'lel Jordán te sacerdotehetic te sq'uechojic te scaxahul te chapbil-c'op yu'un Jehová, te Yajwal swohlol bahlumilal, ya me sjam sba te ha' yu'un Jordán, como te ha' te ya x'oquin tal ta ahc'ol ya xquehchaj ta oc, ya stsob hilel sba, xchi.