Josué 24:8 - Bible in Tzeltal Bachajón

⁸ La quiq'uex ochel ta sq'uinal te amorreohetic te nahinemic ta jehch ha' Jordán, te la ya'beyex guerra; pero la jca'beyex ta ac'abic, la awu'untaybeyic sq'uinalic, yu'un la jlajinlan ta atojolic.

Bible in Tzeltal de Oxchuc y Tenejapa

⁸ ja' to la quiq'uex tel ta sq'uinal amorreoetic ta stojol sloq'uib c'aal yu'un Jordán. Jajch' yac'beyex guerra; ja'uc me to, la cac'beyex ta ac'abic. La atsalic, jich la awu'uninic te q'uinale.

Josué 24:8 ပူးပေါင်းရင်းမြစ်များ

Nehemías 9:22

La awa'be yu'untayic ajwaliletic soc nacionetic, la apucticlambe ta jsehpelsehp q'uinal. La yu'untaybeyic sq'uinal Sehón ajwalil yu'un Hesbón, soc sq'uinal Og ajwalil yu'un Basán.

Éxodo 23:23

Te ch'ul a'bat cu'un ya xnahilij bahel awu'un soc ya yiq'uex bahel ta sq'uinal te amorreo, heteo, ferezeo, cananeo, heveo soc te jebuseo; ha'ic te jc'axel ya jlajinlan.

Amós 2:10

La jloq'uesex tal ta sq'uinal Egipto, soc la jquiq'uex bahel cha'winic (40) ha'bil ta jochol taquin q'uinal, yu'un yac awu'untaybe sq'uinal te amorreohe.

Amós 2:9

La jlajin ta stojolic te amorreohetic te hich snahtilic te bin ut'il te cedro soc hich ay yipic te bin ut'il te jihte'; la jlajimbe te sit ta toyol soc te slohp' ta ye'tal.

Deuteronomio 2:32

Te Sehón loc' tal stahotic soc spisil te pueblo yu'un, tal ya'botic guerra ta Jahaza.

Josué 13:10

spisil te pueblohetic yu'un Sehón ajwalil yu'un te amorreohetic, te la ya'iy cuentahinwanej ta Hesbón, ha to c'alal ta smojon te amonetic;