Josué 24:7 - Bible in Tzeltal Bachajón

⁷ Te c'alal tulan awonic ta stojol Jehová, ha la yac' tal yihc'al q'uinal ta ohlil yu'un te egipciohetic soc te ha'exe, soc la yac' tal te mar ta sbahic, te ha mucotic yu'un. Ha'ex la awilic te bin la jpas ta Egipto. Ta patil bayel c'ahc'al ayinex ta jochol taquin q'uinal.

Bible in Tzeltal de Oxchuc y Tenejapa

⁷ Te antiguo ame'-atatic la sc'opononic, jich la cac' tel muc'ul ijc'al q'uinal ta yolilic soc te egipcioetique, soc la cac' ch'ayuquic bael ta ja', mujq'uic bael. Ja'ex testigoex yu'un te bitic la jpas ta Egipto. “Ta patil c'ax bayal c'aal awu'unic ta muc'ul jochol taquin q'uinal,

Josué 24:7 ပူးပေါင်းရင်းမြစ်များ

Éxodo 14:10

C'alal nopol ay te faraón, la shach sitic te snich'nab Israel, la yilic te yac ta talel ta spatic te egipciohetique. Ha yu'un bayel xiw yo'tanic yu'un soc tulan la yawtayic te Jehová.

Éxodo 14:20

ha baht ta ohlil yu'un te campamento yu'un Egipto soc te campamento yu'un Israel. Ha tocal soc yihc'al q'uinal c'oht ta stojol te egipciohetic, soc la sacubtes q'uinal ta ahc'abal ta stojol Israel, hich ma ba la sta sbahic schebalic ta sjunal ahc'abal.

Éxodo 14:31

C'alal la yil te Israel te bin muc' la spas te Jehová ta scontrahinel te egipciohetic, la xi'ic te Jehová, la sch'uhunic te Jehová soc te Moisés, te ya'bate.

Deuteronomio 1:46

Ha scuentahil te bayel c'ahc'al hilex ta Cades.

Deuteronomio 2:14

Te jayeb ha'bil loc'otic hahchel ta Cades-barnea ha to c'alal sohlotic ta uc'um Zered, waxaclajuneb scha'winic (38) ha'bil, ha to c'alal chamic ta campamento spisil te winiquetic te ya yaq'uic guerra, hich te bin ut'il jc'axel halbotic ta jamal yu'un Jehová.

Deuteronomio 29:2

Hich te Moisés la stsob tal spisil te snich'nab Israel, hich la yalbe: Ha'ex la awilic spisil te bintic la spas Jehová ta atojolic ta Egipto ta stojol te faraón soc spisil te a'batetic yu'un, soc ta spisil sq'uinal,

Deuteronomio 4:34

¿O ay bal yan dios te tal yu'untay jun nación ta yohlil yan nación ta scuenta pruebahetic, señahiletic, jchahp a'teliletic, guerra, ta scuenta yu'el soc sc'ab shachoj, soc te mero xiweltic sba te bin la spas, hich te bin ut'il la spasbeyex ta Egipto te Jehová te Dios awu'unique?

Hebreos 3:17

Soc ¿mach'atic a te ilinem Dios ta stojolic cha'winic (40) ha'bil? ¿Ma bal ha'uc te mach'atic la sta smulic, te hil sbaq'uetalic ta jochol taquin q'uinal?

Josué 5:6

Como te snich'nab Israel behenic cha'winic (40) ha'bil ta jochol taq'uin q'uinal ha to c'alal cham spisil te winiquetic te ya xhu' ya yaq'uic guerra te loq'uic tal ta Egipto. Chamic ta scaj te ma ba la sch'uhumbeyic sc'op te Jehová. Ha yu'un la yal ta jamal te Jehová te ma ba ya ya'be yilic te q'uinal te la yalbe ta jamal te sme'static te ya ya'be, ha te q'uinal ta banti ya x'oquin leche soc chab.