Josué 24:2 - Bible in Tzeltal Bachajón

² Te Josué hich la yalbe spisil te pueblo: Hich ya yal Jehová te Dios yu'un Israel: Te ame'atatic, ha te Taré stat te Abraham soc Nacor, nahinic ta namey ta jehch muc'ul-ha', la sch'uhunic yantic diosetic.

Bible in Tzeltal de Oxchuc y Tenejapa

² Jich la yalbey spisil te lume: —Jich ya yalbotic Cajwaltic te Dios cu'untic te israelotique: “Namey q'uinal te Taré soc te snich'nabe, ja' te Abraham soc Nacor, te antiguo jme'-jtatic, ainic ta ti'ti'ja' Éufrates, soc yacalic ta xch'uunel te yantic diosetique.

Josué 24:2 ပူးပေါင်းရင်းမြစ်များ

Génesis 11:22

Ay lajuneb scha'winic (30) ya'bilal a te Serug te ayin snich'an, ha te Nacor.

Génesis 11:24

Ay baluneb scha'winic (29) ya'bilal a te Nacor te ayin snich'an, ha te Taré.

Génesis 11:26

Ay lajuneb schanwinic (70) ya'bilal a te Taré te ayin snich'nab, ha te Abram, Nacor soc Harán.

Génesis 11:27

Ha sts'umbal Taré ini: ha snich'nab Taré te Abram, Nacor soc Harán. Ha snich'an Harán te Lot.

Génesis 31:19

Te Labán bahem ta sloq'uesbeyel stsotsel stuminchij a, ha yu'un te Raquel la yelc'ambe yahcanan te state.

Génesis 31:30

Ya suhtatix bahel yu'un awo'tanuc te ayatix ta sna te atate, pero ¿bin yu'un la awelc'ambon talel te diosetic cu'un? xchi.

Génesis 31:32

Te mach'a yich'beyejat yac ata te diosetic awu'un, ¡ac'a lajuc! Ac'a ta ilel ta stojol te quermanotactic teme ay bin quich'ojbat tal, teme aye ich'a suhtel, xchi. Yu'un ma ba sna'oj te Jacob te ha yelc'anej tal te Raquel.

Génesis 31:53

Te Dios yu'un Abraham, te Dios yu'un Nacor, te Dios yu'un te static, ac'a schahpanotic ta jchebaltic, xchi. Te Jacob la yal ta jamal ta scuenta te Mach'a yich'oj ta muc' te Isaac te state.

Génesis 35:4

Hich la ya'beyic te Jacob spisil te yantic diosetic te yich'ojic soc te staq'uinal schiquinique. Te Jacob la smuc hilel ta lum ta ye'tal jihte' ta nopol Siquem.

1 Crónicas 1:27

soc Abram, ha te Abraham.

Isaías 51:2

Ilawil te Abraham te atatic, soc te Sara te la yalatayex; como te c'alal stuquel ay a, la jquic' talel, la jca'be bendición soc la jcac' p'ohluc.

Ezequiel 16:3

hich me xawalbe: Hich yaloj te Jehová, te Ajwalil, sc'oblal Jerusalén: Te banti hahchemat soc te banti ayinat, ha te sq'uinal Canaán; ha amorreo-winic te atat soc hitita-ants te anane.

San Lucas 3:34

snich'an Jacob, snich'an Isaac, snich'an Taré, snich'an Nacor,

Deuteronomio 26:5

Hich yac awal ta stojol te Jehová te Dios awu'un: Jbehyomal arameo te jtat te co bahel ta Egipto banti c'oht ta nahinel, mayuc tsobolic a. Tey c'atp'uj ta muc'ul nación a te bayel yip soc tsobolic.

Josué 24:15

Teme ma lecuc yac awa'iyic te yac awac' abahic ta a'batinel yu'un Jehová, tsaha mach'a yac awac' abahic ta a'batinel yu'un: teme ha te diosetic te la yac' sbahic ta a'batinel yu'un te ame'atatic ta jehch te muc'ul-ha', o ha te diosetic yu'un te amorreohetic te banti nahinemexix ta sq'uinalique; pero te ho'on soc te mach'atic ay cu'un ya cac' jbahcotic ta a'batinel yu'un te Jehová, xchi te Josué.