Josué 24:1 - Bible in Tzeltal Bachajón

¹ Te Josué la stsob spisil te jchahp yu'un Israel ta Siquem, soc la yic' tal te mamaletic yu'un Israel, te príncipaletic, juecetic soc te yantic ay ya'telic ta Israel. Spisilic la stehc'an sbahic ta stojol Dios.

Bible in Tzeltal de Oxchuc y Tenejapa

¹ Te Josué la stsob ta Siquem spisil ta jchajp te sts'umbal Israel. La yic' ta stojol Cajwaltic te mamaletic yich'oj yat'elic, jwolwanejetic, jchajbanwanejetic soc te yantic ay yat'elique.

Josué 24:1 ပူးပေါင်းရင်းမြစ်များ

Génesis 12:6

te Abram c'ax bahel tey ta q'uinal, c'oht c'alal Siquem, ta banti ay te jihte' yu'un More. Ha yorahil te tey ayic a te cananeohetique.

Génesis 35:4

Hich la ya'beyic te Jacob spisil te yantic diosetic te yich'ojic soc te staq'uinal schiquinique. Te Jacob la smuc hilel ta lum ta ye'tal jihte' ta nopol Siquem.

1 Reyes 12:1

Te Roboam baht ta Siquem, como spisil Israel baht tey a yu'un ya yotsesic ta ajwalil.

2 Reyes 23:1

Ha yu'un te ajwalil la sticonlan ta iq'uel tal spisil te mamaletic ta Judá soc ta Jerusalén.

Hechos 10:33

Ha yu'un ora la jticonat ta iq'uel, ha lec te talate. Yo'tic, jpisilcotic jtsoboj jbahcotic ta stojol Dios yu'un ya ca'iycotic spisil bintic la spasat ta mandar te Diose, xchi.

Deuteronomio 29:9

Ha yu'un q'ueja ta awo'tanic te bin ya yal te chapbil-c'op ini, soc ac'a c'ohtuc ta pasel awu'unic, scuenta yu'un lec ya xc'ohex a soc spisil te bintic yac apasique.

Josué 20:7

Ha yu'un la stsahic te Cedes ta Galilea te ay ta witsiltic yu'un Neftalí; te Siquem te ay ta witsiltic yu'un Efraín; soc te Quiriat-arba (ha te Hebrón) te ay ta witsiltic yu'un Judá.

Josué 23:2

te Josué la yic' tal spisil Israel, ha te mamaletic, príncipaletic, juecetic soc te mach'atic ay ya'telic ta Israel, hich la yalbe: Te ho'one mamalonix, bayelix ca'bilal.

Jueces 20:26

Ha yu'un spisil te pueblo Israel bahtic ta Bet-el. Tey oq'uic soc huhcajic ta stojol Jehová, la scom swe'elic c'alal yihc'ubel q'uinal soc la ya'beyic Jehová scohtol chic'bil mahtaniletic soc mahtaniletic scuenta lamal q'uinal.

1 Samuel 10:19

Pero yo'tic mayuquix sc'oblal ta awo'tanic te Dios awu'unic, te ya scoltayex te c'alal ayex ta wocol soc ta mel-o'tan. Soc la awalic: Ma'uc, ya me awa'botcotic ajwalil, xchihex. Ha yu'un, yo'tic tehc'ana abahic ta stojol Jehová ta jujuchahp ats'umbalic soc ta jujuchahp te mach'atic ay awu'unic, xchi te Samuel.