Josué 23:9 - Bible in Tzeltal Bachajón

⁹ Como te Jehová la sloq'uesbeyex ta atojolic nacionetic te muq'uic soc te ay yipic, soc mayuc mach'a hu'em yu'un scontrahimbelex c'alal ora.

Bible in Tzeltal de Oxchuc y Tenejapa

⁹ Te Cajwaltic la sloq'uesbeyex ta atojolic lumetic te muq'uic soc te tulanique, asta c'alal yo'tic ma'yuc mach'a ju'em yu'un scontroinbelex te ja'exe.

Josué 23:9 ပူးပေါင်းရင်းမြစ်များ

1 Reyes 21:26

Mero ihlaybil, la sch'uhun loc'ombahetic hich te bin ut'il la spasic te amorreohetic te loq'uesotic yu'un Jehová ta stojol te snich'nab Israel.)

2 Crónicas 20:7

Dios cu'untic, ¿ma bal ha'ucat la atenticlan loq'uel te mach'atic nahinemic li' ta q'uinal ta stojol te pueblo Israel soc sbahtel q'uinal la awa'be te sts'umbal Abraham te jc'uxultaywanej aba soque?

Éxodo 23:23

Te ch'ul a'bat cu'un ya xnahilij bahel awu'un soc ya yiq'uex bahel ta sq'uinal te amorreo, heteo, ferezeo, cananeo, heveo soc te jebuseo; ha'ic te jc'axel ya jlajinlan.

Éxodo 23:30

C'unc'un ya jtenticlan loq'uel ta atojol, ha to c'alal ya xp'ohlat soc yac awu'untay te q'uinale.

Hechos 7:45

C'alal yich'ojiquix a te Nahilpac' Templo te jme'jtatic, la yich'ic ochel tal soc Josué c'alal la yu'untaybeyic sq'uinal te nacionetic te tenotic loq'uel yu'un Dios ta stojol te jme'jtatique. Tey hil a ha to c'alal yorahil te David,

Deuteronomio 11:23

te Jehová ya stenticlan loq'uel ta atojolic spisil te nacionetic ini, soc yac awu'untaybeyic sq'uinal muc'ul nacionetic te c'ax hich yipic a te bin ut'il te ha'exe.

Deuteronomio 7:24

Ya ya'bat ta ac'ab te ajwaliletic yu'unic, ha'at yac alajimbe sbihilic ta ye'tal ch'ulchan; mayuc mach'a ya xhu' ya scomat ha to c'alal jc'axel yac alajinlan.

Josué 1:5

Mayuc mach'a ya xhu' ya stsalat te jayeb c'ahc'al cuxulat. Hich te bin ut'il la joquin te Moisés, ha nix hich ya joquinat; ma ba ya quihquitayat soc ma ba ya jpihtesat.

Josué 15:14

Te Caleb la sten loq'uel tey a te oxtuhl sts'umbal Anac, ha te Sesai, Ahimán soc Talmai.

Josué 23:5

Te Jehová te Dios awu'unic ya sch'ojticlan loq'uel ta atojolic, ya stenticlan loq'uel ta awohlilic, te ha'exe ya me awich'beyic hilel te sq'uinalic, hich te bin ut'il la yalbeyex te Jehová te Dios awu'unique.

Josué 23:8

Pero ha me yac at'unic te Jehová te Dios awu'unic hich te bin ut'il yac apasbelic talel c'alal ora.

Josué 24:18

Soc ha nix hich te Jehová la sloq'uesbotic bahel ta jtojoltic spisil te pueblohetic, soc te amorreohetic te nahinemic ta q'uinal. Ha nix hich ya me cac' jbahtic ta a'batinel yu'un Jehová, como ha Dios cu'untic stuquel, xchihic.