Josué 22:9 - Bible in Tzeltal Bachajón

⁹ Hich te sts'umbal Rubén, Gad soc te j'ohlil sts'umbal Manasés suhtic bahel, la yihquitayic hilel te yantic snich'nab Israel ta Silo te ay ta sq'uinal Canaán, yu'un ya xbahtic ta sq'uinal Galaad, ta sq'uinal te la yu'untayic, hich te bin ut'il la yal mandar Jehová ta scuenta Moisés.

Bible in Tzeltal de Oxchuc y Tenejapa

⁹ Jich te sts'umbal Rubén, Gad soc te olil sts'umbal Manasés loq'uic bael ta stojol te yantic israeletic ta lum Silo te ay ta sq'uinal Canaán, swenta yu'un ya me sujt'ic bael ta bay yich'ojic te q'uinal Galaad, te ja' sq'uinal c'otic, jich bit'il yalojbey mandal Cajwaltic ta stojol te Moisese.

Josué 22:9 ပူးပေါင်းရင်းမြစ်များ

2 Samuel 2:9

la yotses ta ajwalil yu'un Galaad, Gesuri, Jezreel, Efraín, Benjamín soc spisil Israel.

1 Crónicas 5:9

Soc nahinic ta stojol banti ya xloc' tal c'ahc'al c'alal ta yochibal te jochol taquin q'uinal, c'alal ta muc'ul-ha' Éufrates, como bayel p'ohlem te schansbahlam ta sq'uinal Galaad.

Salmos 60:7

Ho'on cu'un te Galaad soc Manasés; ha smahquil jol te Efraín; te Judá ha jbastón yu'un pasaw ta mandar;

Números 32:1

Te snich'nab Rubén soc Gad mero bayel chambahlametic yu'unic. C'alal la yilic te sq'uinal Jazer soc Galaad te ha lequil q'uinal yu'un chambahlametic,

Números 32:20

Ha yu'un hich la sjac' te Moisés: Teme hich yac apasic, teme yac achahpan abahic ta stojol Jehová ta yaq'uel guerra,

Números 32:22

soc te u'untaybilix a te q'uinal ta stojol Jehová, hich ya xhu' ya suhtex bahel. Hich libre ya xhilex yu'un te bin ay ta acuentahic spasel ta stojol Jehová soc ta stojol Israel, soc ha awu'unic ya xc'oht te q'uinal ini ta stojol Jehová.

Números 32:26

Te jnich'nabcotic soc quihnamcotic, te wacaxetic soc spisil te chambahlametic cu'uncotic ya xhilic li' ta pueblohetic yu'un Galaad.

Números 32:29

hich la yalbeyic: Teme ya sjoquinotic ta sohlel te muc'ul-ha' Jordán te snich'nab Gad soc Rubén, te chapal spisilic soc ya'tejibic ta yaq'uel guerra ta stojol Jehová, te c'alal u'untaybilix a te q'uinal, hich yac awa'beyic yich'ic hilel te sq'uinal Galaad.

Deuteronomio 3:18

Ta hich ora hich la jcalbeyex: Te Jehová te Dios awu'unic la ya'beyex hilel te q'uinal ini; pero chapaluc yu'un guerra a ya me xbahtic spisil mach'atic ma xiwic, ya me xnahilijic bahel yu'un te awermanotac, te snich'nab Israel.

Deuteronomio 3:20

ha to c'alal Jehová ya ya'be scux yo'tanic te awermanotac, hich te bin ut'il te ha'exe, soc te ya yich'ic te q'uinal ta jehch muc'ul-ha' Jordán te ya x'a'botic yu'un Jehová te Dios awu'unique. Ha to jujutuhlex ya suhtex bahel ta q'uinal te la jca'beyex, xchihon.

Deuteronomio 34:1

Te Moisés loc' bahel ta spamlej yu'un Moab, mo bahel ta wits Nebo, ta sba wits Pisga, te snuhp'usitayej sba soc Jericó; tey a'bot yil yu'un Jehová spisil te sq'uinal Galaad c'alal ta Dan,

Josué 13:11

soc Galaad, te sq'uinal gesureohetic soc te maacateohetic, spisil te wits Hermón soc spisil te sq'uinal Basán c'alal ta Salca;

Josué 13:25

Ha sq'uinalic c'oht te Jazer, spisil te pueblohetic yu'un Galaad, j'ohlil te sq'uinal te snich'nab Amón c'alal ta Aroer te snuhp'usitayej sba soc Rabá,

Josué 13:31

soc j'ohlil te Galaad, Astarot soc Edrei, ha pueblohetic banti scuentahinej te Og ta Basán; ha yu'un c'oht te j'ohlil te snich'nab Maquir snich'an Manasés, ha chican te jaychahp ayique.

Josué 22:10

C'alal c'ohtic ta sti'il Jordán te ay ta sq'uinal Canaán, te sts'umbal Rubén, Gad soc te j'ohlil sts'umbal Manasés tey la spasic scajtajib ta chiq'uel mahtanil ta sti'il Jordán, mero muc' la spasic.

Jueces 20:1

Ha yu'un loq'uic bahel spisil te snich'nab Israel, c'alal ta Dan ha to ta Beerseba soc ta sq'uinal Galaad, la stsob sbahic hich te bin ut'il jtuhl winic ta stojol Jehová ta Mizpa.

Jueces 5:17

Te Galaad hil ta jehch Jordán; te Dan, ¿bin yu'un hil ta banti te barcohetique? Te Aser hil ta sti'il mar, hil ta banti ya x'ochic barcohetic.