Josué 22:5 - Bible in Tzeltal Bachajón

⁵ Ha nax ac'a c'ohtuc ta pasel awu'unic te mandariletic te la spasex ta mandar Moisés te a'bat yu'un Jehová: ha te c'uxuc me xawa'iy ta awo'tanic te Jehová te Dios awu'unic, te yacuc xbehenex ta spisil te behetic yu'un, te yacuc ach'uhunic te mandariletic yu'un, yacuc at'unic bahel soc yacuc awac' abahic ta a'batinel ta stojol ta spisil awo'tanic soc spisil ach'uhlelic, xchi.

Bible in Tzeltal de Oxchuc y Tenejapa

⁵ Jun nax te bi ya calbeyex, c'otesaic ta pasel te mandaliletic la yac'beyex Moisés te yabat Cajwaltic te Dios cu'untique. C'ux me x'awaiy ta awo'tanic, soc t'unbeya spisil ora te sbe, ch'uunbeyaic te mandaliletic yu'une. Na'aic me, soc ac'a abaic ta abatinel ta stojol soc spisil awo'tanic soc spisil ach'ulelic —xi' te Josué.

Josué 22:5 ပူးပေါင်းရင်းမြစ်များ

Salmos 106:3

Bayel yutsilic te mach'atic ya spasic te bin toj, te spisil ora ya spasulanic te bin toj ta pasele.

Salmos 78:7

scuenta yu'un ha ya smuc'ulin yo'tanic te Dios soc ma ba ya xch'ay ta yo'tanic te bin spasoje, te ha ya sch'uhunic spasel te mandariletic yu'un,

Éxodo 15:26

hich la yal: Teme yac awa'iybe ta lec te sc'op Jehová te Dios awu'unic, teme yac apas te bin toj ta pasel ta stojol, teme yac awich' ta cuenta te mandariletic yu'un soc teme yac ach'uhun spasel spisil te chahpambil mandariletic yu'une, ma ba ya ca'bat junuc te chamel te la jca'be te egipciohetic, como ho'on Jehovahon te jpoxtaywanejon awu'unic, xchi.

Éxodo 20:6

pero ya jc'uxultay bayel ta mil te mach'atic c'uxon ta yo'tanic soc te ya sch'uhunic spasel te mandariletic cu'une.

Éxodo 23:13

Ich'a ta cuenta spisil te bintic la jcalbeyexe. Ma me xawalbeyic sbihil yantic diosetic, ma me xloc' ta awe'ic.

Éxodo 23:25

Ya me awac' abahic ta stojol Jehová te Dios awu'unic, ha ya ya'be bendición te awe'el soc awa'al. Ya jloq'ues chamel ta awohlil,

Proverbios 4:23

Ta spisil, canantaya awo'tan, como tey ya xtal a te acuxlejale.

Isaías 55:2

¿Bin yu'un yac alajin ataq'uinic yu'un te bin ma we'eliluc? ¿Bin yu'un yac alajin stojol awa'tel yu'un te bin ma xnoj ach'uhtic yu'une? ¡A'iybon awa'iyic ta lec, we'anic te bin lec, ya me amulan te bintic buhts'an ta we'el!

Jeremías 12:16

Teme smelelil ya snopbeyic sbe te pueblo cu'un, soc teme ya yalic ta jamal ta scuenta jbihil: Cuxul Jehová, te xchihique, hich te bin ut'il a'bot snopic te pueblo cu'un te ya yalic ta jamal ta scuenta Baal, ya me yich' yipic ta yohlil te pueblo cu'une.

San Mateo 22:37

Halbot yu'un te Jesús: C'ux laj me xawa'iy te Cajwaltic Dios ta spisil awo'tan, ta spisil ach'uhlel soc ta spisil ap'ijil.

San Mateo 4:10

La yal te Jesús: Loc'an, Satanás, como hich ts'ihbabil: Ha nax me xach'uhuntay soc ha nax me xawac' aba ta a'batinel yu'un te Cajwaltic te Dios awu'un, la yut.

San Mateo 6:24

Mayuc mach'a ya xhu' ya yac' sba ta a'batinel yu'un cheb ajwaliletic; como ya me yihlay te jtuhle soc c'ux ta yo'tan te yane, o jun yo'tan ta stojol te jtuhle, soc ya sp'aj te yane. Ha nix hich, ma xhu' yac awac' abahic ta a'batinel yu'un Dios soc yu'un te c'uhlejalile.

San Lucas 1:74

ha te ya scoltayotic loq'uel ta sc'ab te jcontratic, te hich mayuc xiwel te ya cac' jbahtic ta a'batinel yu'un

San Juan 12:26

Teme ay mach'a ya yac' sba ta a'batinel cu'un, ac'a st'unon; te banti ayon, ha nix hich tey ay a te a'bat cu'une. Te mach'a ya yac' sba ta a'batinel cu'un, ya me x'ich'ot ta cuenta yu'un te Jtate.

San Juan 14:15

Teme c'uxon ta awo'tanic, ch'uhumbonic te mandariletic cu'une.

Hechos 11:23

C'alal c'oht tey a te Bernabé, tse'el yo'tan yu'un te c'alal la yil te yutsil yo'tan Dios; la stsitsticlan te junuc me yo'tan ya x'ayinic ta stojol te Cajwaltique.

Hechos 27:23

Yu'un ahc'abe la stehc'an sba ta jtojol jtuhl ch'ul a'bat yu'un Dios, ha te ayon ta scuenta soc te ayon ta a'batinel yu'un,

Romanos 1:9

Te Dios, te spisil co'tan ayon ta a'batinel yu'un ta yalel te lec yach'il c'op yu'un te Snich'an, ha testigo cu'un te spisil ora yac jna'belex te c'alal ya jc'opon Dios;

Romanos 12:9

Ma me babac'opuc te sc'uxul awo'tanic. Ihlayahic te bin chopol, t'una me te bin leque.

Romanos 8:28

Soc jna'ojtic te lec ya xc'oht ta loq'uel spisil bintic ya xc'oht ta stojol te mach'atic c'ux ta yo'tan Dios, ha te mach'atic ic'bilic yu'un Dios hich te bin ut'il chapal yu'une.

Deuteronomio 10:20

Ich'a ta muc' te Jehová te Dios awu'un, ha nax me xawac' aba ta a'batinel yu'un. Ha me xat'un bahel stuquel, soc ha ta scuenta sbihil te ay bin jc'axel yac awal ta jamal.

Deuteronomio 11:1

C'ux me xawa'iy ta awo'tan te Jehová te Dios awu'un soc ya me ach'uhun spasel spisil ora te bintic yaloj, bintic chapal yu'un, bintic halbil ta mandar soc te mandariletic yu'une.

Deuteronomio 11:13

Teme spisil awo'tanic yac ach'uhunic spasel te mandariletic yacon ta yalel ta atojolic ta ora ini, teme c'ux yac awa'iy ta awo'tanic te Jehová te Dios awu'unic soc te yac awac' abahic ta a'batinel yu'un ta spisil awo'tanic soc ta spisil ach'uhlelic,

Deuteronomio 11:22

Teme jun awo'tan yac ach'uhunic spisil te mandariletic ya ca'beyex yu'un yac apasic, teme c'ux yac awa'iy ta awo'tanic te Jehová te Dios awu'unic, teme ya xbehenex ta spisil te behetic yu'un soc teme yac at'unic bahele,

Deuteronomio 13:4

Ya me at'unic te Jehová te Dios awu'unic soc ya me awich'ic ta muc', ya me ach'uhunic te mandariletic yu'un soc ya me awa'iybeyic te sc'ope; ya me awac' abahic ta a'batinel yu'un soc jun me awo'tanic ta stojol.

Deuteronomio 4:29

Pero teme tey yac alehic a te Jehová te Dios awu'unic, ya me atahic, teme ta spisil awo'tan soc spisil ach'uhlel yac alehique.

Deuteronomio 4:4

Pero te ha'ex te jun awo'tanic la at'unic te Jehová te Dios awu'unic, apisilic cuxulex to c'alal ora.

Deuteronomio 4:6

Canantayahic soc pasahic, como hich ya sna'ic a te nacionetic te ay sp'ijil awo'tanic soc te yac ana'be scuentahil; ya me ya'iyic spisil te mandariletic ini, hich me ya yalic: Melel ay sp'ijil yo'tan soc ya sna'be scuentahil ta lec te muc'ul nación ini, xchihic me.

Deuteronomio 4:9

Ha yu'un canantaya me aba soc tsahtaya me aba ta lec, scuenta yu'un ma ba ya xch'ay ta awo'tan te bintic awiloj soc ma ba ya xch'ay ta ajolic te jayeb c'ahc'al cuxulex; a'beya sna' te awal-anich'anic soc te amamataque.

Deuteronomio 5:10

soc ya jc'uxultay bayel ta mil te mach'atic c'uxon ta yo'tanic soc te ya sch'uhumbonic te mandariletic cu'une.

Deuteronomio 6:17

Ch'uhunahic ta lec te mandariletic yu'un Jehová te Dios awu'unic, soc te testigo c'op soc te bintic chapal yu'un te la yalbeyex ta mandar.

Hebreos 12:15

Tsahtayahic te mayuc mach'a ma ba ya sta te yutsil yo'tan te Diose, soc te ma ba ya xpuhlin slohp' te bin ch'a te ya ya'beyex wocol soc te ya sbohlobtes tsobolex.

Santiago 1:12

Bayel me yutsil te mach'a ya xcuhch yu'un swocol ta tsajel, como teme cuhch yu'une, ya me x'a'bot yich' te corona yu'un cuxlejal te yaloj Dios ya yich'ic te mach'atic c'ux ya ya'iy ta yo'tanic.

Santiago 2:5

Quermanotac te c'uxex ta co'tan, a'iya me awa'iyic: ¿Ma bal ha'uc tsahbil yu'un Dios te pobrehetic ta bahlumilal te ha' c'uhlejetic ta scuenta sch'uhunel yo'tanic soc ya x'a'bot yich'ic te cuentahinel yu'un Dios te yaloj te ya yich'ic te mach'a c'ux ta yo'tanic te Diose?

Josué 23:8

Pero ha me yac at'unic te Jehová te Dios awu'unic hich te bin ut'il yac apasbelic talel c'alal ora.

Apocalipsis 15:3

soc yac sc'ayojtaybelic te sc'ayoj Moisés, te ya'bat Dios, soc te sc'ayoj te Jcolel Tuminchij, hich yac yalbelic: Buen muc' soc bayel yutsil spisil awa'tel, Cajwaltic Dios te spisil ya xhu' awu'un; stojil soc smelelil te behetic awu'un, ha'at Muc'ul Ajwalilat yu'un te nacionetique.

1 Samuel 12:20

Pero te Samuel la yalbe te pueblo: Ma xiwex. Melel nix a te apasojic spisil te bin chopol ini, pero ma me xawihquitayic st'unel te Jehová, ac'a abahic ta a'batinel yu'un soc spisil awo'tanic.

1 Samuel 12:24

Ha nax ich'ahic ta muc' te Jehová soc ac'a abahic ta a'batinel yu'un ta mero melel soc ta spisil awo'tanic; na'ahic me te bintic muc' la spasbeyex.

1 Samuel 7:3

Te Samuel hich la yalbe spisil te Israel: Teme spisil awo'tanic ya suhtex tal ta stojol Jehová, loq'uesahic ta awohlilic te jyanlum diosetic soc te Astarot, a'beya awo'tanic te Jehová soc ac'a abahic ta a'batinel yu'un, hich me ya scoltayex loq'uel ta sc'ab te filisteohetic, xchi.