Josué 22:4 - Bible in Tzeltal Bachajón

⁴ Ta ora ini, te Jehová te Dios awu'unic la ya'be scux yo'tanic te awermanotac hich te bin ut'il yaloj, ha yu'un suhtanic bahel ta anahilpaq'uic, ta q'uinal te la ya'beyex ta jehch ha' Jordán te Moisés te a'bat yu'un Jehová.

Bible in Tzeltal de Oxchuc y Tenejapa

⁴ Ta ora to te Cajwaltic la sc'otes ta pasel te bitic yalojbey sc'oplale. Jich yu'un te bit'il lamalix jilel q'uinal ta stojol te quermanotactic, sujt'aniquix bael ta anailpaq'uic c'alal ta aq'uinalic te la yac'beyex Moisés te yabat Cajwaltic, ta jejch' muc'ja' Jordán ta stojol sloq'uib c'aal.

Josué 22:4 ပူးပေါင်းရင်းမြစ်များ

1 Crónicas 22:18

¿Ma bal sjoquinejex te Jehová te Dios awu'unic te la ya'beyex lamal q'uinal ta bayuc? Como ha la ya'bonix ta jc'ab te mach'atic nahinemic ta q'uinal, soc ac'otix ta cuentahinel yu'un Jehová te q'uinal soc te pueblo yu'une.

Éxodo 33:14

Hich halbot yu'un Jehová: Ya joquinat bahel, soc ya ca'bat acux awo'tan, xchi.

Números 32:18

Ma ba ya suhtotcotic tal ta jnahcotic ha to c'alal la stahic hilel sq'uinalic te snich'nab Israel.

Deuteronomio 12:9

como ma to ba c'ohemex te banti yac acux awo'tanic soc te bin ya ya'beyex awu'untayic te Jehová te Dios awu'unique.

Deuteronomio 29:8

la jquich'betic sq'uinalic, la jca'betic yich'ic te Rubén, Gad soc te j'ohlil sts'umbal Manasés.

Deuteronomio 3:20

ha to c'alal Jehová ya ya'be scux yo'tanic te awermanotac, hich te bin ut'il te ha'exe, soc te ya yich'ic te q'uinal ta jehch muc'ul-ha' Jordán te ya x'a'botic yu'un Jehová te Dios awu'unique. Ha to jujutuhlex ya suhtex bahel ta q'uinal te la jca'beyex, xchihon.

Hebreos 4:8

Te ha'uc te Josué la yac'ticlambe cux-o'tanil te israeletic, te Dios ma ba la yalbe sc'oblal yan sc'ahc'alel te hichuque.

Josué 1:15

ha to c'alal ya x'a'bot scux yo'tanic yu'un Jehová hich te bin ut'il ha'ex, soc te hich nix ya yu'untayic te q'uinal ya x'a'botic yu'un Jehová te Dios awu'unique. Patil ya suhtex bahel te q'uinal te a'botex awich'ic, te la ya'beyex Moisés te a'bat yu'un Jehová li' ta jehch Jordán ta stojol banti ya xloc' tal c'ahc'al, xchi.

Josué 12:6

Ha'ic te la yich'ic tsalel yu'un Moisés te a'bat yu'un Jehová, soc te snich'nab Israel; te Moisés te a'bat yu'un Jehová, ya'beyejix te sts'umbal Rubén, Gad soc te j'ohlil sts'umbal Manasés te sq'uinalique.

Josué 13:15

Te Moisés la ya'be sq'uinalic te sts'umbal Rubén, ha chican te jaychahp ayique.

Josué 13:8

Como te j'ohlil xan yu'un Manasés, te Rubén, soc te Gad la yich'iquix sq'uinalic stuquel te a'botic yu'un Moisés ta stojol banti ya xloc' tal c'ahc'al yu'un Jordán, hich te bin ut'il a'botic yu'un Moisés te a'bat yu'un Jehová:

Josué 22:3

Ma ba la awihquitayic te awermanotac te c'axix talel bayel tiempo c'alal ora yo'tic, ts'acal la ach'uhunic spasel te mandariletic yu'un Jehová te Dios awu'unique.