Josué 22:18 - Bible in Tzeltal Bachajón

¹⁸ te yo'tic yac awihquitayic st'unel te Jehová? Teme yac atoy abahic yo'tic ta stojol Jehová, pajel ya me xtihl yilimba ta stojol spisil te pueblo Israel.

Bible in Tzeltal de Oxchuc y Tenejapa

¹⁸ ¿Yu'un bal ma tic'uc ya awaiyic te ja'ex, te ya ac'an ya awijq'uitay ta awo'tanic te Cajwaltique? Teme ya atoy abaic yo'tic ta stojol Cajwaltic, te pajel ya me x'ilin ta jtojoltic ta jpisiltic te lumotic yu'un te israelotique.

Josué 22:18 ပူးပေါင်းရင်းမြစ်များ

Números 16:22

Pero te Moisés soc Aarón la spahcan sbahic c'alal ta lum, hich la yalic: ¡Diosat, Diosat yu'un te scuxlejal spisil ch'ich'-baq'uet! ¿ma bal jtuhluc nax winic te la sta smul? ¿Bin yu'un ilinat ta stojol spisil te pueblo? xchihic.

Josué 22:16

Hich ya yal spisil te pueblo yu'un Jehová: ¿Bin a te chopol la apasic ini ta scontrahinel te Dios yu'un Israel, te la awihquitayiquix st'unel te Jehová, ha te la apasiquix scajtajib ta chiq'uel mahtanil scuenta atoybahilic ta stojol Jehová?

2 Crónicas 34:33

Te Josías la sloq'ueslan spisil te bintic ilobtic sba ta spisil sq'uinal Israel, soc la yac' te spisil mach'atic ayic ta Israel ya yac' sbahic ta a'batinel ta stojol Jehová te Dios yu'unic. Te jayeb c'ahc'al cuxul te Josías ma ba la yihquitayic te Jehová te Dios yu'un te sme'static.

2 Crónicas 25:27

Te c'alal la yihquitay Jehová te Amasías, tey hahch ta schapbeyel sc'oblal ta milel ta Jerusalén. Te Amasías ahn bahel ta Laquis. Ay mach'atic ticombil bahel ta spat, tey c'oht smilic a.

1 Crónicas 21:14

Ha yu'un te Jehová la sticon tal tulan chamel ta stojol Israel, lajic waxacpic soc ho'lajunbahc' (70,000) ta tuhl ta Israel.

1 Crónicas 21:1

Te Satanás hahch ta scontrahinel te Israel, la stijbe yo'tan te David te ya yahtay te Israel.

2 Reyes 17:21

Te c'alal Jehová la sloq'ues te Israel ta sna David soc te la yotsesic ta ajwalil te Jeroboam snich'an Nabat, te Jeroboam la yac' te Israel la yihquitayic hilel st'unel te Jehová, la ya'be spas muc'ul mulil.

1 Reyes 9:6

Yan teme ha'at soc awal-anich'nab yac apit abahic ta jtojol, teme ma ba yac ach'uhumbonic te mandariletic soc te bin caloj ta mandar te la jca'beyex ta atojolic, teme yac awac' abahic ta a'batinel ta stojol yan diosetic soc yac ach'uhuntayic,

2 Samuel 24:1

Te Jehová tihl xan yilimba ta stojol Israel. La shachbe yo'tan David ta scontrahinel Israel, hich la yal: Bahan, ahtaya te Israel soc Judá, xchi.

1 Samuel 12:20

Pero te Samuel la yalbe te pueblo: Ma xiwex. Melel nix a te apasojic spisil te bin chopol ini, pero ma me xawihquitayic st'unel te Jehová, ac'a abahic ta a'batinel yu'un soc spisil awo'tanic.

1 Samuel 12:14

Teme yac awich'ic ta muc' te Jehová soc teme yac awac' abahic ta a'batinel yu'un, teme yac awa'iybeyic sc'op soc teme ma ba yac atoy abahic ta stojol te sc'op te Jehová, teme yac ach'uhunic te Jehová ha'ex soc te ajwalil te ya scuentahinex, lec ya xc'ohex yu'un.

Josué 22:20

¿Ma bal lajuc sta smul te Acán snich'an Zera yu'un te la stsac te bintic ac'bil ta scuenta lajel, te hich tal yilimba ta stojol spisil te pueblo Israel? Te winique ma ha'uc stuquel te laj yu'un te smule, xchihic.

Josué 7:21

Ta yohlil te biluquetic la jquil t'ujbil nahtil-c'u'ul talem ta Babilonia, soc lajunwinic (200) ta sehp plata soc jpehch oro te lajuneb yoxwinic (50) siclo yalal, bic'taj co'tan yu'un, hich la jtsac. Nac'bilix ta lum ta ye'tal te jnahilpac', soc ay ta ye'tal xan te taq'uine, xchi.

Josué 7:11

Stahoj smul te Israel, la sc'axuntayic te chapbil-c'op cu'un, ha te la jpasex ta mandar. La stsaquic te bintic parte ac'bil scuenta lajel, la ya'iyic elec', la ya'iyic lot soc la sq'uejic ta yohlil te sbiluquique.

Josué 7:1

Pero te snich'nab Israel la sta smulic yu'un te bintic parte ac'bil scuenta lajel, como te Acán snich'an Carmi, snich'an Zabdi, snich'an Zera, te ha sts'umbal Judá, la stsac te bin parte ac'bil scuenta lajel; hich tihl yilimba Jehová ta stojol te snich'nab Israel.

Deuteronomio 7:4

como ya me yac' te ya yihquitayon hilel te aquerem-nich'an, te ya sch'uhuntay yantic diosetic. Hich ya xtihl hahchel yilimba ta atojolic te Jehová, jts'ihn nax me ya slajinex.

Levítico 10:6

Te Moisés hich la yalbe te Aarón soc te snich'nab, ha te Eleazar soc Itamar: Ma me xaloq'ues te smuhquil ajolic, soc ma me xach'i' ac'u'ic scuenta seña mel-o'tan, scuenta yu'un ma ba ya xchamex soc ma ba ya xtal ilimba ta stojol te pueblo. Yan te awermanotac, ta spisil sna Israel, ya xhu' ya smel yo'tanic stuquel yu'un te c'ahc' te la stihltes te Jehová.

Números 32:15

Teme yac awihquitayic hilel te Jehová, yan buelta ya me yihquitayex hilel ta jochol taquin q'uinal; ya me xlaj ta acuentahic te pueblo ini, xchi te Moisés.

Josué 22:15

C'alal c'ohtic ta banti ay te sts'umbal Rubén, Gad soc te j'ohlil sts'umbal Manasés ta sq'uinal Galaad, hich la yalbeyic: