Josué 22:11 - Bible in Tzeltal Bachajón

¹¹ Te snich'nab Israel c'alal la ya'iyic te sts'umbal Rubén, Gad soc te j'ohlil sts'umbal Manasés la spasic scajtajib ta chiq'uel mahtanil ta smojonil sq'uinal Canaán ta sti'il Jordán ta sjehchelul banti ay te yantic snich'nab Israel,

Bible in Tzeltal de Oxchuc y Tenejapa

¹¹ Te yantic israeletic c'ot c'op ta stojolic te bit'il te sts'umbal Rubén, Gad soc te olil sts'umbal Manasés la sts'ajc'uyic scajtijib ta chiq'uel majt'anil ta sti'il sq'uinal Canaán ta ti'ja' Jordán ta bay sq'uinalic te israeletique.

Josué 22:11 ပူးပေါင်းရင်းမြစ်များ

San Juan 1:28

Hich c'oht ta pasel ta Betábara, ta jehch muc'ul-ha' Jordán, te banti yac ta yaq'uel ich'-ha' te Juan.

San Juan 20:1

Buen sab ta sba c'ahc'alil semana, yac to nax ta chicnajel tal q'uinal a, baht ta muquenal te María Magdalena; la yil loq'uesbilix te ton macbil sti'il a te muquenale.

San Juan 20:12

la yil cheb ch'ul a'batetic te sac sc'u' spaq'uic, jtuhl hucul ta sjolinab, jtuhl ta yoquinab ta banti ac'ot hilel te sbaq'uetal Jesús.

Deuteronomio 12:11

Te lugar te ya stsa Jehová te Dios awu'unic bantic ya yac' te sbihile, tey me yac awaq'uic a spisil te bin ya calbeyex: ha te scohtol chic'bil mahtaniletic, milbil mahtaniletic, te jun ta slajunebal, te tuchilambil mahtaniletic awu'unic, soc spisil te bintic tsahbil te jc'axel awalojic ta jamal yac awa'beyic te Jehová.

Josué 2:7

Hich te winiquetic yu'un te ajwalil baht slehic te jtsahtaywanejetic ta sbehlal Jordán c'alal ta tec'o-ha'etic. C'alal loq'uiquix bahel a te jnutsawetic, la yich' maquel te yochibal te pueblo.

Josué 22:10

C'alal c'ohtic ta sti'il Jordán te ay ta sq'uinal Canaán, te sts'umbal Rubén, Gad soc te j'ohlil sts'umbal Manasés tey la spasic scajtajib ta chiq'uel mahtanil ta sti'il Jordán, mero muc' la spasic.

Josué 22:16

Hich ya yal spisil te pueblo yu'un Jehová: ¿Bin a te chopol la apasic ini ta scontrahinel te Dios yu'un Israel, te la awihquitayiquix st'unel te Jehová, ha te la apasiquix scajtajib ta chiq'uel mahtanil scuenta atoybahilic ta stojol Jehová?

Josué 22:19

Teme yac awa'iyic te bohloben sc'oblal te aq'uinalic, sohlanic tal ta q'uinal yu'un Jehová ta banti ay te Nahilpac' Templo yu'un Jehová, ich'a aq'uinalic ta cohlilcotic; pero ma xatoy abahic ta stojol Jehová soc ma xatoy abahic ta jtojolcotic, te yac apasic yan scajtajib ta chiq'uel mahtanil te bin ut'il ayix yu'un Jehová te Dios cu'untique.

Jueces 12:5

Te winiquetic yu'un Galaad la yich'ic te banti ya xhu' ta teq'uel te muc'ul-ha' Jordán te ya xbahtic ta Efraín. Te mach'atic yu'un Efraín te yaquic ta ahnel bahel, c'alal ya yalic: Ac'awon sohlel, teme xchihique, te winiquetic yu'un Galaad ya sjoc'obeyic: ¿Ha'at bal efrain-winicat? xchihic. Teme ya yal te ma ha'uc,