Josué 20:8 - Bible in Tzeltal Bachajón

⁸ Ta jehch ha' Jordán, ta stojol banti ya xloc' tal c'ahc'al yu'un Jericó, la stsahic te Beser te ay ta jochol taquin q'uinal, ta spamlej yu'un te jchahp yu'un Rubén; te Ramot te ay ta Galaad yu'un te jchahp yu'un Gad; soc te Golán te ay ta Basán yu'un te jchahp yu'un Manasés.

Bible in Tzeltal de Oxchuc y Tenejapa

⁸ Ta jejch' Jordán, ta bay pamal sba witstiquil ta jochol taquin q'uinal ta stojol sloq'uib c'aal yu'un Jericó, la stsaic xan te lum Beser te ay ta swenta sts'umbal Rubén; soc la stsaic te lum Ramot te ay ta swenta sts'umbal Gad, te ay ta sq'uinal Galaad; soc la stsaic te lum Golán te ay ta sq'uinal Basán, te ay ta swenta sts'umbal Manasés.

Josué 20:8 ပူးပေါင်းရင်းမြစ်များ

1 Reyes 22:6

Ha yu'un te ajwalil yu'un Israel la stsob jalwanejetic, ay wan jbahc' ta tuhl, hich la sjoc'obe: ¿Ya bal ca'be guerra te Ramot yu'un Galaad, o ma'uc? xchi. Bahan, te Jehová ya me ya'be ta sc'ab te ajwalil, xchihic.

2 Reyes 8:28

Te Ocozías baht soc Joram snich'an Acab ta Ramot yu'un Galaad ta ya'beyel guerra te Hazael ajwalil yu'un Siria. Te siriahetic la yehchentesic te Joram.

1 Crónicas 6:78

Ta jehch Jordán, ta stojol Jericó, ta stojol banti ya xloc' tal c'ahc'al yu'un Jordán, la ya'beyic ta sq'uinal Rubén te Beser te ay ta jochol taquin q'uinal, Jaza,

1 Crónicas 6:80

Ta sq'uinal Gad la ya'beyic te Ramot ta Galaad, Mahanaim,

Deuteronomio 3:10

La jquich'tic spisil te pueblohetic ta spamlej, spisil te Galaad soc spisil te Basán c'alal ta Salca soc Edrei, ha te pueblohetic scuentahinej a te Og ta Basán.

Deuteronomio 4:43

Te pueblohetic: ha te Beser te ay ta jochol taquin q'uinal, ta muc'ul spamlej, ha yu'un te sts'umbal Rubén; Ramot te ay ta Galaad, ha yu'un te sts'umbal Gad; soc Golán te ay ta Basán, ha yu'un te sts'umbal Manasés.

Josué 20:7

Ha yu'un la stsahic te Cedes ta Galilea te ay ta witsiltic yu'un Neftalí; te Siquem te ay ta witsiltic yu'un Efraín; soc te Quiriat-arba (ha te Hebrón) te ay ta witsiltic yu'un Judá.

Josué 20:9

Ha te pueblohetic tsahbilic te ya xtuhun yu'un spisil te snich'nab Israel soc te jyanlum winiquetic te ya xnahinic ta yohlilic, scuenta yu'un tey ya xhu' ya xbaht ta ahnel mach'ayuc a te ma yolojuc a ya smil yan, scuenta yu'un ma ba ya xmilot yu'un te mach'a ya c'an ya'be spacol te ch'ich'e, ha to c'alal ya stehc'an sba ta stojol te tsoblej.

Josué 21:27

Te sts'umbal Gersón te ha sts'umbal te levitahetic, a'botic ta banti te j'ohlil yu'un Manasés te Golán te ay ta Basán soc te aquiltic yu'un scuenta ahnibal pueblo yu'un te jmilawe, soc nix te Beestera soc te aquiltic yu'unic: cheb pueblohetic.

Josué 21:36

Ta banti te jchahp yu'un Rubén, a'botic Beser, Jahaza,

Josué 21:38

Ta banti te jchahp yu'un Gad, a'botic Ramot yu'un Galaad soc te aquiltic yu'un scuenta ahnibal pueblo yu'un te jmilawe; soc nix te Mahanaim,