Josué 2:9 - Bible in Tzeltal Bachajón

⁹ Ya jna' te Jehová la ya'beyex te q'uinal ini, como tal bayel xiwel ta jtojolcotic awu'unic, soc spisil te yajwal te q'uinal lajemiquix ya ya'iyic yu'un xiwel ta acuentahic.

Bible in Tzeltal de Oxchuc y Tenejapa

⁹ —Ya jna' te ja' ya yac'beyex in q'uinal to te Awajwal te Dios awu'unique, melel bayal yac'ojbotiquix xiwel. Spisil te yajwal lum lajemiquix ya yaiyic yu'un xiwel ta acajic te ja'exe.

Josué 2:9 ပူးပေါင်းရင်းမြစ်များ

Génesis 35:5

C'alal hahchic ta behel, tal tulan xiwel yu'un Dios ta stojol te pueblohetic ta sjoyobalic, hich ma ba la snutsic te snich'nab Jacob.

2 Samuel 17:10

Ha nix te mach'a mero ma xiw, te hich yo'tan te bin ut'il choj, jc'axel me ya xiwic, como spisil Israel sna'oj te ma xiw te atat, soc te ay yipic te mach'atic sjoquinej.

2 Reyes 5:15

Patil te Naamán soc spisil mach'atic sjoquinejic suhtic tal ta banti ay te winic yu'un Dios, la stehc'an sba ta stojol, hich la yal: Yo'tic la jna'ix te mayuc yan Dios ta spisil te q'uinal, ha nax stuquel ta Israel. Awocoluc, ich'a amahtan te ya ya'bat te a'bat awu'une, xchi.

2 Reyes 7:6

Como te Jehová la ya'be ya'iyic sc'op carretahetic, cawuhetic soc ipal soldadohetic ta campamento yu'un te siriahetique. Talel c'axel la yalbe sbahic: Te ajwalil yu'un Israel la schap sc'op soc te ajwaliletic yu'un te heteohetic soc ajwaliletic yu'un te egipciohetic yu'un ya xtal ya'botic guerra, xchihic.

Nehemías 6:16

C'alal la ya'iyic spisil te jcontratic, xiw spisil te nacionetic ta joyobaltic; peq'uel c'oht la ya'iy sbahic, como la sna'ic te ha ta scuenta te Dios cu'untic te hu' te a'tele.

Ester 8:17

Ta jujusehp q'uinal soc ta jujun pueblo te banti c'oht te smandar ajwalil, te judiohetic bayel yutsil q'uinal soc tse'el yo'tanic yu'un, ay q'uin soc ha yorahil spasel te bin mulantic sba yu'unic. Bayelic ta yantic pueblohetic ta q'uinal la scuy sbahic ta judiohil, como la xi'ic te judiohetique.

Job 19:25

Ya jna' te cuxul te Jcoltaywanej cu'un, te ta slajibal ya stehc'an hahchel sba ta lum,

Salmos 112:10

Te mach'a chopol yo'tan ya me yil soc ya me xc'ahc'ub yo'tan yu'un; ya sc'uxticlan ye, ya xlaj bahel; te bin ya sc'an yo'tan te mach'atic chopol yo'tanic, ya xch'ay bahel.

Salmos 115:16

Yu'un Jehová te ch'ulchan, ha la ya'be te ants-winiquetic te lumq'uinale.

Éxodo 18:11

Yo'tic la jna'ix te c'ax hich muc' a te Jehová te bin ut'il spisil te diosetic, te hich la spasbe te mach'atic la yuts'inic te Israel ta scuenta stoybahilic, xchi.

Éxodo 23:27

Ya me jnahiltes bahel awu'un te xiwtesel cu'un soc ya cac' xhowiy sjolic spisil te nacionetic banti ya xc'ohat, soc ya cac' te ya xloq'uic ta ahnel ta atojol te acontrataque.

Eclesiastés 8:12

Aunque te jmulawil ya sta smul ho'winic (100) buelta, soc ya xnahtij scuxlejal, pero jna'oj te lec ya xc'oht te mach'atic ya yich'ic ta muc' te Diose, te mach'atic ya xiwic ta stojol;

Isaías 19:1

Ha te bin halbot sc'oblal te Egipto: Ilawil te Jehová mohem ta sba tocal te ya x'ahnimaj bahel, ya x'och bahel ta Egipto. Te loc'ombahetic yu'un Egipto ya xnihquic ta stojol, soc xcham yo'tanic te egipciohetique.

Isaías 23:5

C'alal ya xc'oht ta Egipto te c'ope, c'ux me ya ya'iyic yu'un te bin halbil sc'oblal te Tiro.

Jeremías 27:5

Ta scuenta smuc'ul cu'el soc ta scuenta te jc'ab la jpas te bahlumilal, te ants-winiquetic soc te chambahlametic te ayic ta sba te lumq'uinal, soc la jca'be te mach'a ya sc'an co'tane.

Nahúm 2:10

Jochol, jimbil, mayuquix bintic ay tey a, lajix yip yo'tanic, ya xnihc te sjol yacanic, c'ux sch'uhtic soc sacuben sit yelawic.

Números 20:14

C'alal ayic ta Cades te Moisés la sticon bahel winiquetic ta stojol te ajwalil yu'un Edom, hich la yalbe bahel: Hich ya yal te awermano Israel: Ha'at ana'oj spisil te jwocolcotic te c'axemix tal cu'uncotic:

Números 20:24

Ya xchamix te Aarón. Ma ba ya x'och bahel tey ta q'uinal la jca'be te snich'nab Israel, como ha'ex la atoy abahic ta sc'axuntayel jmandar ta banti sloq'uib ha' Meriba.

San Mateo 20:15

¿Ma bal yacuc xhu' ya jpas te bin ya jc'an ya jpas soc te bintic ay cu'une? O ¿ay bal sbic'tal awo'tan yu'un te lec co'tan? la yut.

Deuteronomio 11:25

Mayuc mach'a ya xhu' ya scomex. Te Jehová te Dios awu'unic ya me yac' te ya xi'ex ta spisil te q'uinal banti ya xbehenex, hich te bin ut'il la yalbeyex.

Deuteronomio 2:25

Yo'tic ya cac' xi'at spisil te pueblohetic ayic ta ye'tal ch'ulchan. Te c'alal ya ya'iybat ac'oblal ya me xnihquic soc ya me x'u'untaybot yo'tanic yu'un mel-o'tan ta acuentahic, xchi.

Deuteronomio 28:10

Spisil te nacionetic ta bahlumilal ya me yilic te awich'ojbe sbihil te Jehová, soc ya me xi'at.

Deuteronomio 32:8

Te Mach'a Toyol, c'alal la ya'be sq'uinalic te nacionetic, c'alal la ya'be sjat sbahic te yal-snich'nab ants-winiquetic, la yac'ticlambe smojonil te pueblohetic, chican hich yipalic te snich'nab Israel.

Hebreos 11:31

Ta scuenta sch'uhunel yo'tan te Rahab te j'antsinel-ants la yic' ochel ta sna te jtsahtaywanejetic, hich ma ba pajal laj soc te mach'atic jc'axun-c'opetique.

Josué 2:11

Te c'alal hich la jca'iycotic, laj yip co'tancotic yu'un; mayuc jtuhl winic te ay yip yo'tan yu'un ya scomex, como te Jehová te Dios awu'unic, ha Dios ta ch'ulchan ta toyol soc ta bahlumilal ta ye'tal.

Josué 2:24

Hich la yalbeyic te Josué: Te Jehová ya'beyejotiquix ta jc'abtic spisil te q'uinale; soc spisil te mach'a nahinemic tey a lajemiquix ya ya'iyic yu'un xi'belotic, xchihic.

Josué 2:8

Ma to xwayic a te jtsahtaywanejetic, te ants mo bahel ta sba sna, hich c'oht yalbe:

Josué 5:1

Spisil te ajwaliletic yu'un te amorreohetic te ayic ta stojol smahlib c'ahc'al yu'un te muc'ul-ha' Jordán, soc te ajwaliletic yu'un te cananeohetic ta nopol mar, c'alal la ya'iyic bin ut'il Jehová la staquijtes te ya'lel Jordán ta stojol te snich'nab Israel ha to c'alal sohlic bahel, laj yip yo'tanic soc och bayel xiwel ta yo'tanic ta stojol te snich'nab Israel.

Josué 6:2

Te Jehová la yalbe te Josué: Ilawil, la jca'batix ta ac'ab te Jericó, te ajwalil yu'un soc te swinic yu'un guerra.

Josué 9:10

soc spisil te bintic la spasticlambe te cheb ajwaliletic yu'un te amorreohetic ta jehch muc'ul-ha' Jordán ta stojol banti ya xloc' tal c'ahc'al, ha te Sehón ajwalil yu'un Hesbón, soc te Og ajwalil yu'un Basán, te nahin ta Astarot.

Josué 9:24

Hich la sjac'beyic te Josué: Como la ya'iyic te a'batetic awu'un te Jehová te Dios awu'un spasojix ta mandar te ya'bat Moisés te ya me ya'beyex spisil te q'uinal soc te ya slajin ta atojolic spisil te mach'atic nahinemic ta q'uinal, ha scuentahil te bayel la jxi'cotic te ya xlajotcotic, ha yu'un te hich la jpascotic.

Josué 9:9

Hich la sjaq'uic: Te a'batetic awu'un talemotcotic ta mero namal q'uinal ta scaj te sbihil te Jehová te Dios awu'un como ca'iybeyejcotic sc'oblal, soc spisil te bintic la spas ta Egipto

Jueces 7:14

Hich la sjac' te smohlol: Mayuc bin yan scuentahil, ha nix te espada yu'un Gedeón snich'an Joás, te israel-winic. Dios ya'beyej ta sc'ap Gedeón te madianetic soc spisil te campamento, xchi.