Josué 2:5 - Bible in Tzeltal Bachajón

⁵ Ta yihc'ubel q'uinal, te c'alal ya xmahquix a te yochibal te ts'ahc, loq'uic bahel te winiquetic, pero ma jna' banti bahtic. Nutsahic bahel ta ora, ya me atahic, xchi.

Bible in Tzeltal de Oxchuc y Tenejapa

⁵ Yaquix ta ijc'ubel a te bajt'ique, ja' te nopol xmajq'uix sti'il sts'ajc'ul a te lume. Ja'uc me to, ma jna' te banti bajt'ique. Teme ya anutsic bael ta ora, ya me ataic —la yut.

Josué 2:5 ပူးပေါင်းရင်းမြစ်များ

Nehemías 13:19

C'alal yac ta ihc'ubel bahel q'uinal a, ma to stahoj yorahil sc'ahc'alel cux-o'tanil a, la jcal mandar te ac'a yich'ticlan maquel te puertahetic yu'un Jerusalén soc ma ba ya yich' jamel ha to c'alal c'axix a te sc'ahc'alel cux-o'tanil. Soc la jcac' a'batetic cu'un ta puertahetic scuenta yu'un ma ba ya x'och tal ihcatsil ta sc'ahc'alel cux-o'tanil.

Isaías 60:11

Te ochibaletic awu'un spisil ora jamal, ma ba ya xmahc ta c'ahc'al ahc'abal, scuenta yu'un ya xhu' ya yich'beyex tal sc'ulejalic te nacionetic, soc ic'bil ya xtalic te ajwaliletic yu'unique.

Jeremías 50:20

Ta hich ora, xchi te Jehová, ya yich' lehel te schopolil te Israel, pero ma ba ya xchicnajix; soc ya yich' lehel te smul te Judá, ma ba ya xtahbot; yu'un ya jpasbe perdón te mach'atic cuxul ya xhilic cu'une.

Ezequiel 47:12

Ta jujujehch sti'il te muc'ul-ha' ya xcol spisil ta chahp te'etic te ya yac'ticlan sit. Ma ba ya xluhbaj ya'binal soc spisil ora ay sit. Ta jujun u ya yac'ticlan sit, como te ya'lel yac ta loq'uel tal ta ch'ul awilal. Te sit ya xtuhun yu'un we'elil soc te ya'binal ya xtuhun yu'un pox.

Josué 2:4

Pero te ants nac'bilix yu'un a te cheb winiquetic, hich la yal: Melel ay winiquetic te hulic tal ta jna, pero ma ba la jna' banti talemic.

Josué 2:6

Pero yic'ojix mohel ta sba sna a, snac'ojix ta banti tomajtic ta q'uihyel lino ta sba sna.

Josué 2:7

Hich te winiquetic yu'un te ajwalil baht slehic te jtsahtaywanejetic ta sbehlal Jordán c'alal ta tec'o-ha'etic. C'alal loq'uiquix bahel a te jnutsawetic, la yich' maquel te yochibal te pueblo.

Apocalipsis 21:25

Mayuc bin ora ya xmacbot te ochibaletic yu'un ta c'ahc'alel, como mayuc ahc'abal tey a.

1 Samuel 19:14

C'alal la sticon bahel winiquetic te Saúl ta schuquel tal te David, hich la yal te Mical: Ay ta chamel, xchi.