Josué 2:19 - Bible in Tzeltal Bachajón

¹⁹ Mach'ayuc a te ya xloc' bahel ta sti'il ana, ay ta scuenta stuquel te sch'ich'ele, ma jmulcoticuc ya xc'oht. Pero mach'ayuc a te sjoquinejat ta ana, ay ta jcuentacotic te sch'ich'el teme ay bin ya xpasbote.

Bible in Tzeltal de Oxchuc y Tenejapa

¹⁹ Teme ya xloc' jtuluc ta ana, jich nix me ya xc'ot lajel ta swenta, ma me jmulticuc ya xc'ot te jo'otique. Yan teme ay mach'a ya yochintay te anae, jo'otic me jmultic ya xc'ot stuquel.

Josué 2:19 ပူးပေါင်းရင်းမြစ်များ

2 Samuel 1:16

Hich halbot yu'un David: Ay ta acuenta te ach'ich'ele, como ha'at nix la awal ta testigo ta acontra te c'alal hich la awal: La jmil te mach'a tsahbil yu'un Jehová, te xchihate, xchi.

2 Samuel 4:11

¿Ma bal c'axuc to xan hich ya jpasbe a te chopol winiquetic te la smilic ta sna soc ta swayib te mach'a toj ta winiquil? Ha yu'un ¿ma bal yacuc sc'an te ya jc'ambeyex sch'ich'el ta acuentahic soc te ya jtup'ex ta q'uinal? xchi.

1 Reyes 2:32

Te Jehová ha me ya sutbe spacol te ch'ich' ta stojol, como la smil te cheb winiquetic te c'ax hich toj soc lec ta winiquil a te bin ut'il te Joab; la smilticlan ta espada te ma ba la sna' te jtat David: ha te Abner snich'an Ner, te jtsobaw yu'un soldadohetic yu'un Israel, soc te Amasa te snich'an Jeter, te jtsobaw yu'un soldadohetic yu'un Judá.

Éxodo 12:13

Te ch'ich' ha seña awu'unic ya xc'oht ta anahic te banti ayexe; te c'alal ya quil te ch'ich' ya xc'axon bahel te banti ayex, ma ba ya stahat te castigo scuenta lajel te c'alal ya quehchentes te sq'uinal Egipto.

Éxodo 12:22

Ich'ahic jtohm hisopo, mulahic ta ch'ich' te ay ta yawil, bonahic a te sjol soc smarcohil te ti'nahil yu'un te anahique. Ma me ayuc mach'a ya xloc' ta anahic ha to c'alal ta sab.

Éxodo 12:23

Yu'un ya me xc'ax te Jehová ta yehchentesel te egipciohetic. Te c'alal ya yil te ch'ich' ta sjol soc ta smarcohil te ti'nahil ya me sohl bahel ta yahc'olal te ti'nahil, ma ba ya yac' ochel te j'ehchenteswanej ta anahic yu'un ya smilex.

Levítico 20:11

Teme ay winic ya xway soc yihnam stat, ya sbohlobtesbe sc'oblal te state; ya me xlajic schebalic, ha nix ta scuentahic te ya xlajique.

Levítico 20:9

Mach'ayuc a te ya sbohlc'optay stat o snan, ya me xlaj; la sbohlc'optay te stat o snan, ha nix ta scuenta smul te ya xlaje.

San Mateo 24:17

Te mach'a ay ta ba na, ma me xco tal yu'un ya sloq'ues te bin ay ta sna;

Hechos 18:6

Pero te judíohetic la smaquic ta c'op te Pablo soc la yixta'c'optayic, hich te Pablo la slihlin sc'u' spac' te slapoj soc la yalbe: Ac'a c'ohtuc ta ajolic te ach'ich'elique. Mayuquix ta jcuenta; yo'tic ya xbohonix ta stojol te jyanlumetique, la yut.

Hechos 20:26

Ha yu'un ha'i c'ahc'al ini ya calbeyex ta jamal te mayuc ta jcuenta te sch'ich'el ta spisilic,

Hechos 27:31

Pero te Pablo la yalbe te capitán-soldado soc te soldadohetic: Ma xhu' ya xcolex teme ma ba ya xhilic ta barco te winiquetic ini, xchi.

Filipenses 3:9

soc jun ya xc'ohon soc. Ma ha'uc te toj c'ohemon yu'un sch'uhunel te Ley, ha toj c'ohemon ta scuenta sch'uhunel co'tan ta stojol Cristo, ha te toj-o'tanil te ya yac' te Dios soc te ay ta scuenta sch'uhunel-o'tanil.

Hebreos 10:29

¿Ma bal c'axemuc to xan hich castigo ya yich' a te mach'a ya sts'o'ts'o'tec' te Snich'an Dios, soc te chopol sc'oblal ya ya'iy te sch'ich'el te chapbil-c'op te yich'oj ch'ultesel a, soc te ya scontrac'optay te Espíritu yu'un yutsil-o'tanil?

Josué 2:12

Ha yu'un ya calbeyex wocol yo'tic te yacuc awalbonic ta jamal ta stojol Jehová te hich te bin ut'il la awich'ic c'uxultayel cu'un te ha'exe, ha'uc ni me hich yac ac'uxultaybon te mach'atic ay yu'un te jtate. A'bon quil señahil te hichuc ya xc'oht ta pasel awu'unic,

Josué 2:14

La sjaq'uic te winiquetic: Ya jelcotic ta jcuxlejalcotic te acuxlejalic teme ma ba yac awal te bin scuentahil te talemotcotique. Te c'alal ya'beyejotcotiquix a te q'uinal te Jehová, ya me jc'uxultayatcotic soc hich ya jpasbatcotic te bin ut'il la jcalbatcotiquix, xchihic.

Josué 2:20

Soc teme yac awal te bin la jchaptic, ya xhilotcotic ta libre yu'un te bin la awac'otcotic ta yalel ta jamal, xchihic.