Josué 2:18 - Bible in Tzeltal Bachajón

¹⁸ C'alal ya x'ochotcotic tal ta q'uinal ya me ajohc'an te tsajal lazo ini ta ventana te banti yac acohtesotcotic, soc ya me atsob ta ana te atat, anan, abanquil, awix, awihts'nab, soc spisil mach'atic ay yu'un te atate.

Bible in Tzeltal de Oxchuc y Tenejapa

¹⁸ Te c'alal ya x'ochotic tel ta lum, ya me ajojc'an in tsajal lazo to ta bay ventana te banti la acojtesotique. Tsoba ta yutil ana te atat, te ame' soc spisil mach'atic ay yu'un.

Josué 2:18 ပူးပေါင်းရင်းမြစ်များ

Génesis 12:2

Muc'ul nación ya xc'ohat cu'un, soc ya ca'bat bendición ta atojol, muc' ya xc'oht abihil cu'un, soc ha'at bendición ya xc'ohat.

Génesis 7:1

Patil te Jehová hich la yalbe te Noé: Ochan ta barco soc spisil mach'atic ay awu'un, como ta spisil te mach'atic ayic ta q'uinal, quiloj te ha'at nax atuquel te toj awo'tan ta jtojol.

Ester 8:6

Como ¿bin yu'un ya nax quil te wocol ya xtal ta stojol te pueblo cu'un? ¿Bin yu'un ya nax quil te lajinel yu'un te nación cu'une? xchi.

Éxodo 12:13

Te ch'ich' ha seña awu'unic ya xc'oht ta anahic te banti ayexe; te c'alal ya quil te ch'ich' ya xc'axon bahel te banti ayex, ma ba ya stahat te castigo scuenta lajel te c'alal ya quehchentes te sq'uinal Egipto.

Cantares 4:3

Te sti'il awe pajal soc tsajal hilera; soc t'ujbil ta a'iyel te ac'ope. Te acho te macbil yu'un smahquil pajal soc granada xet'bil ta ohlil.

Levítico 14:4

te sacerdote ya sticombe ta iq'uel tal cheb cuxul bic'tal ha'mal mutetic te lec sc'oblalic, soc cedro-te', tsajal pac' soc hisopo, yu'un te mach'a ya yich' lecubtesel.

Números 19:6

Te sacerdote ya stsac tal cedro, hisopo soc tsajal pac', ya sch'ojticlan ochel ta c'ahc' ta banti yac ta c'ahq'uel te wacaxe.

Números 4:8

Ta sba ya slimbeyic ta tsajal pac', soc ya smuquic xan bahel ta nuhculetic, patil ya yotseslambeyic te sq'uechojibale.

San Lucas 19:9

Hich halbot yu'un te Jesús: Yo'tic hulemix colel ta na ini, como ha nix sts'umbal Abraham;

Hechos 10:27

Yac ta c'op soc a, och bahel te Pedro soc la sta tsobol mach'atic stsoboj sbahic.

Hechos 10:33

Ha yu'un ora la jticonat ta iq'uel, ha lec te talate. Yo'tic, jpisilcotic jtsoboj jbahcotic ta stojol Dios yu'un ya ca'iycotic spisil bintic la spasat ta mandar te Diose, xchi.

Hechos 11:14

ha ya xtal yalbat awa'iy c'opetic te ya xcolat yu'un soc sjunal ana, xchi laj.

2 Timoteo 1:16

Ac'a yich' c'uxultayel yu'un Cajwaltic sjunal sna te Onesíforo, como bayel buelta la smuc'ubtesbon q'uinal ca'iy soc ma ba q'uexaw yu'un te bin ut'il chuculon ta cadena.

Hebreos 9:19

como te c'alal laj yo'tan te Moisés ta yalbeyel ya'iyic spisil te pueblo te mandariletic, la stsac ta sc'ab te sch'ich'el jcolel torohetic soc tat tentsunetic, soc la yich' talel ha' soc tsajal stsotsel tuminchij soc hisopo-te', la stsihtsin a te libro yu'un te mandariletic soc spisil te pueblo,

Josué 2:21

Hichuc me te bin la awalic, xchi te antse. Hich la sticonlan bahel, hich bahtic. Ha la schuc te tsajal lazo ta ventana te antse.

Josué 6:23

Hich te jtsahtaywanejetic ochic bahel, la sloq'uesic tal te Rahab soc sme'stat, sbanquiltac, yihts'nab soc spisil mach'atic ay yu'un; soc la sloq'uesic spisil te mach'atic jun sbihilic soc, la yaq'uic ta sti'il te campamento yu'un Israel.

Josué 6:25

Pero te Josué la yac' cuxajuc te j'antsinel-ants Rahab soc te mach'atic ay yu'un te stat, soc spisil te bintic ay yu'un. Hich te Rahab nahin ta yohlil te snich'nab Israel c'alal ora yu'un te la snac' te winiquetic te ticombilic yu'un Josué ta stsahtayel te Jericó.