Josué 2:12 - Bible in Tzeltal Bachajón

¹² Ha yu'un ya calbeyex wocol yo'tic te yacuc awalbonic ta jamal ta stojol Jehová te hich te bin ut'il la awich'ic c'uxultayel cu'un te ha'exe, ha'uc ni me hich yac ac'uxultaybon te mach'atic ay yu'un te jtate. A'bon quil señahil te hichuc ya xc'oht ta pasel awu'unic,

Bible in Tzeltal de Oxchuc y Tenejapa

¹² Jich yu'un ya me calbeyex wocol yo'tic te yacuc awalbon ta stojol te Awajwalic te ya quich' c'uxtayel awu'unic jich nix bit'il la awich'ic c'uxtayel cu'un te ja'exe, te yacuc ac'uxtayon soc spisil mach'a ay yu'un te jtate. Ya jc'an te yacuc awac'bon señail te jichuc ya xc'ot ta pasel awu'unique.

Josué 2:12 ပူးပေါင်းရင်းမြစ်များ

Génesis 21:23

Ha yu'un halbon ta jamal ta stojol Dios te mayuc bin ora yac acontrahinon soc jnich'nab soc te jts'umbal ta patil bahel. Hich te bin ut'il la jc'uxultayat te ha'ate, ha nix hich ya me ac'uxultayon soc te q'uinal te banti nahinemat ta ora ini, xchi.

Génesis 24:3

ya jc'an te yac awal ta jamal ta stojol Jehová, te Dios yu'un te ch'ulchan soc te Dios yu'un te bahlumilal, te ma ba yac alehbon yihnam te jnich'an ta stojol te yantsil-nich'nabic te cananeohetic te ayon ta yohlilique.

Génesis 24:9

Ha yu'un te a'bat la yac' tal sc'ab ta ye'tal ya' te yajwal, ha te Abraham, la yal ta jamal te hich ya spas.

Génesis 40:14

Na'awon me te c'alal c'ohtix ta acuenta a te bin lec, awocoluc taluc me sts'ujulil awo'tan, c'opombon te faraón te yacuc xloc'on ta na ini.

2 Crónicas 36:13

Ha nix hich la stoy sba ta scontrahinel Nabucodonosor, te la yal ta jamal ta stojol Dios te junuc me yo'tan ta stojol. Tulanij yo'tan, ma ba la sc'an la suhtes yo'tan ta stojol Jehová te Dios yu'un Israel.

Ester 8:6

Como ¿bin yu'un ya nax quil te wocol ya xtal ta stojol te pueblo cu'un? ¿Bin yu'un ya nax quil te lajinel yu'un te nación cu'une? xchi.

Éxodo 12:13

Te ch'ich' ha seña awu'unic ya xc'oht ta anahic te banti ayexe; te c'alal ya quil te ch'ich' ya xc'axon bahel te banti ayex, ma ba ya stahat te castigo scuenta lajel te c'alal ya quehchentes te sq'uinal Egipto.

Jeremías 12:16

Teme smelelil ya snopbeyic sbe te pueblo cu'un, soc teme ya yalic ta jamal ta scuenta jbihil: Cuxul Jehová, te xchihique, hich te bin ut'il a'bot snopic te pueblo cu'un te ya yalic ta jamal ta scuenta Baal, ya me yich' yipic ta yohlil te pueblo cu'une.

San Marcos 14:44

Te j'ac'aw ta c'abal schapojix tal te bin seña ya spasbe, hich la yal: Ha te mach'a ya cuhts'uy, ha me abi. Tsacahic, buen chucbil me xawiq'uic bahel, xchi.

Romanos 1:31

sonsohetic, ma sc'ohtes ta pasel bin ya yalic, mayuc sc'uxul yo'tanic, mayuc mach'a ya sna'be yo'bolil sba.

1 Timoteo 5:8

como teme ay mach'a ma ba ya ya'be bin ya xtuhun yu'un te mach'atic ay yu'un, soc ha tulan xan sc'oblal te mach'atic ay yu'un ta sna, la smuc te sch'uhunel yo'tan soc c'ax hich chopol a te bin ut'il mach'a ma ba sch'uhunej te Diose.

Santiago 2:13

como te mach'a ma ba la ya'iy c'uxultaywanej, ma ba ya yich' c'uxultayel te c'alal ya xc'oht ta ich'el ta c'op; te c'uxultaywanej ya stsal te ich'el ta c'op.

Josué 2:13

te yac awaq'uic cuxajuc te jtat, te jnan, jbanquil, jwix, quihts'nab, soc spisil mach'atic ay yu'unic, te yac awac' ya xcolotcotic ta lajel, xchi.

Josué 2:18

C'alal ya x'ochotcotic tal ta q'uinal ya me ajohc'an te tsajal lazo ini ta ventana te banti yac acohtesotcotic, soc ya me atsob ta ana te atat, anan, abanquil, awix, awihts'nab, soc spisil mach'atic ay yu'un te atate.

Josué 2:19

Mach'ayuc a te ya xloc' bahel ta sti'il ana, ay ta scuenta stuquel te sch'ich'ele, ma jmulcoticuc ya xc'oht. Pero mach'ayuc a te sjoquinejat ta ana, ay ta jcuentacotic te sch'ich'el teme ay bin ya xpasbote.

Josué 6:22

Te Josué hich la yalbe te cheb winiquetic te la stsahtayic te q'uinale: Ochanic ta sna te j'antsinel-ants, loq'uesahic tal soc spisil te mach'atic ay yu'un, hich te bin ut'il la awalbeyic hilel ta jamal, xchi.

Josué 9:15

Te Josué la yac' te lamal yo'tan ya xc'oht soc; soc la schap sc'op soc te cuxul ya xhilic; hich nix jc'axel la yalic ta jamal te príncipaletic yu'un te pueblohe.

Jueces 1:24

Te jtsahtaywanejetic la yilic jtuhl winic yac ta loq'uel tal ta pueblo, hich la yalbeyic: A'botcotic quilcotic te yochibal te pueblo, hich ya jc'uxultayatcotic, xchihic.

1 Samuel 30:15

¿Ya bal awic'on bahel ta banti ayic te jpoj-biluquetique? xchi te David. Halbon ta jamal ta stojol Dios teme ma ba yac amilon o te yac awac'on ta sc'ab te cajwal, hich ya quic'at bahel ta banti ayic, xchi.