Josué 2:11 - Bible in Tzeltal Bachajón

¹¹ Te c'alal hich la jca'iycotic, laj yip co'tancotic yu'un; mayuc jtuhl winic te ay yip yo'tan yu'un ya scomex, como te Jehová te Dios awu'unic, ha Dios ta ch'ulchan ta toyol soc ta bahlumilal ta ye'tal.

Bible in Tzeltal de Oxchuc y Tenejapa

¹¹ Ja' bayal xiwotic yu'un te c'alal la caiytic stojole, melel ma'yuc mach'a ya xju' spajaltayex. Melel cajal nix stuquel a te Awajwal te Dios awu'unique, te ja' Dios yu'un ch'ulchan soc Dios tey ta balumilal.

Josué 2:11 ပူးပေါင်းရင်းမြစ်များ

1 Reyes 8:60

scuenta yu'un spisil te pueblohetic ta bahlumilal ya me sna'ic te ha Dios te Jehová, te mayuc yan.

2 Reyes 5:15

Patil te Naamán soc spisil mach'atic sjoquinejic suhtic tal ta banti ay te winic yu'un Dios, la stehc'an sba ta stojol, hich la yal: Yo'tic la jna'ix te mayuc yan Dios ta spisil te q'uinal, ha nax stuquel ta Israel. Awocoluc, ich'a amahtan te ya ya'bat te a'bat awu'une, xchi.

Nehemías 6:16

C'alal la ya'iyic spisil te jcontratic, xiw spisil te nacionetic ta joyobaltic; peq'uel c'oht la ya'iy sbahic, como la sna'ic te ha ta scuenta te Dios cu'untic te hu' te a'tele.

Ester 8:17

Ta jujusehp q'uinal soc ta jujun pueblo te banti c'oht te smandar ajwalil, te judiohetic bayel yutsil q'uinal soc tse'el yo'tanic yu'un, ay q'uin soc ha yorahil spasel te bin mulantic sba yu'unic. Bayelic ta yantic pueblohetic ta q'uinal la scuy sbahic ta judiohil, como la xi'ic te judiohetique.

Salmos 102:15

Hich spisil te nacionetic ya me xi'ic te sbihil te Jehová, spisil te ajwaliletic ta q'uinal ya me xi'ic te awutsilal,

Salmos 22:14

Malbilonix hich te bin ut'il ha', pitc'ujemiquix spisil te jbaquele. Te co'tan hich c'ohem te bin ut'il chabec', yac ta uhlel ta yutil te jbaq'uetale.

Salmos 58:7

Ac'a ch'ayuquic hich te bin ut'il ha' te ya x'oquin bahel; c'alal ya st'imic bahel te ya'tejibalul st'ihmalte'ic ac'a wac'uquic.

Salmos 83:18

Ac'a sna'ic te ha Jehová te abihile, te ha'at atuquel te Mach'a toyol ayat ta stojol spahmal te q'uinale.

Éxodo 15:14

Ya me ya'iyic te pueblohetic, ya xnihquic yu'un; ya x'u'untayot yu'un sc'uxul xiwel te filisteohetique.

Éxodo 15:15

Ha yu'un te jtsobawetic yu'un Edom bayel ya xc'opoj yo'tanic yu'un; te mach'atic ay yipic ta Moab ya xhahchic ta nihquel, ya xlaj yip yo'tanic spisil mach'atic nahinemic ta Canaán;

Isaías 13:7

Ha yu'un ya xlaj yip sc'ab spisilic, ya xlaj yip yo'tanic spisil ants-winiquetic.

Isaías 19:1

Ha te bin halbot sc'oblal te Egipto: Ilawil te Jehová mohem ta sba tocal te ya x'ahnimaj bahel, ya x'och bahel ta Egipto. Te loc'ombahetic yu'un Egipto ya xnihquic ta stojol, soc xcham yo'tanic te egipciohetique.

Ezequiel 21:15

scuenta yu'un ya xlaj yip yo'tan soc ya xlaj bayelic. Ta spisil te ochibaletic yu'unic cac'oj xiwel yu'un te espada. ¡Ah! chapalix yu'un ya xtihl soc chapalix yu'un ya xmilawan.

Nahúm 2:10

Jochol, jimbil, mayuquix bintic ay tey a, lajix yip yo'tanic, ya xnihc te sjol yacanic, c'ux sch'uhtic soc sacuben sit yelawic.

Deuteronomio 1:28

¿Banti ya xbohotic? Te quermanotactic la spehc'ambotic co'tantic c'alal la yalic: Te ants-winiquetic ini ha muc' xan soc naht xan a te bin ut'il te ho'otique; ha muq'uic te pueblohetic yu'unic soc ay sts'ahculetic c'alal ta ch'ulchan; soc la jquilcotic te sts'umbal Anac, xchihex.

Deuteronomio 20:8

Te jcuentahinwanejetic ya me sc'oponic xan te soldadohetic, hich ya yalic: ¿Mach'a a te ya xiw soc te mayuc yip yo'tan? Ac'a suhtuc ta sna scuenta yu'un hich ma sjuc ta xiwel a te yantic yermanotac, xchihic me.

Deuteronomio 4:39

Ha yu'un nopa yo'tic soc na'a me ta awo'tan te bin ut'il te Jehová ha Dios ta ch'ulchan soc ta bahlumilal, mayuc yan.

Josué 14:8

Yan te quermanotac te sjoquinejonic bahel c'oht xiwtesbe yo'tanic te pueblo, yan te ho'one jun co'tan ta stojol Jehová te Dios cu'un.

Josué 2:24

Hich la yalbeyic te Josué: Te Jehová ya'beyejotiquix ta jc'abtic spisil te q'uinale; soc spisil te mach'a nahinemic tey a lajemiquix ya ya'iyic yu'un xi'belotic, xchihic.

Josué 5:1

Spisil te ajwaliletic yu'un te amorreohetic te ayic ta stojol smahlib c'ahc'al yu'un te muc'ul-ha' Jordán, soc te ajwaliletic yu'un te cananeohetic ta nopol mar, c'alal la ya'iyic bin ut'il Jehová la staquijtes te ya'lel Jordán ta stojol te snich'nab Israel ha to c'alal sohlic bahel, laj yip yo'tanic soc och bayel xiwel ta yo'tanic ta stojol te snich'nab Israel.

Josué 7:5

Te mach'atic ayic ta Hai la smilic waclajuneb scha'winic (36) winiquetic, la snutsic bahel c'alal ta yochibal te pueblo ha to c'alal ta Sebarim, la slajinic ta banti cohel bahel. Hich laj yip yo'tanic te israeletic, hich c'oht yo'tanic te bin ut'il ha'.

Josué 9:24

Hich la sjac'beyic te Josué: Como la ya'iyic te a'batetic awu'un te Jehová te Dios awu'un spasojix ta mandar te ya'bat Moisés te ya me ya'beyex spisil te q'uinal soc te ya slajin ta atojolic spisil te mach'atic nahinemic ta q'uinal, ha scuentahil te bayel la jxi'cotic te ya xlajotcotic, ha yu'un te hich la jpascotic.

Apocalipsis 6:16

hich la yawtayic te witsiltic soc te ch'entiquil: La', mucawotcotic, nac'awotcotic ta sit te mach'a hucul ta muc'ul-huctajibal, soc ta stojol te yilimba te Jcolel Tuminchij,