Josué 2:10 - Bible in Tzeltal Bachajón

¹⁰ Yu'un ca'iyejcotic te Jehová la staquijtes slumil te Mar Rojo ta atojolic te c'alal loq'uex tal ta Egipto, soc te bin la apasbeyic te cheb ajwaliletic yu'un te amorreohetic te ayic ta jehch Jordán, ha te Sehón soc Og, te jc'axel la alajinic.

Bible in Tzeltal de Oxchuc y Tenejapa

¹⁰ Melel caiyojtic stojol te c'alal loq'uex tel ta Egipto, Dios la staquintesbeyex slumil te Mar Rojo te c'axex tel a. Ja' nix jich jna'ojtic stojol te jc'axel la amilic jilel te cheb ajwaliletic yu'un te amorreoetique, te Sehón soc te Og, ja' te ayic ta jejch' muc'ja' Jordán.

Josué 2:10 ပူးပေါင်းရင်းမြစ်များ

Salmos 74:15

La ajam sloq'uib-ha' soc muc'ul-ha'etic, la awac' taquijuc te muc'ul-ha'etic te stalel ya x'oquinic.

Números 20:14

C'alal ayic ta Cades te Moisés la sticon bahel winiquetic ta stojol te ajwalil yu'un Edom, hich la yalbe bahel: Hich ya yal te awermano Israel: Ha'at ana'oj spisil te jwocolcotic te c'axemix tal cu'uncotic:

Números 23:22

Te Dios te la sloq'ueslan tal ta Egipto, hich ay te bin ut'il xulub ha'mal toro ta stojolic.

Números 24:8

Dios la sloq'ues tal ta Egipto; hich yipic te bin ut'il yip ha'mal toro. Ya sti'ticlan te nacionetic te ya xcontrahinot yu'un, ya swac'ticlambe sbaquel, tamp'as ya sohlteslambe te ya'tejibal st'ihmalte'.

Deuteronomio 2:30

Pero te Sehón, ajwalil yu'un Hesbón, ma ba la sc'an ya yac'otic c'axel ta sq'uinal, como te Jehová te Dios awu'unic la stulantesbe yo'tan scuenta yu'un ya ya'beyex ta ac'abic, hich te bin ut'il c'alal ora.

Josué 24:12

La jticon bahel ta nahil awu'unic xuxetic te la stenticlanic loq'uel ta atojolic te cheb ajwaliletic yu'un te amorreohetic; ma ha'uc loq'uic ta scuenta te espada o t'ihmalte' awu'unique.

Josué 4:24

scuenta yu'un spisil te pueblohetic ta bahlumilal ya me sna'ic te ay bayel yu'el te sc'ab te Jehová, soc scuenta yu'un hich yac axi'ic spisil ora a te Jehová te Dios awu'unique, xchi.

Josué 5:1

Spisil te ajwaliletic yu'un te amorreohetic te ayic ta stojol smahlib c'ahc'al yu'un te muc'ul-ha' Jordán, soc te ajwaliletic yu'un te cananeohetic ta nopol mar, c'alal la ya'iyic bin ut'il Jehová la staquijtes te ya'lel Jordán ta stojol te snich'nab Israel ha to c'alal sohlic bahel, laj yip yo'tanic soc och bayel xiwel ta yo'tanic ta stojol te snich'nab Israel.

Josué 9:10

soc spisil te bintic la spasticlambe te cheb ajwaliletic yu'un te amorreohetic ta jehch muc'ul-ha' Jordán ta stojol banti ya xloc' tal c'ahc'al, ha te Sehón ajwalil yu'un Hesbón, soc te Og ajwalil yu'un Basán, te nahin ta Astarot.