Josué 2:1 - Bible in Tzeltal Bachajón

¹ Te Josué snich'an Nun muquen la sticon hahchel ta Sitim cheb jtsahtaywanejetic, hich la yalbe: Bahan ilawilic te q'uinal soc te Jericó, xchi. Hich bahtic, ochic ta sna jtuhl j'antsinel-ants Rahab sbihil, tey c'ax ahc'abal yu'unic a.

Bible in Tzeltal de Oxchuc y Tenejapa

¹ Te Josué, c'alal ayic ta Sitim la sticun bael cheb jtsajtaywanejetic ta muquen, jich la yalbey: —Baan ilawilic te lum Jericó soc spisil te sq'uinale —xi'. Jich bajt'ic, c'otic ta sna jtul jmulawil ants ta Jericó, Rahab sbiil. Tey c'ax ajc'ubal yu'unic a.

Josué 2:1 ပူးပေါင်းရင်းမြစ်များ

Génesis 42:16

Ticonahic bahel jtuhluc te ya xbaht yic' tal te awihts'in, yan te ha'exe ya xhilex ta chuquel li'i. Ya yich'ic tsajel te ac'opic teme smelelil te bin yac awalique; teme ma'uque, xyil faraón, ha'ex jtsahtaywanejex abi, la yut.

Génesis 42:9

Hich la sna' te José te swayich la ya'iy sc'oblal te sbanquiltac, hich la yalbe: Jtsahtaywanejex; talemex ta yilel te banti ma ba canantaybil ta lec te q'uinale, la yut.

Miqueas 6:5

Pueblohat cu'un, na'a me yo'tic bin la snop te Balac ajwalil yu'un Moab, soc te bin jac'bot yu'un te Balaam snich'an Beor. Na'a me c'alal ayat ta Sitim, c'alal c'axat bahel ta Gilgal, yu'un yac ana'ticlanic te bintic toj la spas te Jehová.

Números 13:1

Te Jehová la yalbe te Moisés:

Números 13:2

Ticona bahel winiquetic ta stsahtayel te sq'uinal Canaán te ya ca'be te snich'nab Israel. Ticona bahel jtuhl príncipal ta jujuchahp yu'un Israel, xchi.

Números 25:1

Te Israel c'alal ayic ta Sitim a hahch yic' yantsimbeyic te yantsil-nich'nab moabetic,

Números 33:49

Ta slajibal la spas scampamentohic ta sts'ehl te muc'ul-ha' Jordán, c'alal Bet-jesimot ha to ta Abel-sitim, ta spamlej yu'un Moab.

San Mateo 1:5

te yal-snich'an soc Rahab te Salmón, ha Booz, te yal-snich'an soc Rut te Booz, ha Obed, te snich'an Obed, Isaí,

San Mateo 10:16

Ya jticonex bahel hich te bin ut'il tuminchijetic ta yohlil chojetic. Ha yu'un p'ijanic me hich te bin ut'il chan soc lamaluc me awo'tanic hich te bin ut'il stsuhmut.

Efesios 5:5

Como ana'ojic te ma xhu' ya x'ochic ta banti ay te cuentahinel yu'un Cristo soc yu'un Dios te j'antsinel soc j'antsiwej, te mach'a bohloben sc'oblal, o te ay sbic'tal yo'tan, te ha pajal soc sch'uhunel loc'omba.

Hebreos 11:31

Ta scuenta sch'uhunel yo'tan te Rahab te j'antsinel-ants la yic' ochel ta sna te jtsahtaywanejetic, hich ma ba pajal laj soc te mach'atic jc'axun-c'opetique.

Santiago 2:25

Ha nix hich te Rahab, te j'antsinel-ants, ¿ma bal ha'uc toj ilot yu'un Dios ta scuenta te ya'tel te c'alal la yic' ochel te jtsahtaywanejetic soc te la sticon bahel ta yan be?

Josué 1:18

Mach'ayuc a ya stoy sba ta sc'axuntayel te mandar awu'un, te ma ba ya sch'uhun spasel spisil bintic yac awal, ac'a lajuc. Ha nax ac'a fuersa soc ayuc me yip awo'tan, xchihic.

Josué 2:2

Hich halbot ya'iy te ajwalil yu'un Jericó: Ay winiquetic yu'un te snich'nab Israel te talemic ha ahc'abal ini ta stsahtayel te q'uinale, xchi.

Josué 21:31

Helcat, soc Rehob soc te aquiltic yu'unic; chaneb pueblohetic.

Josué 3:1

Te Josué sab hahch, loc' bahel ta Sitim soc spisil snich'nab Israel, c'ohtic c'alal ta muc'ul-ha' Jordán, tey c'oht spas scampamentohic te c'alal ma to ba sohlic bahel a.

Josué 5:10

Te c'alal ayiquix ta campamento ta Gilgal a te snich'nab Israel la spasic te Q'uin Pascua ta schanlajunebal (14) c'ahc'al yu'un te u, ta stibiltayel q'uinal, ta spamlej yu'un Jericó.

Jueces 1:23

Te sts'umbal José la sticonic bahel jtsahtaywanejetic ta Bet-el, te ha Luz sbihil ta nahil to.

Jueces 18:14

Te ho'tuhl winiquetic te c'ohemiquix ta yilel te q'uinal yu'un Lais, la yalbeyic te yermanotac: ¿Ma bal ana'ojic te ta na ini ay efod soc loc'ombahetic yu'un na, jun loc'omba pasbil ta c'abal soc ay yan pasbil ta uhltesbil taq'uin? Nopahic hiche bin ya sc'an yac apasic yu'un, xchihic.

Jueces 18:17

Te ho'tuhl winiquetic te yilojiquix te q'uinale ochic bahel, la stsaquic te loc'omba pasbil ta c'abal, te efod, te loc'ombahetic yu'un na, soc te loc'omba pasbil ta uhltesbil taq'uin, te c'alal ay ta yochibal te puerta a te sacerdote soc te j'ohlil scha'bahc' (600) winiquetic chapalic soc ya'tejibic yu'un guerra.

Jueces 18:2

Ha yu'un te sts'umbal Dan la sticonic hahchel ta Zora soc Estaol ho'tuhl slumalic, winiquetic te ay yip yo'tanic, scuenta yu'un ya stsahtay yilic ta lec te q'uinal, yu'un hich ya sna'ic a bin yilel. Hich halbotic yu'unic: Bahanic, tsahtaya awilic te q'uinal, xchihic. Hich c'ohtic ta witsiltic yu'un Efraín, ta sna Micaía, tey wayic a.