Josué 18:6 - Bible in Tzeltal Bachajón

⁶ Te ha'ex yac awac' ta huc-sehp te q'uinal, ya me awich'bonic tal shunal bin yilel, scuenta yu'un ya jpasbeyex seña ta na'el ta stojol Jehová te Dios cu'untique.

Bible in Tzeltal de Oxchuc y Tenejapa

⁶ Te c'alal lajix ta p'isel a te jucsejpe, ya me yich'bonic tel te sc'oplale. Jich me ya jpasbey snumeroil ta na'el te bit'il ya yich' puquel ta stojol Cajwaltic te Dios cu'untique.

Josué 18:6 ပူးပေါင်းရင်းမြစ်များ

Salmos 105:11

te hich la yal: Ya ca'bat te sq'uinal Canaán ha te bin ya xc'oht ta acuenta te yac awich' hilel, te xchihe.

Proverbios 16:33

Te winiquetic ya spasic seña ta na'el, pero ay ta scuenta Jehová yaq'uel ta na'el.

Proverbios 18:18

Te spasel seña ta na'el ya yac' lahmajuc te c'ope, soc ya schahpan te c'op yu'un te mach'atic tulan scontrahinej sbahique.

Números 33:54

Ya me awich'ic hilel te q'uinal ta scuenta seña ta na'el ta jujuchahp ats'umbalic; teme bayelic, muc' sq'uinal yac awa'beyic, teme mayuc bayelic, ma ba muc' yac awa'beyic. Ta banti ya yac' ta na'el te seña ta na'el, tey nix ya yich' sq'uinal a te jujuchahp. Ta scuenta jujuchahp sts'umbal te atatic ya me awich'ic hilel te q'uinale.

Números 34:13

Te Moisés hich la yalbe te snich'nab Israel: Ha te q'uinal te yac apucbe abahic ta scuenta seña ta na'el, ha te q'uinal la yal te Jehová te ya yich'ic a'beyel te balunchahp soc j'ohlil,

Hechos 13:19

C'alal la sjin huc-chahp nacionetic ta sq'uinal Canaán, la ya'be yich'ic te sq'uinalique.

Josué 14:2

La yich' pucticlanel te q'uinal ta scuenta spasbeyel seña ta na'el, hich te bin ut'il Jehová la spas ta mandar te Moisés te ya yich'ic te balunchahp soc ohlil.

Josué 18:10

Te Josué la spasbe seña ta na'el ta stojol Jehová ta Silo; tey la spucbe a te q'uinal te snich'nab Israel, chican bin yilel la yich' te jujuchahp.

Josué 18:7

Yan te levitahetic mayuc bin ya yich'ic ta awohlilic stuquel, como ha ya yich'ic stuquel te sacerdotehil yu'un Jehová. Soc te sts'umbal Gad, Rubén soc te j'ohlil sts'umbal Manasés yich'ojiquix sq'uinalic ta stojol banti ya xloc' tal c'ahc'al yu'un te muc'ul-ha' Jordán, te a'botic hilel yu'un Moisés te a'bat yu'un Jehová, xchi.

Josué 18:8

Hich loq'uic bahel te winiquetique. Te Josué hich la spas bahel ta mandar te mach'atic ya xbaht yilic bin yilel te q'uinale: Bahanic, behentayahic te q'uinal, ts'ihbayahic bin yilel te q'uinal soc suhtanic tal ta jtojol, scuenta yu'un ya jpasbeyex seña ta na'el ta stojol Jehová li' ta Silo, xchi.