Josué 17:16 - Bible in Tzeltal Bachajón

¹⁶ La yalic te snich'nab José: Ma ba tic'otcotic a te witsiltic ini. Soc spisil te cananeohetic te nahinemic ta spamlej ay scarretahic pasbilic ta taq'uin, ha te ayic ta Bet-seán soc te tut pueblohetic yu'un, soc te ayic ta spamlej yu'un Jezreel, xchihic.

Bible in Tzeltal de Oxchuc y Tenejapa

¹⁶ Jich la yalic: —Melel nix a, ma tic'ucotic a te witstiquile. Ja'uc me to, te cananeoetic te ayic ta spamlej, ay scarretaic yu'un guerra te pasbil ta taq'uine. Ja' nix jich te mach'atic ayic ta Bet-seán soc te ch'in lumetic yu'un te nainemic ta spamlej yu'un Jezreel —xiic.

Josué 17:16 ပူးပေါင်းရင်းမြစ်များ

1 Reyes 18:45

C'alal hich yac spasbel a, mahc ta tocal te ch'ulchan soc tulan ic', buen tulan ha'al la yac'. Te Acab mo ta scarreta, baht ta Jezreel.

1 Reyes 18:46

Te sc'ab Jehová ay ta stojol te Elías te la schuc sch'uht soc ha nahil baht ta ahnimal yu'un Acab c'alal ta Jezreel.

1 Reyes 21:1

Ta patil bahel, te Nabot te talem ta Jezreel ay sts'usubil ta nopol sna Acab ajwalil yu'un Samaria.

1 Reyes 21:23

Soc te Jezabel hich halbot sc'oblal yu'un te Jehová: Ya xlaj ta ti'el ta ts'i'etic te Jezabel ta sts'ahcul Jezreel, xchi.

1 Reyes 4:12

Baana snich'an Ahilud, ta Taanac, Meguido, soc spisil Bet-seán te slac'oj sba soc Saretán ta ye'tal xan yu'un Jezreel, c'alal Bet-seán ha to ta Abel-mehola, c'alal ta jehch Jocmeam;

2 Reyes 9:10

Te Jezabel ya me xti'ot ta ts'i' ta sq'uinal Jezreel, mayuc mach'a ya xmucot yu'un, xchi te Jehová, xchi. Ora la sjam te puerta, loc' ta ahnel.

2 Reyes 9:37

soc hich ya xc'oht te bin ut'il tsa' ta sba te q'uinal yu'un Jezreel, te mayuc mach'a hich ya xhu' ya yal: Ha Jezabel ini, xchi.

Jeremías 49:2

Ha yu'un ya sta yorahil, xchi te Jehová, te ya cac' chicnajuc sc'op guerra ta Rabá soc te amonetique. Ya xc'atp'uj ta busul jimbil, soc te pueblohetic ya x'a'botic sc'ahc'al; hich te Israel ya me scha'ic'ticlan te mach'atic ic'otic yu'unique.

Josué 15:56

Jezreel, Jocdeam, Zanoa,

Josué 17:11

Soc te Manasés ay tut pueblohetic yu'un ta sq'uinal Isacar soc Aser, ha te Bet-seán, Ibleam, te mach'atic nahinemic ta Dor, Endor, Taanac soc Meguido, soc te tut pueblohetic yu'unique; oxsehp q'uinal.

Josué 17:15

Hich la sjac' te Josué: Teme muc'ul pueblohex, bahanic ta banti tohyem te'etic, c'altayahic tey a te q'uinal yu'un te ferezeohetic soc te refahetic, teme ma tic'uquex a te witsiltic yu'un Efraín, xchi.

Josué 17:17

Ha yu'un te Josué la suhtbe sc'opic te mach'atic yu'un José, ha te Efraín soc Manasés, hich la yalbe: Ha'ex muc'ul pueblohex soc bayel awipic, ma ba jsehp nax q'uinal yac awich'ic,

Josué 17:18

ha awu'unic ya xc'oht te wits, aunque tohyemic ste'el ya me ats'eticlanic soc ya me awu'untayic c'alal ta mero sti'il te q'uinale; yu'un ha'at yac aten loq'uel te cananeohetic aunque ay scarretahic yu'un guerra pasbilic ta taq'uin soc te ay yipic, xchi.

Josué 19:18

Te sq'uinalic smacoj te Jezreel, Quesulot, Sunem,

Jueces 1:19

Te Jehová la sjoquin te Judá, te ha la yu'untayic te witsiltic, pero ma ba hu' yu'unic stenel loq'uel te mach'atic nahinemic ta spamlej, yu'un ay scarretahetic yu'un guerra pasbilic ta taq'uin.

Jueces 4:13

la stsob spisil te carretahetic yu'un, ha ho'winic yoxbahc' (900) carretahetic pasbilic ta taq'uin, soc la stsob spisil te winiquetic te sjoquinej, c'alal Haroset-goim ha to ta uc'um Cisón.

Jueces 4:3

Ha yu'un te snich'nab Israel awonic ta stojol Jehová, como te Jabín ay ho'winic yoxbahc' (900) carretahetic yu'un te pasbilic ta taq'uin soc ay jtahb (20) ha'bil te la ya'be tulan swocol te snich'nab Israel.

Jueces 6:33

Spisil te madianetic, amalequetic soc te mach'atic talemic ta stojol banti ya xloc' tal c'ahc'al, junax la stsob sbahic, sohlic tal ta muc'ul-ha' Jordán, la spas scampamentohic ta spamlej yu'un Jezreel.

1 Samuel 29:1

Te filisteohetic la stsob sbahic ta spisilic ta Afec, te Israel la spas scampamentohic ta sloq'uib-ha' te ay ta Jezreel.