Josué 17:11 - Bible in Tzeltal Bachajón

¹¹ Soc te Manasés ay tut pueblohetic yu'un ta sq'uinal Isacar soc Aser, ha te Bet-seán, Ibleam, te mach'atic nahinemic ta Dor, Endor, Taanac soc Meguido, soc te tut pueblohetic yu'unique; oxsehp q'uinal.

Bible in Tzeltal de Oxchuc y Tenejapa

¹¹ Soc c'ot ta swenta sts'umbal Manasés te lumetic soc te ch'in lumetic yu'unic, te ay ta sq'uinal sts'umbal Isacar soc ta sq'uinal sts'umbal Aser, ja'ic te Bet-seán, Ibleam, Dor, Endor, Taanac soc Meguido soc te oxtsel ch'in witsetique.

Josué 17:11 ပူးပေါင်းရင်းမြစ်များ

2 Samuel 21:12

baht yich'be tal te sbaquel Saúl soc te sbaquel Jonatán te snich'an te ayic ta stojol te winiquetic yu'un Jabes ta Galaad te elc'ambotic tal yu'unic ta plaza yu'un Bet-sán, te banti jihpambot sbaq'uetalic yu'un te filisteohetic te c'alal la smilic te Saúl ta Gilboa.

1 Reyes 9:15

Hich ay te cuenta yu'un te sujel ta a'tel yu'un te ajwalil Salomón yu'un spasel te sna Jehová soc te na yu'un, te Milo soc te sts'ahcul te Jerusalén, te Hazor, Meguido soc Gezer.

2 Reyes 9:27

C'alal hich la yil te Ocozías ajwalil yu'un Judá, baht ta ahnel ta stojol Bet-hagan. Pero nutsot yu'un te Jehú soc hich la yal: ¡Ha nix hich, milahic! xchi. Hich la yehchentesic ta scarreta ta mohel yu'un Gur, ta nopol Ibleam. Pero te Ocozías baht ta ahnel ta Meguido, tey c'oht ta lajel a.

1 Crónicas 6:70

Ta j'ohlil sts'umbal Manasés la ya'beyic te jayeb xan hilemic yu'un te sts'umbal Coat te Aner soc Bileam, soc te aquiltic ta sjoyobalic.

1 Crónicas 7:29

Soc ta sti'il sq'uinal Manasés: ha te Bet-seán, Taanac, Meguido soc Dor, soc te tut pueblohetic yu'unique. Ta lugartic ini tey nahinemic a te sts'umbal José snich'an Israel.

2 Crónicas 35:22

Pero te Josías ma ba suht bahel, la syanijtes sba ta ya'beyel guerra; ma ba la yich' ta cuenta te bin la yal te Necao, te ha nix sc'op a te Diose. Tal ya'be guerra ta spamlej yu'un Meguido.

Salmos 83:10

te lajic ta Endor, te c'atp'ujic ta c'a'em lum ta q'uinal.

Jeremías 49:2

Ha yu'un ya sta yorahil, xchi te Jehová, te ya cac' chicnajuc sc'op guerra ta Rabá soc te amonetique. Ya xc'atp'uj ta busul jimbil, soc te pueblohetic ya x'a'botic sc'ahc'al; hich te Israel ya me scha'ic'ticlan te mach'atic ic'otic yu'unique.

Zacarías 12:11

Ta hich ora ay me bayel oq'uel ta Jerusalén, hich te bin ut'il te oq'uel yu'un te Hadad-rimón ta spamlej yu'un Meguido.

Josué 11:2

soc te ajwaliletic te ayic ta witsiltic ta norte, ta Arabá te ay ta stojol sur yu'un Mar Cineret, ta spamlejetic soc ta q'uinal ay ta Dor ta stojol smahlib c'ahc'al,

Josué 12:21

Taanac, Meguido,

Josué 12:23

Dor te ay ta toyol q'uinal Dor, Goim ta Gilgal,

Josué 16:9

Soc te pueblohetic te a'botic te snich'nab Efraín ta yohlil sq'uinal te snich'nab Manasés, spisil te pueblohetic soc te tut pueblohetic yu'unic.

Josué 17:10

Te Efraín ay ta stojol sur, te Manasés ay ta stojol norte, soc ha smojonic te mar; soc slac'oj sba soc Aser ta stojol norte soc Isacar ta stojol banti ya xloc' tal c'ahc'al.

Josué 17:16

La yalic te snich'nab José: Ma ba tic'otcotic a te witsiltic ini. Soc spisil te cananeohetic te nahinemic ta spamlej ay scarretahic pasbilic ta taq'uin, ha te ayic ta Bet-seán soc te tut pueblohetic yu'un, soc te ayic ta spamlej yu'un Jezreel, xchihic.

Jueces 1:27

Te Manasés ma ba la sten loq'uel te mach'atic ayic ta Bet-seán, Taanac, Dor, Ibleam o Meguido soc te tut pueblohetic yu'unique; te cananeohetic la yaq'uic fuersa te ya xnahinic xan tey a.

Jueces 5:19

Tal ta yaq'uel guerra ajwaliletic; te ajwaliletic yu'un Canaán talic ta yaq'uel guerra ta Taanac ta nopol ha'etic yu'un Meguido, pero mayuc taq'uin la stahic.

1 Samuel 28:7

Ha yu'un te Saúl la yalbe te a'batetic yu'un: Lehbonic jtuhluc ants te ya sna' yiq'uel tal ch'uhlelal, yu'un ya xbohon ta sjoc'obeyel, xchi. Te a'batetic yu'un la sjaq'uic: Ay jtuhl ants ta Endor te ya sna' yiq'uel tal ch'uhlelal, xchihic.

1 Samuel 31:10

La ya'beyic ta templo yu'un Astarot te ya'tejib te Saúl soc la sjihpambeyic te sbaq'uetal ta sts'ahcul te Bet-sán.

1 Samuel 31:12

spisil te winiquetic te ay yip yo'tanic behenic bahel sjunal ahc'abal. La scohtesbeyic te sbaq'uetalic te Saúl soc te snich'nab ta sts'ahcul te Bet-sán, suhtic tal ta Jabes, tey hul schic'beyic a.