Josué 14:8 - Bible in Tzeltal Bachajón

⁸ Yan te quermanotac te sjoquinejonic bahel c'oht xiwtesbe yo'tanic te pueblo, yan te ho'one jun co'tan ta stojol Jehová te Dios cu'un.

Bible in Tzeltal de Oxchuc y Tenejapa

⁸ Yan te mach'atic joinej bael, ja' nax c'o xiwtesbey yo'tanic te jlumaltique. Yan te jo'one jun nax co'tan ta stojol te Cajwal te Dios cu'une.

Josué 14:8 ပူးပေါင်းရင်းမြစ်များ

Números 13:31

Pero te winiquetic te mohic bahel soc, la yalic: Ma xhu' cu'untic ya'beyel guerra te winiquetique, yu'un c'ax hich yipic a te bin ut'il te ho'otique, xchihic.

Números 14:1

Ha yu'un spisil te pueblo hahchic ta tulan aw; sjunal ahc'abal oq'uic.

Números 14:24

Yan te ca'bat Caleb, te bin ut'il yan yilel yo'tan a soc te jun yo'tan la st'unon bahel, ya cac' ochel ta q'uinal te banti c'oht yilix talel, soc te sts'umbal ya me yu'untayic te q'uinale.

Números 32:12

ha nax stuquel te Caleb snich'an Jefone, te Cenezeo-winic, soc te Josué snich'an Nun, te jun yo'tanic ta stojol Jehová, xchi.

Deuteronomio 1:28

¿Banti ya xbohotic? Te quermanotactic la spehc'ambotic co'tantic c'alal la yalic: Te ants-winiquetic ini ha muc' xan soc naht xan a te bin ut'il te ho'otique; ha muq'uic te pueblohetic yu'unic soc ay sts'ahculetic c'alal ta ch'ulchan; soc la jquilcotic te sts'umbal Anac, xchihex.

Deuteronomio 1:36

ha nax te Caleb snich'an Jefone ya me yil stuquel, soc ya ca'be soc snich'nab te q'uinal te banti behen, como jun yo'tan la st'un bahel te Jehová, xchi.

Josué 14:14

Hich te Hebrón ha sq'uinal c'oht te Caleb snich'an Jefone te cenezeo-winic c'alal ora, ta scuenta te jun yo'tan hil ta stojol Jehová te Dios yu'un Israel.

Apocalipsis 14:4

Ha'ic te ma ba la sbohlobtes sc'oblalic ta scuenta antsetic, yu'un la stsahtay sbahic. Ha'ic te ya st'unic ta bayuc ya xbaht te Jcolel Tuminchij. Mambil scolelic ta yohlil ants-winiquetic scuenta sba sit ya xc'oht ta stojol Dios soc ta stojol te Jcolel Tuminchij.