Josué 14:3 - Bible in Tzeltal Bachajón

³ Como te Moisés ya'beyejix sq'uinalic te cha'chahp soc ohlil ta jehch muc'ul-ha' Jordán; yan te levitahetic ma ba la ya'be sq'uinalic stuquel ta yohlil te yantique.

Bible in Tzeltal de Oxchuc y Tenejapa

³ Melel te Moisés ta neelal la yac'bey sq'uinalic ta jejch' ja' Jordán te sts'umbal Rubén, Gad soc te olil sts'umbal Manasés. Yan te sts'umbal levitaetic ma'yuc bay ac'bot sq'uinal stuquelic.

Josué 14:3 ပူးပေါင်းရင်းမြစ်များ

Ezequiel 45:1

C'alal yac apucticlan te q'uinal ta scuenta seña ta na'el, ya me awac' jsehpuc q'uinal yu'un Jehová scuenta ch'ultesbil q'uinal oxpic soc lajunwinic yoxbahc' (25,000) xuhc'ubil snahtil soc jpic soc ho'bahc' (10,000) xuhc'ubil sjamalil. Ha ch'ultesbil q'uinal ya xc'oht ta spisil.

Josué 12:6

Ha'ic te la yich'ic tsalel yu'un Moisés te a'bat yu'un Jehová, soc te snich'nab Israel; te Moisés te a'bat yu'un Jehová, ya'beyejix te sts'umbal Rubén, Gad soc te j'ohlil sts'umbal Manasés te sq'uinalique.

Josué 13:14

Pero te sts'umbal Leví ma ba a'bot sq'uinalic; te milbil mahtaniletic yu'un Jehová te Dios yu'un Israel, ha sq'uinalic c'oht, hich te bin ut'il halbotic yu'un.

Josué 13:16

Te sq'uinalic hahch ta Aroer te ay ta sti'il uc'um Arnón, soc te pueblo te ay ta yohlil te sjuclej, soc spisil te toyol spamlej c'alal ta Medeba;

Josué 13:17

te Hesbón soc spisil te pueblohetic ayic ta toyol spamlej; Dibón, Bamot-baal, Bet-baal-meón,

Josué 13:8

Como te j'ohlil xan yu'un Manasés, te Rubén, soc te Gad la yich'iquix sq'uinalic stuquel te a'botic yu'un Moisés ta stojol banti ya xloc' tal c'ahc'al yu'un Jordán, hich te bin ut'il a'botic yu'un Moisés te a'bat yu'un Jehová: