Josué 14:2 - Bible in Tzeltal Bachajón

² La yich' pucticlanel te q'uinal ta scuenta spasbeyel seña ta na'el, hich te bin ut'il Jehová la spas ta mandar te Moisés te ya yich'ic te balunchahp soc ohlil.

Bible in Tzeltal de Oxchuc y Tenejapa

² Te bit'il la spuquic te q'uinale, la spasbeyic snumeroil ta na'el te banti ya xc'ot ta swentaic te q'uinal ta sbalunchajbal sts'umbal soc te olile, jich bit'il yaloj mandal Cajwaltic ta stojol Moisés te jich ya spase.

Josué 14:2 ပူးပေါင်းရင်းမြစ်များ

Proverbios 16:33

Te winiquetic ya spasic seña ta na'el, pero ay ta scuenta Jehová yaq'uel ta na'el.

Proverbios 18:18

Te spasel seña ta na'el ya yac' lahmajuc te c'ope, soc ya schahpan te c'op yu'un te mach'atic tulan scontrahinej sbahique.

Ezequiel 45:1

C'alal yac apucticlan te q'uinal ta scuenta seña ta na'el, ya me awac' jsehpuc q'uinal yu'un Jehová scuenta ch'ultesbil q'uinal oxpic soc lajunwinic yoxbahc' (25,000) xuhc'ubil snahtil soc jpic soc ho'bahc' (10,000) xuhc'ubil sjamalil. Ha ch'ultesbil q'uinal ya xc'oht ta spisil.

Números 26:52

Te Jehová la yalbe te Moisés:

Números 33:54

Ya me awich'ic hilel te q'uinal ta scuenta seña ta na'el ta jujuchahp ats'umbalic; teme bayelic, muc' sq'uinal yac awa'beyic, teme mayuc bayelic, ma ba muc' yac awa'beyic. Ta banti ya yac' ta na'el te seña ta na'el, tey nix ya yich' sq'uinal a te jujuchahp. Ta scuenta jujuchahp sts'umbal te atatic ya me awich'ic hilel te q'uinale.

Números 34:13

Te Moisés hich la yalbe te snich'nab Israel: Ha te q'uinal te yac apucbe abahic ta scuenta seña ta na'el, ha te q'uinal la yal te Jehová te ya yich'ic a'beyel te balunchahp soc j'ohlil,

Números 34:17

Ha ini te sbihil te winiquetic te ya spuquic te q'uinal ta awohlilic: ha te sacerdote Eleazar soc Josué snich'an Nun.

San Mateo 25:34

Te ajwalil hich me ya yalbe te mach'atic ayic ta swa'el: La'ic, ha'ex te a'botex bendición yu'un te Jtat, ich'ahic hilel te cuentahinel yu'un Dios te chahpambotex ta shachel to tal bahlumilal,

Hechos 1:26

Hich och spasbeyic seña ta na'el, ha c'oht ta scuenta te Matías; hich jun c'oht soc te buluchtuhl (11) jpuc-c'opetique.

Josué 13:7

Pucbeya hiche te q'uinal ini te balunchahp soc te j'ohlil yu'un Manasés, xchi.

Josué 18:10

Te Josué la spasbe seña ta na'el ta stojol Jehová ta Silo; tey la spucbe a te q'uinal te snich'nab Israel, chican bin yilel la yich' te jujuchahp.

Josué 18:6

Te ha'ex yac awac' ta huc-sehp te q'uinal, ya me awich'bonic tal shunal bin yilel, scuenta yu'un ya jpasbeyex seña ta na'el ta stojol Jehová te Dios cu'untique.