Josué 13:6 - Bible in Tzeltal Bachajón

⁶ Ho'on ya jloq'ueslan ta stojol te snich'nab Israel spisil mach'atic nahinemic ta witsiltic c'alal Líbano ha to ta Misrefot-maim soc spisil te sidonetique. Ha'at nax yac apucticlambe te q'uinal te snich'nab Israel, hich te bin ut'il la jpasat ta mandar.

Bible in Tzeltal de Oxchuc y Tenejapa

⁶ Ya jloq'ues bael ta sq'uinal te sidonetic, yu'un ya x'ochic te israeletique, soc ya jloq'ues spisil mach'atic nainemic ta witstiquil, c'alal ta Líbano, ja' to ta Misrefot-maim. Yan te ja'ate at'elina spuquel sq'uinal te alumal israeletic, jich me te bit'il calojbat mandale.

Josué 13:6 ပူးပေါင်းရင်းမြစ်များ

Salmos 80:8

Ta Egipto la aloq'ues tal jun ts'usubil; la atenticlan loq'uel te nacionetic, la ats'un tey a te ts'usubile.

Números 33:54

Ya me awich'ic hilel te q'uinal ta scuenta seña ta na'el ta jujuchahp ats'umbalic; teme bayelic, muc' sq'uinal yac awa'beyic, teme mayuc bayelic, ma ba muc' yac awa'beyic. Ta banti ya yac' ta na'el te seña ta na'el, tey nix ya yich' sq'uinal a te jujuchahp. Ta scuenta jujuchahp sts'umbal te atatic ya me awich'ic hilel te q'uinale.

Josué 1:6

Ac'a me fuersa soc ayuc me yip awo'tan, yu'un ha'at yac awa'be yich'ic te q'uinal te pueblo ini te la jcalbe ta jamal te sme'static te ya ca'beye.

Josué 11:12

Ha nix hich te Josué la yu'untay spisil te pueblohetic yu'un te ajwaliletic, soc la smilticlan ta espada spisil te ajwaliletic yu'unic, jc'axel la smilticlan hilel, hich te bin ut'il pasot ta mandar yu'un Moisés te a'bat yu'un Jehová.

Josué 11:8

Te Jehová la yac'ticlambe ta sc'ab Israel, hich la yehchentesic soc la snutsic bahel ta stojol norte c'alal ta Muc'ul Sidón, ta Misrefot-maim soc ta spamlej yu'un Mizpa te ay ta stojol banti ya xloc' tal c'ahc'al. La smilticlanic ha to c'alal mayuc jtuhluc cuxul hil yu'unic.

Josué 13:7

Pucbeya hiche te q'uinal ini te balunchahp soc te j'ohlil yu'un Manasés, xchi.

Josué 23:13

na'ahic me te Jehová te Dios awu'unic ma ba ya sloq'uesbeyexix bahel ta awohlilic te nacionetic ini, hich ya xc'ohtic ta atojolic te bin ut'il lazo, ayacolic, smajojibal apatic soc ch'ix ta asitic, ha to c'alal ya xtup'ex bahel ta lequil q'uinal ini te la ya'beyex Jehová te Dios awu'unique.

Josué 23:4

La jca'beyex awu'untayic ta jujuchahpex ta scuenta spasel seña ta na'el te nacionetic ini, ha te lajemiquix soc te hilemic to, c'alal ta muc'ul-ha' Jordán ha to ta Muc'ul Mar ta stojol banti ya xmahl c'ahc'al.

Josué 23:5

Te Jehová te Dios awu'unic ya sch'ojticlan loq'uel ta atojolic, ya stenticlan loq'uel ta awohlilic, te ha'exe ya me awich'beyic hilel te sq'uinalic, hich te bin ut'il la yalbeyex te Jehová te Dios awu'unique.