Josué 13:16 - Bible in Tzeltal Bachajón

¹⁶ Te sq'uinalic hahch ta Aroer te ay ta sti'il uc'um Arnón, soc te pueblo te ay ta yohlil te sjuclej, soc spisil te toyol spamlej c'alal ta Medeba;

Bible in Tzeltal de Oxchuc y Tenejapa

¹⁶ Te sq'uinalic, ja' jil ta swentaic c'alal ta lum Aroer te ay ta sti'il ja' Arnón, soc te lum te ay ta yolil stenlej xatal q'uinal yu'une, soc spisil te spamlej ta sba wits yu'un Medeba,

Josué 13:16 ပူးပေါင်းရင်းမြစ်များ

2 Samuel 24:5

Sohlic bahel ta muc'ul-ha' Jordán, la spasic campamento ta Aroer, ta stojol sur yu'un te pueblo te ay ta yohlil te spamlej yu'un Gad, soc nopol yiloj sba soc Jazer.

1 Crónicas 19:7

Hich la stojic chanpic (32,000) carretahetic soc te ajwalil yu'un Maaca soc te soldadohetic yu'un, te c'oht spas scampamentohic ta stojol Medeba. Soc te sts'umbal Amón loq'uic tal ta pueblohetic yu'unic, la stsob sbahic ta yaq'uel guerra.

Isaías 15:4

Te Hesbón soc Eleale ya x'awonic, ya x'a'iybot sc'opic c'alal ta Jahaza. Ha yu'un te ya x'oq'uic te soldadohetic yu'un Moab, ya xnihc yo'tanic.

Números 21:26

Te Hesbón ha te muc'ul pueblo yu'un Sehón te ajwalil yu'un te amorreohetique. Te Sehón ay la ya'beyix guerra soc te ajwalil yu'un Moab, la spojbe spisil te sq'uinal c'alal ta Arnón.

Deuteronomio 3:12

Te q'uinal te la jcu'untaytic ta hich ora, ha te hahchem ta Aroer te ay ta sti'il te sjuclej Arnón, c'alal ta j'ohlil te witsiltic yu'un Galaad, soc te pueblohetic yu'une, la jca'be te sts'umbal Rubén soc Gad.

Josué 12:2

Ha te Sehón ajwalil yu'un te amorreohetic, te nahin ta Hesbón, te la scuentahin c'alal Aroer te ay ta sti'il te uc'um Arnón ha to ta uc'um Jaboc, te sti'il sq'uinal te snich'nab Amón, c'alal ta yohlil te sjuclej soc j'ohlil te sq'uinal Galaad.

Josué 13:15

Te Moisés la ya'be sq'uinalic te sts'umbal Rubén, ha chican te jaychahp ayique.

Josué 13:17

te Hesbón soc spisil te pueblohetic ayic ta toyol spamlej; Dibón, Bamot-baal, Bet-baal-meón,

Josué 13:9

ha te q'uinal c'alal Aroer te ay ta sti'il uc'um Arnón, soc te pueblo ay ta yohlil te sjuclej, soc spisil te toyol spamlej yu'un Medeba, ha to c'alal Dibón;

Josué 14:3

Como te Moisés ya'beyejix sq'uinalic te cha'chahp soc ohlil ta jehch muc'ul-ha' Jordán; yan te levitahetic ma ba la ya'be sq'uinalic stuquel ta yohlil te yantique.

Josué 18:7

Yan te levitahetic mayuc bin ya yich'ic ta awohlilic stuquel, como ha ya yich'ic stuquel te sacerdotehil yu'un Jehová. Soc te sts'umbal Gad, Rubén soc te j'ohlil sts'umbal Manasés yich'ojiquix sq'uinalic ta stojol banti ya xloc' tal c'ahc'al yu'un te muc'ul-ha' Jordán, te a'botic hilel yu'un Moisés te a'bat yu'un Jehová, xchi.

Jueces 11:26

Ayix ho'lajunwinic (300) ha'bil te nahinem Israel ta Hesbón soc te tut pueblohetic yu'un, ta Aroer soc te tut pueblohetic yu'un, soc spisil te pueblohetic ta sti'il uc'um Arnón, ¿bin yu'un ma ba la awich'ic xan ta hich ora?

1 Samuel 30:28

Aroer, Sifmot, Estemoa,