Josué 12:1 - Bible in Tzeltal Bachajón

¹ Hich ay te ajwaliletic yu'un te q'uinal te tsalotic yu'un te snich'nab Israel soc te u'untaybot sq'uinalic ta jehch Jordán ta stojol banti ya xloc' tal c'ahc'al, c'alal ta sjuclej Arnón ha to ta wits Hermón, spisil te Arabá te ay ta stojol banti ya xloc' tal c'ahc'al:

Bible in Tzeltal de Oxchuc y Tenejapa

¹ Ja'ic te muc' ajwaliletic te la stsalic te israeletic ta stojol sloq'uib c'aal yu'un te muc'ja' Jordán soc te q'uinal la yich'beyique, c'alal ta muc'ja' Arnón, c'alal ta wits Hermón, te ay ta swenta sloq'uib c'aal yu'un te muc'ja' Jordán:

Josué 12:1 ပူးပေါင်းရင်းမြစ်များ

1 Reyes 4:19

Geber snich'an Uri, ta Galaad, ha te sq'uinal Sehón, ajwalil yu'un te amorreohetic, soc te Og, ajwalil yu'un Basán. Ha nax gobernador stuquel ta q'uinal ini.

Salmos 133:3

Pajal soc te sts'ujulel wits Hermón te ya xco tal ta sba te witsiltic yu'un Sión, yu'un tey ya yac' tal bendición a te Jehová soc cuxlejal scuenta sbahtel q'uinal.

Salmos 136:21

soc la ya'be yich'ic hilel sq'uinalic, como sbahtel q'uinal ay sc'uxul yo'tan;

Salmos 89:12

Ha'at la apas te norte soc te sur; te Tabor soc te Hermón tse'el yo'tanic ya sc'ayojtaybat abihil.

Isaías 16:2

Hich te bin ut'il mutetic te xiwen loq'uel ta spechech, hich ay te yantsil-nich'nab Moab ta tec'o-ha'etic yu'un te muc'ul-ha' Arnón.

Números 21:13

Cha'hahchic bahel, c'oht spas scampamentohic ta jehch te uc'um Arnón te ay ta jochol taquin q'uinal, te hahchem loq'uel ta sq'uinal te amorreohetique. Te Arnón ha smojonic te Moab soc te amorreohetique.

Números 21:21

Te Israel la sticonic bahel winiquetic ta stojol Sehón te ajwalil yu'un te amorreohetic, hich la yalbeyic:

Números 21:24

Pero te Israel la smilticlanic ta espada, la yich'beyic sq'uinalic c'alal ta uc'um Arnón ha to ta uc'um Jaboc, c'alal ta sti'il sq'uinal te amonetic, yu'un te amonetic ay bayel yipic ta smojonic.

Números 32:19

Te bin ut'il quich'ojcotic hilel jq'uinalcotic li' ta jehch ha' ta stojol banti ya xloc' tal c'ahc'al yu'un Jordán, ma ba pajal ya quich'cotic q'uinal soc te yantic tey ta jehch muc'ul-ha' Jordán, xchihic.

Números 32:32

Chapalotcotic soc ca'tejibcotic ta stojol Jehová a ya sohlotcotic bahel ta sq'uinal Canaán, soc ha ya xhil ta jcuentacotic te q'uinal li' ta jehch Jordán, xchihic.

Números 32:33

Hich te Moisés la ya'be te snich'nab Gad, te snich'nab Rubén soc j'ohlil te jchahp yu'un Manasés snich'an José te ban c'alal scuentahinej Sehón ajwalil yu'un te amorreohetic, soc te ban c'alal scuentahinej Og ajwalil yu'un Basán, spisil te q'uinal soc te pueblohetic yu'un soc te q'uinal ta sjoyobal.

Deuteronomio 2:24

Hahchanic, sohlanic bahel ta sjuclej Arnón. Ilawil, la jca'beyex ta ac'abic te Sehón te amorreo-winic, ajwalil yu'un Hesbón, soc te sq'uinale. Hahchanic ta yu'untayel te q'uinal soc a'beyahic guerra.

Deuteronomio 2:32

Te Sehón loc' tal stahotic soc spisil te pueblo yu'un, tal ya'botic guerra ta Jahaza.

Deuteronomio 3:1

Patil la jcac'tic buelta, mohotic bahel ta sbehlal Basán. Loc' tal stahotic te Og ajwalil yu'un Basán, soc spisil te pueblo yu'un, tal ya'botic guerra ta Edrei.

Deuteronomio 4:44

Ha te ley te la ya'be te snich'nab Israel te Moisés.

Deuteronomio 4:46

te c'alal ayic ta jehch muc'ul-ha' Jordán ta muc'ul spamlej te snuhp'usitayej sba soc Bet-peor, ta sq'uinal Sehón te ajwalil yu'un te amorreohetic te nahin ta Hesbón, te tsalot yu'un Moisés soc te snich'nab Israel te c'alal loq'uic tal ta Egipto.

Deuteronomio 4:48

La yich'beyic te q'uinal c'alal Aroer te ay ta sti'il te sjuclej Arnón, c'alal ta wits Sirión, ha te Hermón,

Josué 1:15

ha to c'alal ya x'a'bot scux yo'tanic yu'un Jehová hich te bin ut'il ha'ex, soc te hich nix ya yu'untayic te q'uinal ya x'a'botic yu'un Jehová te Dios awu'unique. Patil ya suhtex bahel te q'uinal te a'botex awich'ic, te la ya'beyex Moisés te a'bat yu'un Jehová li' ta jehch Jordán ta stojol banti ya xloc' tal c'ahc'al, xchi.

Josué 11:17

c'alal ta wits Halac te mohem bahel ta stojol Seir, ha to ta Baal-gad te ay ta spamlej yu'un Líbano ta ye'tal wits Hermón. Soc la stsac spisil te ajwaliletic yu'unic soc la smilticlan.

Josué 11:3

te cananeohetic te ayic ta stojol banti ya xloc' tal c'ahc'al soc ta stojol smahlib c'ahc'al, te amorreo, heteo, ferezeo, soc jebuseohetic te ayic ta witsiltic, soc te heveohetic ta ye'tal wits Hermón ta sq'uinal Mizpa.

Josué 13:8

Como te j'ohlil xan yu'un Manasés, te Rubén, soc te Gad la yich'iquix sq'uinalic stuquel te a'botic yu'un Moisés ta stojol banti ya xloc' tal c'ahc'al yu'un Jordán, hich te bin ut'il a'botic yu'un Moisés te a'bat yu'un Jehová:

Josué 22:4

Ta ora ini, te Jehová te Dios awu'unic la ya'be scux yo'tanic te awermanotac hich te bin ut'il yaloj, ha yu'un suhtanic bahel ta anahilpaq'uic, ta q'uinal te la ya'beyex ta jehch ha' Jordán te Moisés te a'bat yu'un Jehová.

Jueces 11:18

Patil te Israel behenic ta jochol taquin q'uinal, la sjoybetayic te sq'uinal Edom soc te sq'uinal Moab, c'axic tal ta stojol banti ya xloc' tal c'ahc'al yu'un te sq'uinal Moab, la spasic campamento ta jehch te uc'um Arnón. Pero ma ba och bahel ta sq'uinal Moab, como ha smojon Moab te uc'um Arnón.