Josué 11:8 - Bible in Tzeltal Bachajón

⁸ Te Jehová la yac'ticlambe ta sc'ab Israel, hich la yehchentesic soc la snutsic bahel ta stojol norte c'alal ta Muc'ul Sidón, ta Misrefot-maim soc ta spamlej yu'un Mizpa te ay ta stojol banti ya xloc' tal c'ahc'al. La smilticlanic ha to c'alal mayuc jtuhluc cuxul hil yu'unic.

Bible in Tzeltal de Oxchuc y Tenejapa

⁸ Te Cajwaltic la yac'bey yaiyic tsalaw te israeletique. La snutsic bael ta milel c'alal ta muc'ul lum Sidón soc Misrefot-maim, soc c'alal ta stojol sloq'uib c'aal ja' to ta spamlej ta Mizpa, ni jtuluc cuxul a jil.

Josué 11:8 ပူးပေါင်းရင်းမြစ်များ

Génesis 10:15

Ayin snich'nab Canaán, ha te Sidón te sba-nich'an, soc Het,

Génesis 49:13

Te Zabulón ya xnahin ta ti'ti'mar, ha yawil barcohetic ya xc'oht; te smojonil ya xc'oht c'alal Sidón.

2 Samuel 24:6

Patil bahtic ta Galaad soc ta ahlan q'uinal Hodsi; patil bahtic ta Dan-jaan soc ta sjoyobal Sidón.

Isaías 23:4

¡Q'uexawan, Sidón! como hich ya yal te yip te mar: Mayuc bin ora alajon, mayuc mach'a la jcalatay, mayuc la jcoltes queremetic soc mayuc la jcoltes ach'ixetic, xchihat.

Zacarías 9:2

Ha nix hich Hamat te jun smojon soc Damasco, soc te Tiro soc Sidón, aunque bayel sp'ijilic.

Deuteronomio 7:2

soc te c'alal la ya'batix ta ac'ab te Jehová te Dios awu'un te nacionetic soc te la atsalix a, jc'axel me xajinticlan; ma me ayuc bin yac achap ac'op soc, ma me xana'be yo'bolil sbahic.

Deuteronomio 9:3

Na'a me yo'tic te ha te Jehová te Dios awu'un te ya xnahilij bahel awu'un hich te bin ut'il c'ahc' te ya xlajinwan, te ya slajinlan te nacionetic soc ya ya'be spehc'an sbahic ta atojol. Ya me atenticlan loq'uel soc ya me alajinlan ta ora nax, hich te bin ut'il la yalbatix te Jehová.

Josué 10:20

Te c'alal hu'ix yu'unic te Josué soc te snich'nab Israel te c'ax bayelic la smilic ha to c'alal lajic spisilic, te jayeb cuxul hilic ochic bahel ta pueblohetic te ay sts'ahcul.

Josué 11:3

te cananeohetic te ayic ta stojol banti ya xloc' tal c'ahc'al soc ta stojol smahlib c'ahc'al, te amorreo, heteo, ferezeo, soc jebuseohetic te ayic ta witsiltic, soc te heveohetic ta ye'tal wits Hermón ta sq'uinal Mizpa.

Josué 11:7

Te Josué soc spisil te winiquetic yu'un guerra, ch'ayal yo'tanic a la yochintayic ta banti te ha'etic yu'un Merom.

Josué 13:6

Ho'on ya jloq'ueslan ta stojol te snich'nab Israel spisil mach'atic nahinemic ta witsiltic c'alal Líbano ha to ta Misrefot-maim soc spisil te sidonetique. Ha'at nax yac apucticlambe te q'uinal te snich'nab Israel, hich te bin ut'il la jpasat ta mandar.

Josué 19:28

Ha yu'un ya smac te Hebrón, Rehob, Hamón soc Caná, ha to c'alal ta muc'ul Sidón.

Josué 21:44

Te Jehová la ya'be scux yo'tanic ta sjoyobalic, hich te bin ut'il la yalbe ta jamal te sme'statique. Mayuc junuc te scontrahic te tsalotic yu'un, como te Jehová la yac'ticlambe ta sc'abic spisil te scontrahique.