Josué 11:23 - Bible in Tzeltal Bachajón

²³ Hich te Josué la yu'untay spisil te q'uinal, hich te bin ut'il pasot ta mandar yu'un Jehová te Moisés; la yac'ticlambe yich'ic te q'uinal te snich'nab Israel, chican jayeb ya yich'ic te jujuchahp. Hich la scux yo'tan yu'un guerra te q'uinale.

Bible in Tzeltal de Oxchuc y Tenejapa

²³ Jich me la yich' spisil q'uinal te Josué, jich nix c'ot spisil te bit'il yalojbey Cajwaltic ta stojol Moisés. Ta patil la spucbey ta chajbalchajp sts'umbal israeletic, swenta yu'un ya me yu'uninic ta jc'axel. Ta patil lamaj c'op ta spamal q'uinal.

Josué 11:23 ပူးပေါင်းရင်းမြစ်များ

Nehemías 9:24

Te yal-snich'anic och yu'untayic te q'uinal, la awa'be spehc'an sbahic ta stojolic te cananeohetic te nahinemic ta q'uinal, te la awac'ticlambe ta sc'abic soc te ajwaliletic yu'unic soc te pueblohetic ta q'uinal, yu'un ya spasbeyic te bin la sc'an yo'tanic.

Salmos 46:9

Jc'axel ya yac' quehchajuc guerrahetic c'alal ta sti'il bahlumilal; ya swac' te t'ihmalte' soc te lanza, soc ya schic' ta c'ahc' te carretahetic yu'un guerra.

Éxodo 34:11

Pasa te bin ya calbat ta mandar yo'tic. Ya jtenticlan loq'uel ta atojolic te amorreo, cananeo, heteo, ferezeo, heveo soc te jebuseo.

Ezequiel 45:8

Te q'uinal ini ha ya xhil ta scuenta Israel. Te príncipaletic cu'un ma ba ya yuts'imboniquix te pueblo cu'un; ya ya'beyic te sq'uinal te sna Israel, ha chican te jaychahp ayic.

Deuteronomio 1:38

Te Josué snich'an Nun, te mach'a yac yac'bel sba ta a'batinel awu'un, ha ya x'och stuquel. A'beya yip yo'tan, como ha me ya ya'be yich' te q'uinal te Israel.

Deuteronomio 25:19

Ha yu'un te c'alal Jehová te Dios awu'un la ya'batix acux awo'tan yu'un spisil acontratac ta ajoyobal tey ta q'uinal ya ya'bat ta acuenta yu'un yac awu'untay, jc'axel me xatup'be sc'oblal Amalec ta ye'tal ch'ulchan; ma me xch'ay ta awo'tan.

Josué 11:18

Te Josué bayel tiempo la ya'be guerra te ajwaliletique.

Josué 12:7

Hich ay te ajwaliletic yu'un te q'uinal te la stsal te Josué soc te snich'nab Israel ta stojol smahlib c'ahc'al yu'un te muc'ul-ha' Jordán, c'alal ta Baal-gad te ay ta spamlej yu'un Líbano ha to ta wits Halac te ya xmo bahel ta Seir, ha te q'uinal te Josué la spuctilambe ta stojol te chahpalchahp yu'un Israel, chican jayeb la yich' te jujuchahp,

Josué 18:10

Te Josué la spasbe seña ta na'el ta stojol Jehová ta Silo; tey la spucbe a te q'uinal te snich'nab Israel, chican bin yilel la yich' te jujuchahp.

Josué 22:4

Ta ora ini, te Jehová te Dios awu'unic la ya'be scux yo'tanic te awermanotac hich te bin ut'il yaloj, ha yu'un suhtanic bahel ta anahilpaq'uic, ta q'uinal te la ya'beyex ta jehch ha' Jordán te Moisés te a'bat yu'un Jehová.

Josué 23:1

Bayel c'ahc'al ta patil, te c'alal a'botix scux yo'tanic yu'un Jehová te snich'nab Israel yu'un te scontrahic ta sjoyobal, soc mamalix te Josué, ayix bayel ya'bilal a,