Josué 11:14 - Bible in Tzeltal Bachajón

¹⁴ Te snich'nab Israel la yich'ic spisil te biluquetic soc chambahlametic yu'un te pueblohetique; pero spisil te winiquetic la smilic ta espada ha to c'alal jc'axel la slajinic, mayuc mach'a cuxul hil yu'unic.

Bible in Tzeltal de Oxchuc y Tenejapa

¹⁴ La smilic ta puñal ta spisilic te mach'atic ayic ta lumetic, ma'yuc bay cuxul la yijq'uitayic jilel jtuluc. La yu'uninbeyic spisil te xchamsbalamic soc spisil te sbiluquique.

Josué 11:14 ပူးပေါင်းရင်းမြစ်များ

2 Crónicas 20:25

Ha yu'un te Josafat soc te winiquetic yu'un baht spojbeyic sbiluquic, la stahic bayel c'ulejalil ta yohlil te chamen baq'uetetic, ha c'u'uletic soc bintic t'ujbil pasticlambil, la yich'ic hich yipal te ma ba hu' ta cuchel bahel. Oxeb c'ahc'al la stsobic te biluquetic, como c'ax bayel.

Números 31:9

Te snich'nab Israel la schuquic bahel te madian-antsetic soc te alaletic yu'unic, spisil schansbahlamic soc spisil sbiluquic.

Deuteronomio 20:14

Yan te antsetic, alaletic, chambahlametic soc spisil te bintic ay ta pueblo, ha awu'un ya xc'oht; yac awe'be te bintic ay yu'un te acontratac te a'botat ta ac'ab yu'un te Jehová te Dios awu'une.

Deuteronomio 20:16

Yan te pueblohetic yu'un te nacionetic te li' ayic te ya ya'bat awich' te Jehová te Dios awu'un, ma me ayuc mach'a cuxul ya xhil awu'un,

Josué 10:40

Hich te Josué la stsal spisil te q'uinal, ha te witsiltic, te Neguev, te spamlejetic soc te mohel q'uinal, soc spisil te ajwaliletic yu'unic, mayuc bin cuxul hil. Jc'axel la slajin spisil te bintic cuxulic, hich te bin ut'il pasbot ta mandar yu'un Jehová te Dios yu'un Israel.

Josué 11:11

La smilic ta espada spisil mach'atic cuxulic tey a, jc'axel la slajinic, mayuc mach'a cuxul hil; soc la schiq'uic te Hazor.

Josué 11:13

Pero te Israel ma ba la schiq'uic spisil te pueblohetic te ayic ta but'bil tsehletic; ha nax la schic' te Hazor te Josué.

Josué 11:15

Hich te bin ut'il Jehová la spas ta mandar Moisés te a'bat yu'un, hich nix te Moisés la spas ta mandar te Josué, soc hich nix la spas te Josué, mayuc la sch'ay jp'ahluc te bin pasot ta mandar yu'un Jehová te Moisés.

Josué 8:2

Hich yac apasbe te Hai soc te ajwalil yu'un te bin ut'il la apasbe te Jericó soc te ajwalil yu'une; yan te sbiluquic soc te chambahlametic yu'unic ya xhu' yac awich'ic stuquel. Ya me awac' winiquetic te ya snac' sbahic ta spat te pueblo, xchi.

Josué 8:27

Pero te Israel la yiq'uic te chambahlametic soc te biluquetic yu'un te pueblo, hich te bin ut'il pasot ta mandar yu'un Jehová te Josué.