Josué 11:12 - Bible in Tzeltal Bachajón

¹² Ha nix hich te Josué la yu'untay spisil te pueblohetic yu'un te ajwaliletic, soc la smilticlan ta espada spisil te ajwaliletic yu'unic, jc'axel la smilticlan hilel, hich te bin ut'il pasot ta mandar yu'un Moisés te a'bat yu'un Jehová.

Bible in Tzeltal de Oxchuc y Tenejapa

¹² Ja' nix jich la spasbey spisil te lumetic te xchapoj sc'opic soque. La stsaquic soc la smilbeyic te muc' ajwaliletic yu'unique, jc'axel la sjinic jilel, jich bit'il la yal jilel mandal Moisés te yabat Cajwaltique.

Josué 11:12 ပူးပေါင်းရင်းမြစ်များ

Deuteronomio 7:2

soc te c'alal la ya'batix ta ac'ab te Jehová te Dios awu'un te nacionetic soc te la atsalix a, jc'axel me xajinticlan; ma me ayuc bin yac achap ac'op soc, ma me xana'be yo'bolil sbahic.

Deuteronomio 9:3

Na'a me yo'tic te ha te Jehová te Dios awu'un te ya xnahilij bahel awu'un hich te bin ut'il c'ahc' te ya xlajinwan, te ya slajinlan te nacionetic soc ya ya'be spehc'an sbahic ta atojol. Ya me atenticlan loq'uel soc ya me alajinlan ta ora nax, hich te bin ut'il la yalbatix te Jehová.

Josué 10:20

Te c'alal hu'ix yu'unic te Josué soc te snich'nab Israel te c'ax bayelic la smilic ha to c'alal lajic spisilic, te jayeb cuxul hilic ochic bahel ta pueblohetic te ay sts'ahcul.

Josué 10:28

Ta hich ora la yich' Maceda te Josué, la smilticlan ta espada soc la smil te ajwalil yu'une; jc'axel la slajinlan soc spisil mach'atic cuxulic tey a, mayuc mach'a cuxul hil. Soc hich nix la spasbe te ajwalil yu'un Maceda te bin la spasbe te ajwalil yu'un Jericó.

Josué 10:30

Te Jehová ha nix hich la ya'be ta sc'ab Israel te pueblo soc te ajwalil yu'une; la smil ta espada soc spisil te mach'atic cuxulic tey a, mayuc mach'a cuxul hil. Soc hich nix la spasbe te ajwalil yu'un te bin ut'il la spasbe te ajwalil yu'un Jericó.

Josué 10:32

Ha nix hich te Jehová la ya'be ta sc'ab Israel te Laquis, la yu'untay ta schebal c'ahc'al, la smil ta espada soc spisil mach'atic cuxulic tey a, hich te bin ut'il la spas ta Libna.

Josué 10:35

Ha nix yorahil a la yu'untayic, la smilic ta espada. Ta yorahil nix la smilic spisil te mach'atic cuxulic tey a, hich te bin ut'il la spasic ta Laquis.

Josué 10:37

La yu'untayic soc la smilic ta espada te ajwalil soc spisil te pueblohetic yu'un soc spisil mach'atic cuxulic tey a; mayuc mach'a cuxul hil, hich te bin ut'il la spasbe te Eglón. Jc'axel la slajinic soc spisil bintic cuxulic tey a.

Josué 11:13

Pero te Israel ma ba la schiq'uic spisil te pueblohetic te ayic ta but'bil tsehletic; ha nax la schic' te Hazor te Josué.

Josué 11:15

Hich te bin ut'il Jehová la spas ta mandar Moisés te a'bat yu'un, hich nix te Moisés la spas ta mandar te Josué, soc hich nix la spas te Josué, mayuc la sch'ay jp'ahluc te bin pasot ta mandar yu'un Jehová te Moisés.

Josué 13:6

Ho'on ya jloq'ueslan ta stojol te snich'nab Israel spisil mach'atic nahinemic ta witsiltic c'alal Líbano ha to ta Misrefot-maim soc spisil te sidonetique. Ha'at nax yac apucticlambe te q'uinal te snich'nab Israel, hich te bin ut'il la jpasat ta mandar.

Josué 21:44

Te Jehová la ya'be scux yo'tanic ta sjoyobalic, hich te bin ut'il la yalbe ta jamal te sme'statique. Mayuc junuc te scontrahic te tsalotic yu'un, como te Jehová la yac'ticlambe ta sc'abic spisil te scontrahique.

Josué 8:31

hich te bin ut'il Moisés te a'bat yu'un Jehová la spas ta mandar te snich'nab Israel, hich te bin ut'il ts'ihbabil ta hun yu'un te ley yu'un Moisés: Ha scajtajib ta chiq'uel mahtanil pasbil ta tonetic te ma ba walubil, te xchihe. Tey la ya'beyic scohtol chic'bil mahtaniletic yu'un a te Jehová soc la yaq'uic mahtaniletic scuenta lamal q'uinal.

Josué 8:8

Te c'alal la awu'untayiquix a, ya me achiq'uic; ya me apasic hich te bin ut'il yaloj te Jehová. A'iya me awa'iy, la jpasex ta mandar, xchi.

Josué 9:24

Hich la sjac'beyic te Josué: Como la ya'iyic te a'batetic awu'un te Jehová te Dios awu'un spasojix ta mandar te ya'bat Moisés te ya me ya'beyex spisil te q'uinal soc te ya slajin ta atojolic spisil te mach'atic nahinemic ta q'uinal, ha scuentahil te bayel la jxi'cotic te ya xlajotcotic, ha yu'un te hich la jpascotic.